Nehemaya 7:70 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷⁰ Igbuyovwi rẹ uwevwi rẹ esẹ na da vwẹ erọvwọ kẹ iruo na Osun na ke darik rẹ oro uriori ghwẹ phihọ uwevwi rẹ efe na, kugbe ize ọgban, iwun rẹ irherẹn ujori iyori kugbe ọgban.

Nehemaya 7:70 ပူးပေါင်းရင်းမြစ်များ

1 Ivie 7:45

Asakiephana echẹ na, isaboro na, kugbe ize na, ekuakua nana ejobi na re hẹ evun rẹ uwevwi rẹ Ọrovwohwo na, ri Hiram ru kẹ ovie Solomọn, da dia ẹrovwo ra fare.

1 Ikun rẹ Ivie 28:17

kugbe emamọ rẹ oro vwọ kẹ isosogho imize na, kugbe iko; vwọ kẹ idjokpo rẹ oro kugbe ovwanvwọn rẹ ọvuọvo; vwọ kẹ idjokpo rẹ idọnọ vẹ ovwanvwọn rẹ ọvuọvo;

2 Ikun rẹ Ivie 4:11

Huram da je ma ẹchẹ rhe, kugbe ovwẹvwẹ, kugbe ize. Etiyin Huram de ru iruo na rẹ Solomọn Ovie ta nẹ o ru vwẹ uwevwi rẹ Ọghẹnẹ na re;

2 Ikun rẹ Ivie 4:8

Ọ da je kare imẹjẹ ihwe, o de mu ayen phihọ uwevwi na, iyori ẹbẹre rẹ obọrhe iyori ẹbẹre rẹ obọhwẹre, O de ru ize ujori rẹ oro.

Nehemaya 10:1

Ayen otu re vwẹ obọ nyẹ ọbe na da dia Nehimaya re osun na, ọmọ rẹ Nehemaya, Zedikaya,

Nehemaya 7:65

osun na da ta ke ayen nẹ ayen ria emu rọ ma fon na-a bẹsiẹ ra mrẹ orherẹn ro gba Utẹ vẹ Agbragha. Ibi rẹ iwe.

Nehemaya 7:69

kamẹl rayen da dia ujori ẹne kugbe ọgban gbẹ iyori, ekẹtẹkẹtẹ rayen uriori esan kugbe ujori ighwrẹ gbẹ uje.

Nehemaya 7:71

Ẹvo vwe igbuyovwi rẹ uwevwi re esẹ na da ghwẹ darik rẹ oro ro bu te uriori ivẹ kugbe ovwanvwọn rẹ idọnọ ujori ivẹ.

Nehemaya 8:9

Te Nehemaya, re osun na, kugbe Ẹzra re orherẹn kugbe osiẹbe na, kugbe Livae ri yono ihwo na da ta ke ihwo na ejobi nẹ, Nonẹ na ẹdẹ ọfuanfon kẹ Ọrovwohwo Ọghẹnẹ wẹn, we muomaho-ọ eyẹ wa viẹ-ẹ. Kidie ihwo na ejobi viẹre rẹ ayen vwo nyo eta rẹ urhi na.

Ẹyano 12:22

Reyọ ekru rẹ ahworhẹ re wo duvwo phihọ ọbara na rọ hẹ oze na, wo vwo te ophapha rọ obenu rẹ anurhoro na vẹ ọ rẹ akakọ rọye; we jẹn ohwo ọvuọvo vrẹn nẹ anurhoro rẹ uwevwi na ruẹ afe-e bẹsiẹ rẹ urhiọke vwo te.

Ẹyano 24:6

Mosis da rọye abọvo rẹ ọbara na o de kuo phihọ ize, abọvo rẹ ọbara na o de miro ku agbada na.

Jerimaya 52:19

ji te ize itete vẹ ize rẹ enyerhanre, vẹ ize ride, vẹ ichẹ, vẹ ogburhukpẹ, vẹ isete ra vwọ torhẹ izobo, kugbe iko ra vwọ jẹ udi. Obo ra vwẹ oro ru ejobi, onotu rẹ ohẹrhẹ na da ghwẹ ayen yanran kerẹ oro, obo rọ dia idọnọ kerẹ idọnọ.