Nehemaya 9:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Vwẹ osusu re egho ọye wọ vwo sun ihwo wẹn vwẹ ogheruvo, osusu re erhanre vwe ason kọye urhukpẹ rọ dje idjerhe ke ayen.

Nehemaya 9:12 ပူးပေါင်းရင်းမြစ်များ

Nehemaya 9:19

wọwẹ vwẹ evun rẹ arodọvwẹ wẹn rode na sa sen ayen vwẹ evun rẹ aghwa-a, osusu rẹ egho ro sun ayen vwẹ idjerhe vwẹ oghẹruvo na yan je ayen vwo-o, eyẹ osusu re erhanre rọ dia urhukpẹ ke ayen vwẹ idjerhe re ayen wanre na-a.

Une rẹ Ejiro 105:39

Ọ da vwẹ egho vwo rhurhu ayen, erhanre kọ rha vwẹ orẹmrẹ kẹ ayen.

Une rẹ Ejiro 107:7

o de sun ayen wan idjerhe ọphiọnphiọn, bẹsiẹ re ayen vwọ te orere re ayen dia.

Une rẹ Ejiro 143:8

Jẹn uvwe nyo ẹguọnọ wẹn ro jẹ rhẹriẹ na vwẹ irhiọke, kidie wẹ me vwẹ ẹro so. Yono uvwe idjerhe re me ra, kidie wẹ me kpare ẹnwẹ mẹ ni.

Une rẹ Ejiro 78:14

Vwẹ oghẹruvo ọ da vwẹ ukori rẹ egho sun ayen, vwẹ ason ejobi kẹ erhanre rọ la.

Ẹyano 15:13

Wẹ vwẹ ẹguọnọ ro jẹrhẹriẹ wẹn vwo sun ihwo na re wọ tan hirhe, wẹ vwẹ ogangan wẹn vwo sun ayen kpo ẹdia ọfuanfon wẹn na.

Izikiẹl 20:6

Vwẹ ẹdẹ yena mi de duvwu iyori kẹ ayen nẹ, Me reyọ ayen nẹ otọ rẹ Ijipt rhe otọ re me guọnọ vwọ kẹ ayẹn, otọ rọ djẹ ọkẹre vẹ ame rẹ ivie kugbe ọnyọn, otọ ro me yovwi ejobi.

Ukeri 9:16

Ọtiọye kọye ọ epha kẹdẹ kẹdẹ; egho na mi rhurho vwẹ oghẹruvo, uhoho rẹ erhanre na vwẹ ason.

Ukeri 9:21

Ọke ọvo egho na mi mu nẹ ovwọnvwọn re te irhiọke, ọke rọ da reyọ egho na kpenu vwẹ irhiọke, ayen ki mu oyan, ọ da dia ọtiọye ason ọvo kugbe uvo ọvo, vwẹ ọke rẹ egho na de si kpenu, ayen ki mu oyan.

Urhi Rivẹ 1:33

ohwo ro karo kẹ ovwan vwẹ idjerhe na, rere Ọ guọnọ asan rẹ ovwan bọn itughẹ phihọ kẹ ovwan, vwẹ evun rẹ erhanre vwẹ ason vwo dje idjerhe rẹ ovwan wan kẹ ovwan, uvo kẹ egho.