Nehemaya 7:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Enana kọye ihwo rẹ ekogho na ri ne imu rhe vwe usun rẹ ihwo ri Nẹbukadreza ovie ri Babilọn muru, ayen de rhivwi rhe Jerusalẹm vi Juda, dohwo dorho rọye.

Nehemaya 7:6 ပူးပေါင်းရင်းမြစ်များ

Ivie rẹ Ivẹ 25:11

Ihwo ri chekọ vwẹ evun rẹ orere na, vẹ ihwo re djẹ va ovie ri Babilọn abọ jovwo, kugbe umuku rẹ ihwo ra yan jovwo vwẹ evun rẹ orere na, yẹ Nebuzaradan onotu rẹ ohẹrhẹ na mu kpo Ighuvwu.

Ezra 5:8

Jẹn ovie riẹn nẹ avwanre kpo ubrakpọ ri Juda, re te uwevwi rẹ Ọghẹnẹ rode na. A ra vwẹ eragha ride bọn, e mu ighere phihọ igbẹhẹ rọye nure, iruo na rayan ghwraghwra-ghwra. O ji ghwe yovwẹ vwẹ abọ rayen.

Ezra 6:2

Vwẹ Ẹkbatana, vwẹ otorere rẹ ubrakpọ ri Media, a da mrẹ ekpirhi rẹ ọbe re si eta nana phihọ: Ọbe rẹ ekarophihọ.

Nehemaya 1:3

Ayen da ta kẹ vwẹ, ihwo ri ghwu chekọ vwe ubrakpọ yena re dje vabọ rẹ imu na e hẹ evun re ukpokpogho ve omẹvuọ, igbẹhẹ ri Jerusalẹm ekpoiro she, a je vwẹ erhanre torhẹ inurhoro rọye.

Nehemaya 7:7

Ayen vi Zerubabel re gba yan usun rhe, ti Joshua, Nehemayah, Azarayah, Ramyah, Nahamani, Modika, Bilshan, Misperet, Bigvai, Nehum, Banah. Unu rẹ ihwo re Izrẹl kena.