Nehemaya 8:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ayen de se ne evun rẹ ọbe na, nẹ evun rẹ urhi rẹ Ọghẹnẹ rhe, phenphen; a da ke ayen ọhọ, ọtiọye na ihwo na da riẹn isese na.

Nehemaya 8:8 ပူးပေါင်းရင်းမြစ်များ

Ivie rẹ Ivẹ 23:2

Ovie na da yanran kpo uwevwi rẹ Ọrovwohwo na, eshare rẹ Juda ejobi vwọ ba vẹ ihwo ri Jerusalẹm ejobi, vẹ irherẹn na kugbe emraro na, ihwo na ejobi imitete te ekpako. O de se eta rẹ ọphọ na ejobi kẹ ayen nyo rọ mrẹre vwẹ evun rẹ uwevwi rẹ Ọrovwohwo na.

Ezra 4:18

Obo ru wo si rhe avwanre e sere vwe obaro mẹ.

Nehemaya 8:12

Ihwo na ejobi da yanran kpo dohwo dasan rọye ra rẹ ra da ayen da ghare ẹkẹn kẹ ihwo ayen da ghọghọ aghọghọ rode, fikiridie ayen riẹn otọ rẹ eta re ghwoghwo kẹ ayen na.

Nehemaya 8:7

Ti Jeshua rhe, Bani, Sherobia, Jamin, Akub, Shabetai, Hodia, Maseiya, Kẹlita, Azaraya, Jozahad, Hanan, Pelaiya, ihwo ri Livae, da cha ihwo na uko vwo riẹn otọ rẹ urhi na, je ihwo na mudia vwẹ asan re ayen epha.

Nehemaya 8:9

Te Nehemaya, re osun na, kugbe Ẹzra re orherẹn kugbe osiẹbe na, kugbe Livae ri yono ihwo na da ta ke ihwo na ejobi nẹ, Nonẹ na ẹdẹ ọfuanfon kẹ Ọrovwohwo Ọghẹnẹ wẹn, we muomaho-ọ eyẹ wa viẹ-ẹ. Kidie ihwo na ejobi viẹre rẹ ayen vwo nyo eta rẹ urhi na.

Nehemaya 9:3

Ayen de vrẹn mudia vwẹ asan rẹ ayen epha ayen de se nẹ ọbe rẹ urhi rẹ Ọrovwohwo Ọghẹnẹ rayen rhe vwe ẹkẹne rẹ ẹdọke, ẹkẹne rẹ ẹdọke rẹ ọke na ayen da rhọvwe imwemwu ayen da ga Ọrovwohwo Ọghẹnẹ rayen.

Izikiẹl 46:10

Ọke rẹ ayen da ro uwevwi, osun na vẹ ayen gba ro uwevwi; ọke re ayen da ro otafe, kọ je ro otafe.

Habakọk 2:2

Ọrovwohwo da kpahe kẹ vwẹ: Si emramrẹ na, sio phephẹ vwẹ enu rẹ ọbe, rere ohwo rọ djẹ wan se se.

Iyẹnrẹ Esiri ri Luk 24:27

O de mu phihọ nẹ Mosis rhe kugbe emraro na ejobi, ọ da fan otọ rẹ ẹbe efuanfon na ejobi kpahe oma rọye kẹ ayen.

Iyẹnrẹ Esiri ri Luk 24:32

Ayen da ta kẹ ohwohwo, udu rhe kpokpo avwanre nanaye rọ vwọ ta ota kẹ avwanre vwẹ obo idjerhe-e, ro vwo rhie ẹbe efuanfon na kẹ avwanre?

Iyẹnrẹ Esiri ri Luk 24:45

Etiyin o de rhie udu rayen vwo vwo ẹruọ rẹ ẹbe efuanfon na,

Iruo rẹ Iyinkọn na 28:23

Ọke rẹ ayen vwo bru ẹdẹ kẹ nu, ayen buebu de bro rhe asan ro wori. Ọ da nabọ rhie ota na phihọ kẹ ayen nẹ irhiọke re te ovwọnvwọn, ro se oseri rẹ uvie rẹ Ọghẹnẹ na rere o vwo dje Jesu kẹ ayen nẹ evun rẹ urhi ri Mosis na kugbe emraro na rere o vwo mu ayen ẹro.