Nehemaya 7:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² me da vwẹ omoni mẹ Hanani kugbe Hananiah rẹ osun na vwo mu ne e vwẹ ẹro te Jerusalẹm, kidie ohwo esiri kugbe ohwo rọ djẹ oshọ rẹ Ọghẹnẹ nọ ihwo buebu.

Nehemaya 7:2 ပူးပေါင်းရင်းမြစ်များ

Jẹnẹsis 42:18

Vwẹ ẹdẹ rẹ erha Josẹf da ta kẹ ayen, Ru Ọnana re ovwan rhọ, kidie Me djẹ oshọ rẹ Ọghẹnẹ:

2 Samuẹl 23:3

Ọghẹnẹ rẹ Izrẹl ta nure, oragha rẹ Izrẹl ra kẹ vwẹ. ọke rẹ ọvo de suẹn ihwo vwẹ ọ rẹ ọsoso ro de suẹn vwẹ oshọ rẹ Ọghẹnẹ,

1 Ivie 18:12

Ri mi de ghwe vrẹn nẹ asan wọ epha nu, sẹ Erhi rẹ Ọrovwohwo che mu we kpo asan ri mi jẹriẹn me riẹnre-e; kọye, ọke re me da rhe rhe vuẹ Ehab rọ gbe rha mrẹ wẹ-ẹ, ko hwe vwe, dede na odibo wẹn mu ọghọ kẹ Ọrovwohwo nẹ ọke-emọ mẹ rhe.

1 Ivie 18:3

Ehab de se Obadaya, ro suẹn uwevwi rọye. (Asakiephana Obadaya mu ọghọ kẹ Ọrovwohwo gangan;

Nehemaya 1:2

Hanani, ọvo vwe usun re iniọvo me, ve ihwo ẹvo de ne Juda rhe, me da nọ ayen vwọ kpahe ihwo ri Ju ri ghwu chekọ re dje vabọ re imu na, je vwọ kpahe Jerusalẹm.

Nehemaya 10:23

Hoshea, Hananaya, Hashob,

Nehemaya 13:13

Me da vwe Shelemaya rẹ orherẹn na, Zadok re osiọbe na, kugbe Pedaiya re ohwo ri Livae, ne gba dia eyọnre-ighọ, Hanan ọmọ ri Zakọ, ọmọ ri Matanaya nọ gba cha ayen ukọ, kidie abọ re ayen fonro; iruo rẹ ayen ru ke emu ayen ghare kẹ imoni rayen.

Nehemaya 2:8

kugbe ọbe mi vwo rhe Asaf, rọ sẹro re egbo rẹ Ovie, rọ kẹ vwẹ igedu mi vwo ru igbere rẹ anurhoro na kugbe uwevwi rẹ ẹga na, kugbe igbẹhẹ re orere na, ji kugbe uwevwi ri mi che wo phihọ. Ovie da rhọvwe phihọ obo re me nọre, kidie obọ esiri rẹ Ọghẹnẹ vo vwẹ herọ.

Nehemaya 5:15

Isun rẹ ẹsosuọ re karo kẹ vwẹ, kru oghwa ọhọhọhọ nyẹ ihwo na, ayen de mie ayen emuọre vẹ idi, a ke mrẹ shẹkẹl ujuvẹ rẹ idọnọ. Ekpuyovwi rẹ idibo rayen je vwẹ oma ruẹ Osun kẹ ihwo na. Ẹkẹvuọvo mi se ru ọtiọye-e, fiki rẹ oshọ rẹ Ọghẹnẹ.

Nehemaya 7:3

Me da ta ke ayen, We je rhie ẹchẹ rẹ ughere ri Jerusalẹm na bẹsiẹ rẹ ọnre vwọ varhe-e; Vwẹ ọke rẹ ayen da rhere e jẹ ayen huhu ẹchẹ na rere ayen vwẹ ogbẹn vio. Vwe idigbu mu vwẹ usun rẹ ihwo ri Jerusalẹm na kuohwo kuasan rọ da rhere kuọhwo kuwevwi rọye hirharọ ku.

ỌBE RẸ JOB 1:1

Ohwo ọvo herọ vwẹ otọ rẹ Uz, odẹ rọye Job; ohwo na vwẹ eka-an jẹ ohwo ọsoso oruẹ, ohwo rọ djẹ oshọ rẹ Ọghẹnẹ, o de sioma nẹ umiovwo.

Une rẹ Ejiro 101:6

Me vwẹ ẹroesiri ni ihwo rẹ uyota mẹ re hẹ otọ na rere ayen vẹ ovwẹ sa dia, ọ rọ yan vwẹ idjerhe rẹ abe-e ko se gbe odibo kẹ vwẹ.

Ẹyano 18:21

Ọ rọmarho wọ me sanọ ihwo re goma vwẹ ohri rẹ ihwo na, ọtiẹ ihwo re djẹ oshọ rẹ Ọghẹnẹ, ihwo ra vwẹ ẹro so rẹ udiẹriọ tuoma, keye wo phihọ enu rẹ ihwo na re dia isun rẹ ihwo na i ri ujori ihwe, e rẹ ujori e rẹ ujuvẹ gbẹ ihwe, vẹ e rẹ ihwe.

Daniẹl 6:4

Etiyin itidiaga na vẹ isun na da guọnọ idjerhe rẹ ayen vwọ gbeje Daniẹl vwẹ ẹkuoma rẹ uvie na; ẹkẹvuọvo ayen mrẹ idjerhe ọvuọvo rẹ ayen vwo gbeje-e, yẹrẹ emu re ekan ọvuọvo-o, fikiridie ohwo rẹ uyota o ruẹ, a mrẹ oruchọ yẹrẹ emu rẹ ekan ọvuọvo vwẹ oma rọye-e.

Ukeri 12:7

Ọ dia ọtiọye ọ epha kẹ odibo mẹ Mosis na-a, mi mu uwevwi mẹ ejobi phihọ obọ rọye.

Matiu 24:45

Ono hẹ omamọ rẹ odibo esiri na, rẹ ẹsiẹ rẹ ọrovworo da rhe o de vwo mu olori rẹ uwevwi rọye, rọ da vwẹ emu kẹ ayen re vwẹ ọke yena?

Matiu 25:21

Ọrovworo da ta kẹ nẹ, Wo runọ odibo rẹ esiri na; wọ vwọ dia ọvwata vwẹ oma rẹ ememu nana, ku wọ dia ovie vwẹ enu rẹ emu buebu; mọ rhe ro aghọghọ rẹ ọrovwowe.

1 Kọrẹnt 4:2

Ọ rọ marho a guọnọre nẹ imuidi na dia ihwo ra vwẹ ẹro so.

2 Timoti 2:2

obo ru wo nyo mie vwe vwẹ irharo rẹ iseri buebu gba vwẹ ayen yono ihwo ri vwo esegbuyota re je sa vwẹ ayen yono ihwo efa rhe.