Nehemaya 9:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ ivie re avwanre, isun re avwanre, irherẹn re avwanre, kugbe esẹ rẹ avwanre yọnrọn urhi wẹ-ẹn eyẹ e davwerhọn rẹ irhi vẹ eta ru wọ ta kẹ aye-en.

Nehemaya 9:34 ပူးပေါင်းရင်းမြစ်များ

Ivie rẹ Ivẹ 17:13

Dede na yẹn Ọrovwohwo ji ọmraro kọmraro kugbe ọmrẹ kọmrẹ ra nẹ Izrẹl vi Juda iroro, nẹ, Kurhẹriẹ nẹ idjerhe umwemwu rẹ ovwan na rere ovwan sẹro rẹ irhi mẹ kugbe iji mẹ, ovwan yọnrọn ayen kirobo ri mi ji urhi vwọ kẹ esẹ rẹ ovwan, kirobo ri mi ji idibo mẹ emraro na rhi yono ovwan.

Ivie rẹ Ivẹ 17:15

Ayen da jẹ irhi rọye fia, kugbe ọphọ rọ vẹ esẹ rayen rere, kugbe okpa rọ kpa kẹ ayen. Ayen da yan nene ema rẹ efian, ayen de nene ẹgborho re yariẹ ayen phihọ, rẹ Ọrovwohwo kpa ọkpa kẹ ayen nẹ ayen nene-e na.

2 Ikun rẹ Ivie 29:6

Kidiẹ esẹ rẹ avwanre segbuyota-a ayen de ru emu ọbrabra vwẹ obaro rẹ Ọrovwohwo Ọghẹnẹ rẹ avwanre; ayen senrọ, ayen de si opharo rayen nu kẹ ẹdia rẹ Ọrovwohwo, ayen de chuko rayen kuo.

Ezra 9:10

Vwẹ asakiephana, E Ọghẹnẹ rẹ avwanre, kidie avwanre ta vwẹ ọnana? Kidie irhi wẹn chọrọ avwanre ẹro,

Nehemaya 9:30

Ikpe buebu wo chiri ako rẹ ayen, wọ da wan oma re emraro na vwe Erhi wẹn ta ota kẹ ayen; dede na ayen davwerhọ-ọn. Fiki rẹ ọtiọye na wo de phi ayen phihọ obọ re ihwo rẹ otọ na.

Nehemaya 9:33

Dede na emu re ọsoso wo ruru kpahe obo re phia kẹ avwanre na, kidie emu re esegbuyota wo ruru yẹ emu umwemwu avwanre ruru,

Nehemaya 9:35

Ayen ga wẹ vwẹ evun rọ uvie raye-en, vwe evun re evun esiri wẹn ri wo vwọ keẹ ayen, kugbe evun re otọ erhuarho yoyovwi ru wo bru kẹ ayen, ayen ji se kurhẹriẹ nẹ idjerhe nẹ iruo umwemwu rayen na-a.

Jerimaya 29:19

Fikiridie ayen davwẹ erhọn rẹ eta mẹ na-a ri mu jẹ idibo mẹ rẹ emraro na nẹ e ra ta kẹ ayen kẹsiẹ kẹsiẹ, eriyin Ọrovwohwo tare, ẹkẹvuọvo wa cha kerhọ-ọn, eriyin Ọrovwohwo tare.

Jerimaya 44:17

Ẹkẹvuọvo me se ru obo ri me veri ni me ru, ma torhẹ izobo kẹ ovie-aye re enu, me je ku udi kuo, kirobo me ru wanre, te avwanre te esẹ rẹ avwanre, ivie rẹ avwanre vẹ isun rẹ avwanre, vwẹ irere ri Juda vẹ irhuvwu ri Jerusalẹm, kidie ọke yena avwanre da mrẹ emuọre buebu, o de yovwi kẹ avwanre, ma mrẹ umiovwo-o.

Jerimaya 44:4

Dede na mi dje idibo mẹ emraro na ejejo bru ovwan rhe tanẹ, E, we ruẹ emuẹgha nana ro tu vwe oma na-a!

Izikiẹl 5:6

Ọ da vwẹ uvumwemwu vwọ so irhi me nọ ẹgborho ri chekọ na, ọ da vwọ so iji mẹ nọ irho re yarierẹ phihọ na, ọ da sen irhi mẹ ọ gbe yan nene iji mẹ-ẹ.

Daniẹl 9:6

Avwanre davwerhọn rẹ idibo wẹn vẹ emraro wẹ-ẹn, re vwẹ odẹ wẹn ta ota kẹ ivie rẹ avwanre, isun rẹ avwanre, kugbe esẹ rẹ avwanre te ihwo rẹ otọ rẹ avwanre na.

Urhi Rivẹ 31:21

Ọke rẹ ukpokpogho vẹ emiovwo buebu de bru ayen rhe re, une nana kọ dia kẹ ayen kerẹ oseri (kidie ọ cha dia ẹbẹrunu rẹ uvwiẹ rayen ro de jẹ ayen ẹchọrọ); kidie Me riẹn oghẹre rẹ iroro rẹ ayen roro nure, tavwe Me ke reyọ ayen rhe otọ ri mi veri nẹ Me vwọ kẹ na.