Nehemaya 9:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Etiyin ihwo ri Livae, Jeshua, Kadmiẹl, Bani, Hashabneiya, Sherebia, Hodia, Shebanaya, kugbe Petahia, da ta, Vrẹn mudia re we bruphihọ kẹ Ọrovwohwo Ọghẹnẹ rẹ ovwan nẹ bẹdẹ re te bẹdẹ. Ebruphihọ kẹ odẹ rẹ urinrin wẹn ra kpare kpenu nọ ebruphihọ kugbe ejiro ejobi.

Nehemaya 9:5 ပူးပေါင်းရင်းမြစ်များ

1 Ivie 8:14

Etiyin ovie de kuoma rhẹriẹ, ọ da nẹ ẹrhovwo kẹ ọghwẹgbe rẹ Izrẹl na ejobi, yẹ ọghwẹgbe rẹ Izrẹl ejobi mudia.

1 Ivie 8:15

ọ da ta, Ebruba kẹ Ọrovwohwo, Ọghẹnẹ rẹ Izrẹl, rọ vwẹ obọ rọye ru ive rọ vwẹ unu rọye ve kẹ Devid ọsẹ mẹ gba, tanẹ,

1 Ivie 8:22

Etiyin Solomọn de mudia vwẹ obaro re agbada rẹ Ọrovwohwo na vwẹ irharo rẹ ọghwẹgbe rẹ Izrẹl na ejobi, ọ da bẹrẹ abọ sa odjuvwu;

1 Ivie 8:27

Ẹkẹvuọvo kẹ Ọghẹnẹ sa tobọ dia otọ rẹ akpọ na? Nighere, odjuvwu kugbe odjuvwu ro me kpenu na sa gba wẹ-ẹ; komavọ uwevwi ọhahavwe nana re me bọnre na.

1 Ikun rẹ Ivie 16:36

Ebruphihọ kẹ Ọrovwohwo na, Ọghẹnẹ rẹ Izrẹl nẹ bẹdẹ bẹdẹ re te rhiri bẹdẹ. Etiyin ihwo na ejobi da ta, Isẹ!, ayen de jiri Ọrovwohwo.

1 Ikun rẹ Ivie 29:11

Wẹ, E Ọrovwohwo, vwo ọrho, kugbe ogangan, vẹ urinrin vẹ ephiokparobọ vẹ ẹgba; fikiridie emu rẹ obo odjuvwu vẹ akpọ ejobi ewẹn; Ọwẹn ọye uvie na E Ọrovwohwo, wẹ a kpare kpenu vwẹ enu ri kemu kemu ejobi.

1 Ikun rẹ Ivie 29:13

Asakiephana ma kpẹvwẹ owẹ, Ọghẹnẹ rẹ avwanre, me jiri odẹ wẹn rẹ urinrin na.

1 Ikun rẹ Ivie 29:20

Etiyin Devid da ta kẹ ọghwẹgbe na ejobi, Bruphihọ kẹ Ọrovwohwo rẹ Ọghẹnẹ wẹn. Ọghwẹgbe na ejobi de bruphihọ kẹ Ọrovwohwo na, Ọghẹnẹ rẹ esẹ rayen, ayen de gbe uyovwi rayen kpotọ; ayen da ga Ọrovwohwo na, ayen da vware ovie na.

2 Ikun rẹ Ivie 20:13

Vwẹ ọke yena ihwo ri Juda de mudia vwẹ obaro rẹ Ọrovwohwo na, vẹ emoboba rayen, eya rayen, vẹ imitete rayen.

2 Ikun rẹ Ivie 20:19

Ihwo ri Livae, ihwo ri Kohat kugbe ihwo ri Korat de vrẹn re jiri Ọrovwohwo, Ọghẹnẹ rẹ Izrẹl na, vẹ urhuru ọgangan.

Ezra 3:11

Ayen da so ine ohwohwo kuo kẹ ohwohwo, ine rẹ ejiro vẹ ẹkpẹvwẹ kẹ Ọrovwohwo, Kidie o yoma, Kidie eguọnọ rọye ro jẹrhẹriẹ na herọ bẹdẹ kpahe Izrẹl Ihwo na ejobi de kperi ukperi ọgangan, rẹ ayen vwo jiri Ọrovwohwo na, fikiridie e mu uchivwo rẹ uwevwi rẹ Ọrovwohwo na vi nure.

Nehemaya 9:4

Enu re ovwevwe re ihwo ri Livae na ọye Jeshua, Bani, Kadmiẹl, Shebanaya, Bunni, Shẹrebia, Bani, kugbe Chenani mudia phihọ, ayen da va kperi se Ọrovwohwo Ọghẹnẹ rayen.

Nehemaya 9:6

Ẹzra da ta: Wọwẹ hẹ Ọrovwohwo, wọwẹ ọvo kpogholo, wọwẹ re ma odjuvwu, odjuvwu rẹ idjuvwu na, vẹ urogho rayen ejobi, akpọ na vẹ obọ re hẹ enu rọye, ebadi na vẹ obo re hẹ evun re ayen, wọwẹ re sẹro rẹ ayen ejobi, urogho rẹ odjuvwu na ejobi ga wẹ.

ỌBE RẸ JOB 1:21

Ọ da ta, Ẹbẹba mi vwo nẹ uwevwievwiẹ rẹ oni mẹ rhe, ẹbẹba me che vwo hirhe, Ọrovwohwo re kerẹ, Ọrovwohwo re je reyọ, ebruphihọ kẹ odẹ rẹ Ọrovwohwo na.

Une rẹ Ejiro 106:2

Ono re sa ta ikpiruo ride rẹ Ọrovwohwo, eyẹ se dje ejiro rọye phia?

Une rẹ Ejiro 134:1

Yanrhe, bruba kẹ Ọrovwohwo na, ovwan idibo rẹ Ọrovwohwo ejobi, ri mudia vwẹ ason vwe evun rẹ uwevwi rẹ Ọrovwohwo na!

Une rẹ Ejiro 145:2

Kẹdẹ kẹdẹ mi vwo bruba kẹ wẹ, mi jiri odẹ wẹn bẹdẹ bẹdẹ.

Une rẹ Ejiro 145:5

Vwe erhuvwu rẹ urinrin vẹ orhuarho wẹn, kugbe iruo rẹ igbunu wẹn, mi roro iroro kpahe.

Une rẹ Ejiro 146:2

Mi jiri Ọrovwohwo na vwẹ ọke me dia akpọ na te; Me so ejiro kẹ Ọghẹnẹ mẹ vwẹ ọke nana me vwọ hẹ ọkpokpọ na.

Une rẹ Ejiro 16:2

Me da ta kẹ Ọrovwohwo, Wẹ Ọrovwovwe, Mi vwo uyoyovwi ọvuọvo-o jokpa nẹ ọ wan oma wẹn rhe.

Une rẹ Ejiro 66:2

So urinrin rẹ odẹ rọye; vwẹ ejiro rẹ urinrin vwọ kẹ!

Une rẹ Ejiro 99:3

Jẹn ayen jiri odẹ wẹn rode ro muoshọ na! Ọfuanfon ọye ọ epha!

Ẹyano 15:11

Ono re họhọ owẹ, E Ọrovwohwo, vwẹ ohri rẹ eghẹnẹ na ejobi? Ono re họhọ owẹ, vwẹ ọrho vẹ ẹfuọn, ro muoshọ vwẹ iruo rẹ urinrin, ro ruẹ emu rẹ igbunu?

Ẹyano 15:6

Obọrhe wẹn, E Ọrovwohwo, ọ vẹ urinrin vẹ ogangan, obọrhe wẹn, E Ọrovwohwo, ọ hra ivwighrẹ na.

Daniẹl 2:20

Daniẹl da ta: Ebruba kẹ odẹ rẹ Ọghẹnẹ bẹdẹ bẹdẹ, ohwo ro vwo ẹghwanre vẹ ẹgba.

Matiu 11:25

Vwẹ ọke yena Jesu da ta nẹ, Me kpẹvwẹ owẹ E Ọsẹ, Ọ ro ma odjuvwu vẹ akpọ, re vwo si emu nana nu kẹ ihwo rẹ ghwanre vẹ i ri vwo ẹruọ, wọ da vwọ ayen phia kẹ emọboba.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

Urhi Rivẹ 28:58

Ọ da dianẹ ovwan rha jomaotọ dẹndẹn vwọ yọnrọn eta rẹ urhi nana re si phihọ ọbe nana-a rẹ ovwan da djẹ oshọ rẹ odẹ rẹ urinrin ro mu oshọ na, Ọrovwohwo Ọghẹnẹ rẹ ovwan na-a;

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

Iguẹdjọ 13:18

Amakashe rẹ Ọrovwohwo na da ta kẹ nẹ, Die sorọ wọ vwọ nọ ekpẹn rẹ odẹ mẹ, yo wẹ mrẹ nẹ igbunu?