Nehemaya 8:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ẹzra de bruba kẹ Ọrovwohwo, Ọghẹnẹ rode na, ihwo na ejobi da kpahe, Isẹ, Isẹ, ye ayen kpare abọ rayen kpenu, ayen de gbe iyovwi rayen kpotọ ayen da ga Ọrovwohwo vẹ epharọ re ayen bowvọn rhuotọ.

Nehemaya 8:6 ပူးပေါင်းရင်းမြစ်များ

Jẹnẹsis 14:22

Ẹkẹvuọvo Ebram da ta kẹ ovie ri Sodọm, Mi vẹ kẹ Ọrovwohwo Ọghẹnẹ ro Me Kpenu nure, ọ rọ ma odjuvwu vẹ akpọ,

Jẹnẹsis 24:26

Ọshare na de gbe uyovwi otọ ọ da ga Ọrovwohwo,

1 Ikun rẹ Ivie 16:36

Ebruphihọ kẹ Ọrovwohwo na, Ọghẹnẹ rẹ Izrẹl nẹ bẹdẹ bẹdẹ re te rhiri bẹdẹ. Etiyin ihwo na ejobi da ta, Isẹ!, ayen de jiri Ọrovwohwo.

1 Ikun rẹ Ivie 29:10

Ọtiọye na Devid de bruphihọ kẹ Ọrovwohwo vwẹ irharo rẹ ọghwẹgbe na ejobi; Devid da ta, Ebruphihọ kẹ wẹ, E Ọrovwohwo, Ọghẹnẹ rẹ Izrẹl ọsẹ rẹ avwanre, rhiri bẹdẹ.

1 Ikun rẹ Ivie 29:20

Etiyin Devid da ta kẹ ọghwẹgbe na ejobi, Bruphihọ kẹ Ọrovwohwo rẹ Ọghẹnẹ wẹn. Ọghwẹgbe na ejobi de bruphihọ kẹ Ọrovwohwo na, Ọghẹnẹ rẹ esẹ rayen, ayen de gbe uyovwi rayen kpotọ; ayen da ga Ọrovwohwo na, ayen da vware ovie na.

2 Ikun rẹ Ivie 20:18

Etiyin Jehoshafat de gbe uyovwi vẹ opharo kpotọ, ihwo ri Juda ejobi kugbe Jerusalẹm de she gbunie otọ kẹ Ọrovwohwo ayen da ga Ọrovwohwo na.

2 Ikun rẹ Ivie 29:10

Asakiephana me jẹ iroro phihọ evun rere me vẹ Ọrovwohwo vwọ re ọphọ, Ọghẹnẹ rẹ Izrẹl na, rere ophu ọtuatua rọye na vwo bi nẹ avwanre oma.

2 Ikun rẹ Ivie 29:30

Hẹzikaya rẹ ovie na kugbe isun na de ji iji kẹ ihwo ri Livae na nẹ e gba so ejiro kẹ Ọrovwohwo vẹ ine ri Devid rori kugbe Asaf rẹ ọmraro na. Ayen da so ejiro vẹ aghọghọ, ayen de gbe uyovwi kpotọ ayen da ga.

2 Ikun rẹ Ivie 6:4

Ọ da ta, Ebruba kẹ Ọrovwohwo na, Ọghẹnẹ rẹ Izrẹl, rọ vwẹ obọ rọye ru gba obo rọ vwẹ unu rọye ve kẹ Devid ọsẹ mẹ, tanẹ,

Nehemaya 5:13

Mi de ji tuetue ishamwa me, me da ta, Ọtiọye Ọghẹnẹ ji tuetue kohwo kohwo nẹ uwevwi rọye, kugbe iruo rọ e ro je ive rọye ẹyọnrọn. Kẹ ọtiọye e ji tuetue kufia ro dia ofefe. Ọghwẹgbe na ejobi da tanẹ, Isẹ. Ayen de jiri Ọghẹnẹ, ihwo na de ru kirobo rẹ ayen veri.

Nehemaya 8:7

Ti Jeshua rhe, Bani, Sherobia, Jamin, Akub, Shabetai, Hodia, Maseiya, Kẹlita, Azaraya, Jozahad, Hanan, Pelaiya, ihwo ri Livae, da cha ihwo na uko vwo riẹn otọ rẹ urhi na, je ihwo na mudia vwẹ asan re ayen epha.

Une rẹ Ejiro 134:2

Kpare abọ wẹn kpenu kpo ẹdia ọfuanfon na, re wo bruba kẹ Ọrovwohwo!

Une rẹ Ejiro 141:2

Jẹn e kere ẹrhovwo mẹ kerẹ insẹns vwẹ obaro wẹn, abọ ẹkparọ kpenu mẹ kerẹ izobo rẹ ovwọnvwọn!

Une rẹ Ejiro 28:2

Nyo urhuru rẹ oyare mẹ, ri mi vwo kperẹ se we ne wọ rhe cha vwẹ uko na, re me vwọ kpara abọ mẹ kpenu vwo hirhe aro ku ẹshẹ ọfuanfon wẹn na.

Une rẹ Ejiro 41:13

Ebruba kẹ Ọrovwohwo, Ọghẹnẹ re Izrẹl, nẹ bẹdẹ bẹdẹ re te bẹdẹ bẹdẹ! Isẹ kugbe Isẹ.

Une rẹ Ejiro 63:4

Ọtiọye na ki mi bruba kẹ wẹ vwẹ ọke me dia akpọ na te, Me kpare abọ mẹ kpenu ri mi ki se odẹ wẹn.

Une rẹ Ejiro 95:3

Kidie Ọrovwohwo ọye Ọghẹnẹ rode, ọye Ovie rode rọ rhonọ ẹdjọ ejobi.

Ẹyano 12:27

Ku wọ ta, ọnana izobo rẹ ẹwanvrẹn rẹ Ọrovwohwo na, kidie ọ wan iwevwi rẹ ihwo rẹ Izrẹl vrẹn vwẹ otọ rẹ Ijipt, ọke ro vwo hwe ihwo rẹ Ijipt, ẹkẹvuọvo ọ da yan jẹn iwevwi rẹ avwanre vwo. Ihwo na de gbe iyovwi kpotọ ayen da ga.

Ẹyano 4:31

Ihwo na de segbuyota; ọke rẹ ayen vwo nyo nẹ Ọrovwohwo bru ihwo rẹ Izrẹl rhe ọke rha je mrẹ oma ẹlaghọ rayen, ayen de gbe uyovwi kpotọ ayen da ga.

Jerimaya 28:6

Jerimaya rẹ ọmraro na da ta, Isẹ! E jẹn Ọrovwohwo ru ọtiọye; e jẹn Ọrovwohwo ru eta ro wọ tare na re dia uyota, re ekuakua ra ghwa nẹ uwevwi rẹ Ọrovwohwo, kpo Babilọn na, vẹ ighivwu na, a rhoma reyọ ayen rhe etinẹ.

Uvwerhe 3:41

E jẹn avwanre kpare udu vẹ abọ rẹ avwanre kpenu, bru Ọghẹnẹ vwẹ obo odjuvwu

Livitikọs 9:24

Kọye erhanre da la phia e da torhẹ izobo rẹ ẹtorhẹ na kugbe ivwri re hẹ enu rẹ agbada na, rẹ ihwo na ejobi vwọ mrẹ Ọnana re ayen de kperi gangan ayen de she bọvwọ opharo rhuotọ.

Matiu 26:39

Ọ da yan hẹ ọbaro emerha, o de she diguẹ, ọ da nẹ ẹrhovwo ta nẹ, E Ọsẹ mẹ, ọ da dia ẹrhọvwọ wẹn, jẹn uko nana wan vrẹn vwẹ; ẹkẹvuọvo ọ dia ẹguọnọ mẹ-ẹ, ru ẹguọnọ wẹn.

Matiu 6:13

Wo suẹn avwanre ro ọdavwini-i, ẹkẹvuọvo si avwanre nẹ ukpokpogho.

1 Kọrẹnt 14:16

Ọ rha dia ọtiọye-e, ọ da dianẹ wọ vwẹ erhi nẹ ẹrhovwo, komavọ ogbori se vwo ku isẹ phihọ ẹkpẹvwẹ wẹn yọ riẹn obo ru wọ ta-a?

Ẹfesọs 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, ro bruphihọ kẹ vwi Kristi vẹ emu buebu rẹ erhi guọnọre vwẹ obo odjuvwu,

1 Timoti 2:8

Me guọnọre nẹ kohwo kohwo vwi kasan kasan ejobi kpare abọ efuanfon rẹ ayen kpenu rere ayen nẹ ẹrhovwo, ọ dia ọ rẹ ẹghwọ vẹ ophu-u;

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

Ẹvwọphia 7:11

Yẹ emakashe na ejobi mudia riariẹ ekete na je riariẹ ekpako na kugbe eranvwe ekpokpọ ẹne na, ayen de she bọvwọn opharo rhuotọ vwẹ obaro rẹ ekete na ayen da gọ Ọghẹnẹ,