Nehemaya 8:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ O de mudia hirhe opharo ku unuada na ro hẹ obaro rẹ Anurhoro re Ame na o de se nẹ urhiọke re duvwu uherevie ason, vwẹ irharo rẹ eshare na kugbe eya na kugbe ayen ri se vwo ẹruọ, ihwo na ejobi da nabọ kerhọn rẹ ọbe rẹ urhi na.

Nehemaya 8:3 ပူးပေါင်းရင်းမြစ်များ

Nehemaya 10:29

de kuoma gbe imoni rayen, ihwo ride rayen, duvwu iyori nẹ ayen yan phihọ urhi rẹ Ọghẹnẹ rọ wan obọ ri Mosis odibo rẹ Ọghẹnẹ vwọ kẹ ayen, re ayen vwe ẹro te re ayen ru irhi re Ọrovwohwo Ọrovwavwanre ejobi kugbe iji kugbe ẹgha rọye.

Nehemaya 13:1

Vwẹ ẹdẹ yena ayen de se ne evun rẹ ọbe ri Mosis na ke ihwo na nyo; e de si phihọ evun rọye nẹ ihwo rẹ Amọr eyẹ ihwo ri Moab vwẹriẹ ọghwẹgbe rẹ Ọghẹnẹ-ẹ;

Nehemaya 8:1

Ihwo na ejobi da rhe ghwẹ koko gbidi vwe asan unuada re se Anurhoro rẹ Ame, ayen da ta kẹ Ẹzra osiọbe na nẹ ọ reyọ ọbe rẹ urhi ri Mosis rẹ Ọrovwohwo vwọ kẹ Izrẹl na rhe.

Nehemaya 8:18

Nẹ ẹdẹ re te ẹdẹ, nẹ ẹdẹ rẹsosuọ re te ẹdẹ rọ ka ọba, o de se nẹ evun re ọbe rẹ urhi rẹ Ọghẹnẹ rhe. Ayen da re orẹ ẹdẹ ighwrẹ; vwẹ ẹdẹ rẹrenre ayen de vwo ọghwẹgbe ofuefu, kirobo rẹ iji epha.

Nehemaya 8:4

Ẹzra ọsiobe na de mudia vwe evun rẹ egbogho re ruru fiki rẹ Ọnana; ihwo nana Matitiaya, Shema, Anaiya, Yuraya Hilkaya, kugbe Maseiya de mudia akakọ re egbọghọ na vwe obọrhe, Pedaiya, Mishel, Malkija, Hashum, Hash-haddana, Zekaraya, kugbe Meshullam vwẹ obọhwẹre rọye.

Nehemaya 8:5

Ẹzra de rhie ọbe na vwẹ irharo re ihwo na ejobi, kidie o kpenu nọ ihwo na ejobi, ọke ro vwo rhie re ihwo na ejobi de vrẹn mudia.

Iyẹnrẹ Esiri ri Mak 12:37

Ekpuyovwi ri Devid sere Ọrovwohwo; kemavọ ọ rha vwọ dia ọmọ rọye? Ihwo buebu da vwẹ aghọghọ kerhọn rọye.

Iyẹnrẹ Esiri ri Luk 19:48

ẹkẹvuọvo ayen mrẹ obo rẹ ayen se ru-u, kidie ihwo na ejobi churu obọ mu ota rọye.

Iyẹnrẹ Esiri ri Luk 8:18

Kẹnoma rẹ obo ru wo nyo; kidie ohwo ro vwori ọyen a kẹ, ọ rọ vwori-i, emerha ro rhere na ka karhiẹ mie.

Iruo rẹ Iyinkọn na 13:15

Ọke re vwo se ọbe rẹ urhi na vẹ emraro na nu, isun ri Sinegọg na de ji ohwo ra vuẹ ayen, tanẹ, Imoni, ọ da dianẹ we vwo ota rẹ uchebro ru we bru ihwo na, wa ta.

Iruo rẹ Iyinkọn na 13:27

Kidie otu re dia Jerusalẹm kugbe isun rayen, mrẹrẹ vughe-e eyẹ vwo ẹruọ rẹ eta rẹ emraro na re se kẹ ayen kedidjala kedidjala-a na, de ru enana gba vwẹ ehwe rẹ ayen hwere.

Iruo rẹ Iyinkọn na 15:21

Kidie nẹ ẹtuọhọ rẹ uvwiẹ na rhe, ọye Mọsis vwọ vwẹ ihwo vwo mu vwẹ orere korere ri ghwoghwiro, kidie e se kedidjala kedidjala vwẹ evun ri sinegọg na.

Iruo rẹ Iyinkọn na 16:14

Aye ọvo re se Lidia de nyo ota rẹ avwanre, ohwo rẹ orere ri Taitira, ifenudu ọ shẹ, ọgọ Ọghẹnẹ o ruẹ. Ọrovwohwo de rhie udu rọye phihọ kẹ eta ri Pọl ta kẹ.

Iruo rẹ Iyinkọn na 17:11

Asakiephana ihwo ri Ju nana keye me ru dẹndẹn nọ ayen otu re hẹ Tẹsalonaika, kidie urhuru rẹ ota na si ayen gangan, kẹ ayen hiẹ ẹbe ọfuanfon na sẹ imu nana ghine ọtiọye.

Iruo rẹ Iyinkọn na 20:11

Ri Pọl vwo yeri kpo obenu nu rẹ ayen vwo bru ikara na re nu, ọ vẹ ayen de gbe ikun krekri re te irhiọke, ọ ke yan jẹ ayen vwo.

Iruo rẹ Iyinkọn na 20:7

Vwẹ ẹdẹ rẹsosuọ vwẹ ẹdidjala na, rẹ avwanre vwo koko che vwo bru ikara, Pọl da ta ota kẹ ayen, yọ vwẹ ẹro so nẹ irhiọke kẹ ọye mu oyan; ọ da ta ota na krekri re te uherevie ason.

Iruo rẹ Iyinkọn na 28:23

Ọke rẹ ayen vwo bru ẹdẹ kẹ nu, ayen buebu de bro rhe asan ro wori. Ọ da nabọ rhie ota na phihọ kẹ ayen nẹ irhiọke re te ovwọnvwọn, ro se oseri rẹ uvie rẹ Ọghẹnẹ na rere o vwo dje Jesu kẹ ayen nẹ evun rẹ urhi ri Mosis na kugbe emraro na rere o vwo mu ayen ẹro.

Urhi Rivẹ 31:9

Mosis ki si urhi nana, ọ da vwọ kẹ irherẹn rẹ emọ ri Livae na, re ghwa ekpeti rẹ ọphọ rẹ Ọrovwohwo na, kugbe ekpako rẹ Izrẹl ejobi.

1 Tẹsalonaika 2:13

Avwanre ke kpẹvwẹ Ọghẹnẹ kọke kọke fiki rẹ ọnana, nẹ ọke rẹ ovwan vwọ reyọ ota rẹ Ọghẹnẹ na ru we nyo miẹ avwanre na, ovwan reyerọ kerẹ ota rẹ ohwo rẹ akpọ-ọ ẹkẹvuọvo ovwan da reyọ kirobo rọ epha dẹn, ota rẹ Ọghẹnẹ, ro ruẹ iruo vwẹ oma rẹ ovwan otu ri sere gbuyota.

Joshua 8:35

O vwo eta rẹ urhi na ọvuọvo rẹ Mosis jiri na ri Joshua je se kẹ ọghwẹgbe rẹ Izrẹl na-a te eya na, te imitete na, kugbe erhorha na re dia ohri rẹ ayen.

Ẹvwọphia 2:29

Ọ ro vwo erhọn, e jo nyo obo rẹ Erhi na ta kẹ ishọshi na.

Ẹvwọphia 3:22

Ohwo ro vwo erhọn, e jo nyo obo rẹ Erhi na ta kẹ ishọshi na.