Nehemaya 9:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Asakiephana vwẹ ẹdẹ uje gbẹ ẹne rẹ emeranvwe na ihwo re Izrẹl ejobi da rhe ghwẹ koko vẹ owẹvwe echiro vẹ emwa rẹ uvweri, vẹ ekpẹn ra ghwẹ kuhọ iyovwi rayen.

Nehemaya 9:1 ပူးပေါင်းရင်းမြစ်များ

2 Samuẹl 1:2

Vwẹ ẹdẹ rerha, nighe, ọshare ọvo de nẹ erhọn ri Sọl rhe, vẹ emwa rọye re bẹre vẹ ekpẹn vwẹ uyovwi rọye. Ọke ro vwo bru Devid rhe, o de she gberi otọ ọ da vwarọ.

2 Ikun rẹ Ivie 20:3

Etiyin oshọ de mu Jehoshafat, ọ da ghwa fọkotọ rẹ duotọ rọye vwẹ obọ rẹ Ọrovwohwo, ọ de ghwoghwo nẹ Juda ejobi chiri owẹvwe.

2 Ikun rẹ Ivie 7:10

Vwẹ ẹdẹ uje gbe erha rẹ emeranvwe righwrẹ na o de siobọ nẹ ihwo na kpo vẹ omavwerhe vẹ aghọghọ vwẹ udu rayen fiki rẹ emuesiri rẹ Ọrovwohwo ru kẹ Devid kugbe Solomọn vẹ Izrẹl rẹ ihwo rọye.

Ezra 8:21

Mi de ji urhi nẹ avwanre ejobi gbe chirin owẹvwe vwẹ oma rẹ urhie rẹ Ahava, rere avwanre vwọ mrẹ asan vwọ vwẹ oma rẹ avwanre vwo kpotọ vwọ kẹ Ọghẹnẹ rẹ avwanre, re a vwọ guọnọ vwẹ obọ rọye idjerhe rọ phiọnre vwọ kẹ oma rẹ avwanre, vẹ emọ rẹ avwanre kugbe ekuakua rẹ avwanre vwori ejobi.

Ezra 8:23

Kọye avwanre de chirin owevwi, avwanre da rẹ Ọghẹnẹ fiki rẹ emu nana, ọ da ghene kerhọn rẹ orẹ rẹ avwanre.

Nehemaya 8:2

Ẹzra orherẹn na da reyọ urhi na rhe vwẹ obaro rẹ ọghwẹgbe na, te eshare te eya kugbe ihwo ejobi ri se nyo ota na vẹ ẹruọ, vwẹ ẹdẹ rẹ ẹsosuọ re emeranvwe righwrẹ.

Ẹsta 4:16

Yanran, re koko ihwo ri Ju ejobi ra mrẹ vwi Susa, re we chiri owẹvwe kẹ vwẹ, wa ria-a, wa je da-a vwẹ ẹdẹ erha te ason te uvo. Mẹvwẹ vẹ emetẹ mẹ ji chiri owẹvwe kirobo ri wo ruru na. Ọke yena ki mi bru ovie na, jẹ ọna vẹ urhi she phihọ-ọ, ọ da dianẹ me ghwọrọ, me ghwọrọ.

Ẹsta 4:3

Vwi kubrakpọ kubrakpọ, re de ghwoghwo urhi rẹ ovie na ejobi, omemuohọ rode kọ herọ kẹ ihwo ri Ju, vẹ owẹvwe echiro vẹ oviẹ vẹ omavwerhe, ayen buebu de shevwerhe esisio vẹ iwurhie.

ỌBE RẸ JOB 2:12

Ọke rẹ ayen vwọ mrẹ vwẹ ogboko, ayen rhe vughe-e, ayen de she ugoroviẹ, ayen da bẹrẹ iwun rayen, ayen da ghwẹ ekpẹn kpenu ku iyovwi rayen.

Aizaya 22:12

Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,

Joẹl 2:12

Dede vwẹ Asakiephana, eriyin Ọrovwohwo tare, vwẹ udu wẹn ejobi rhivwi bru vwẹ rhe,. vẹ owẹvwe echiro, vẹ oviẹ, kugbe omaemuohọ,

Livitikọs 23:34

Ta kẹ ihwo re Izrẹl, Ẹdẹ ihwiori re emeranvwe righwrẹ nana, ẹdẹ ighwrẹ ọye ovwan re orẹ rẹ egarivi kẹ Ọrovwohwo na.

Livitikọs 23:39

Vwẹ ẹdẹ ihwiori re emeranvwe righwrẹn na, rẹ ovwan de vun orhọ re odju rẹ ovwan koko nu, ovwan Me re orẹ Ọrovwohwo na ẹdẹ ighwrẹn; ẹdẹ rẹ ẹsosuọ na ọye ẹdẹ rẹ urovwoma re udindin, ẹdẹ rẹ ẹrenren na Me rha dia ẹdẹ rẹ urovwoma vẹ udindin

Joshua 7:6

Etiyin Joshua da bẹrẹ emwa rọye, o de she bọvwọ opharo rhuotọ vwẹ obaro rẹ ekpeti rẹ Ọrovwohwo na rhiri re te ovwọnvwọn, te ọye te ekpako rẹ Izrẹl ejobi; ayen da ghwẹ ekpẹn ku uyovwi rayen.

Ẹvwọphia 11:3

Ke me vwẹ ogangan kẹ iseri mẹ ivẹ rere e mraro ẹdẹ uriori kugbe uri gbẹ ujorha, ye vwẹ emwa rẹ uvweri rhuo.

Iguẹdjọ 20:26

Etiyin otu rẹ ofovwi, rẹ ihwo rẹ Izrẹl ejobi na, da yanran ra viẹ vwẹ obi Bẹtẹl; ayen de tidia chiri owẹvwe vwẹ obaro rẹ Ọrovwohwo re te ọke rẹ ovwọnvwọn vwẹ ẹdẹ yena, ayen de ze izobo ra torhẹre kugbe izobo rẹ ufuoma vwẹ obaro rẹ Ọrovwohwo.

1 Samuẹl 4:12

Ohwo rẹ orua ri Bẹnjamin da djẹ nẹ unuofovwi na rhe, o de rhi te Shiloh vwẹ ẹdẹ yena ọvuọvo na, vẹ emwa rọye re bẹre vẹ ekpẹn rọ ghwẹ ku uyovwi.

1 Samuẹl 7:6

Etiyin ayen da ra ghwẹ koko vwi Mizpah, ayen de vo ame kpare ku hẹ obaro rẹ Ọrovwohwo, ayen de chiri owẹvwe vwẹ ẹdẹ yena, ayen da ta vwẹ etiyin, Avwanre ru umwemwu kpahe Ọrovwohwo. Samuẹl da vwẹ ihwo rẹ Izrẹl gu ẹdjọ vwi Mizpah.