Nehemaya 9:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ihwo re Izrẹl ejobi da hẹriẹ oma nẹ otu rẹ erhorha, ayen de vrẹn mudia rhọvwe imwemwu rayen kugbe orukuruku re ese rayen.

Nehemaya 9:2 ပူးပေါင်းရင်းမြစ်များ

1 Ivie 8:47

ayen da rhe karohọ vwẹ otọ rẹ mu ayen ighuvwu ra na, ayen de kurhẹriẹ, rẹ ayen da rẹ wẹ vwẹ otọ re mu ayen ra na, tanẹ, Avwanre ru imwemwu, avwanre ru chọ brabra;

Ezra 10:11

Asakiephana wa gba fan efanfan kẹ Ọrovwohwo Ọghẹnẹ rẹ ọse rẹ ovwan, rere ovwan ru ẹguọnọ rọye, wa hẹriẹ oma rẹ ovwan nẹ ihwo rẹ otọ na ji vwo nẹ oma rẹ eya erhorha na.

Ezra 6:21

Ihwo rẹ Izrẹl ri rhivwi nẹ imu rhe na eye rerọ, ji kugbe ohwo kohwo ro kuoma gbẹ ayen ro de sioma rọye nẹ ẹgua rẹ ihwo rẹ otọ na ra ga Ọrovwohwo, rẹ Ọghẹnẹ rẹ Izrẹl na.

Ezra 9:1

Re vwo ru imu nana ejobi nu, iruiruo na de bru vwe rhe tanẹ, Ihwo rẹ Izrẹl vẹ irherẹn na kugbe ihwo ri Livae na je hẹriẹ oma nẹ ihwo rẹ otọ na vẹ ẹgua raye-en, vwo nẹ ihwo ri Kenan, ihwo ri Hẹt, ihwo ri Periz, ihwo ri Jebus, ihwo rẹ Ammọn, ihwo ri Moab, ihwo rẹ Ijipt, kugbe ihwo rẹ Amọr.

Ezra 9:15

E Ọrovwohwo Ọghẹnẹ rẹ Izrẹl, wẹwẹ ohwo rẹ ọsoso, kidie a yan jẹ umuku re vabọ na vwo kẹ avwanre kirobo rọ epha nonẹ na. Nighe, avwanre mudia vwẹ obaro wẹn vwẹ evun rẹ abe rẹ avwanre, kidie o vwo ohwo ro se mudia vwẹ obaro wẹn fiki rẹ ọnana-a.

Ezra 9:2

Fikiridie ayen reyọ emetẹ rayen evo vwọ ru eya kẹ oma rayen vẹ emọ rayen, kọye uvwiẹ ọfuanfọn na vẹ ihwo rẹ otọ na da rhe dia ọguagua. Vwe evun ri je segbuyota nana abọ rẹ iruiruo na vẹ ilori rẹ ihwo na eye ma ka obaro.

Nehemaya 1:6

Jẹn erhọn wẹn nabọ rhie phihọ, rere ẹro wẹn rhie, wo nyo ẹrhovwo rẹ odibo wẹn re me nẹ asakiephana vwẹ obaro wẹn te ason te uvo vwọ ke emọ re Izrẹl idibo wẹn, re me da rhọvwe imwemwu rẹ emọ rẹ Izrẹl rẹ avwanre ru kpahe owẹ. Uyota, mẹvwẹ vẹ uwevwi rẹ ọsẹ me ru imwemwu.

Nehemaya 10:28

Ihwo ri chekọ, irherẹn na, ihwo ri Livae, erhẹrẹchẹ, ibuine, idibo rẹ uwevwi rẹ Ọghẹnẹ, kugbe ihwo ejobi re hẹriẹ oma nẹ ihwo re otọ na fiki rẹ urhi rẹ Ọghẹnẹ, eya rayen, emọ rayen, emetẹ rayen, ihwo ejobi ri vwo ẹruọ kugbe ẹriẹn,

Nehemaya 10:29

de kuoma gbe imoni rayen, ihwo ride rayen, duvwu iyori nẹ ayen yan phihọ urhi rẹ Ọghẹnẹ rọ wan obọ ri Mosis odibo rẹ Ọghẹnẹ vwọ kẹ ayen, re ayen vwe ẹro te re ayen ru irhi re Ọrovwohwo Ọrovwavwanre ejobi kugbe iji kugbe ẹgha rọye.

Nehemaya 13:3

Ọke re ihwo na vwo nyo urhi na, ayen da hẹriẹ erhorha na ejobi nẹ ohri rẹ ihwo rẹ Izrẹl.

Nehemaya 13:30

Enẹ me vwọ hworhẹ ayen ne kemu kemu ọrhorha ejobi, mi de ru iruo re irherẹn kugbe ihwo ri Livae na muoto kokoroko, kuohwo kuiruo rọye;

Une rẹ Ejiro 144:11

Sivwi vwe nẹ ọlọkọ umwemwu, re wo sivwi vwe nẹ obọ rẹ erhorha, rẹ unu rọye vwọrọ efian, re obọrhe rọye dia obọrhe re efian.

Une rẹ Ejiro 144:7

Riẹn obọ wẹn nẹ enu rhe, si vwe re wo sivwi uvwe nẹ ame buebu, nẹ abọ rẹ erhorha,

Isẹ 28:13

Ohwo ro si ogbeku rọye nu che se yovwẹ-ẹ, ẹkẹvuọvo ohwo rọ rhọvwerọ ro de siobọ nẹ ayen cha mrẹ arodọvwẹ.

Aizaya 2:6

Kidie wo se ihwo wẹn, uwevwi ri Jekọp, kidie ayen vọnre vẹ emraro ri nẹ obọrhe rhe vẹ ẹboepha kerẹ ihwo ri Filistia ayen vẹ erhorha kere gbe mu ugbeyan.

Jerimaya 14:20

Ma rhọvwe umwemwu rẹ avwanre, E Ọrovwohwo, vẹ orukuruku rẹ esẹ rẹ avwanrẹ, kidie me ru umwemwu kpahe owẹ.

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

Daniẹl 9:20

Ọke re me vwọ ta ota re me vwọ nẹ ẹrhovwo, re me vwọ rhọvwọ umwemwu mẹ vẹ umwemwu rẹ ihwo mẹ Izrẹl, re me rha vwọ re ore mẹ vwẹ obaro rẹ Ọrovwohwo Ọghẹnẹ mẹ, vwọ kẹ ugbenu rẹ Ọghẹnẹ rọ fonro;

Hosia 5:7

Ayen phiẹn Ọrovwohwo; kidie ayen vwiẹ emọ rẹ erhorha. Asakiephana emeranvwe ọkpokpọ cha ghwọrọ ayen vẹ idju rayen ejobi.