Nehemaya 7:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Asakiephana rẹ vwo fi igbẹhẹ na nu re, me rha vwo ghwẹ ẹchẹ phihọ nu, re me rha vwọ reyọ ẹrhẹrẹchẹ, vẹ eboine otu rẹ ihwo ri Livae vwo mu nu,

Nehemaya 7:1 ပူးပေါင်းရင်းမြစ်များ

Ivie rẹ Ivẹ 7:10

Ọtiọye ayen da rhe ri se erhẹrotọ re dẹrẹ ughere rẹ orere na, ayen da ta kẹ ayen, Avwanre te asan erhọn re ihwo ri Siria na nighe, kaka ohwo ọvuọvo rha hẹ etiyi-in jokpa rẹ iyesi re churu vẹ ekẹtẹkẹtẹ re churu vẹ itughẹ ra yan jovwo.

2 Ikun rẹ Ivie 31:2

Hẹzikaya da ghare irherẹn na phihọ ẹdẹdẹ rẹ ayen kugbe ihwo ri Livae na, oghogharọ, dohwo dako rẹ ẹga rọye, irherẹn na kugbe ihwo ri Livae na, rere ayen vwo ze izobo rẹ ẹtorhẹ kugbe izobo rẹ ufuoma, rere ayen rhe gbe odibo vwẹ anurhoro rẹ erhọn rẹ Ọrovwohwo na kugbe rere ayen kpẹvwẹ re ayen jiro.

Ezra 3:8

Vwẹ ukpe rivẹ rẹ ayen vwọ rhe uwevwi rẹ Ọghẹnẹ vwi Jerusalẹm, vwẹ emeranvwe rivẹ, Zerubabẹl rẹ ọmọ ri Shealtiẹl kugbe Jeshua rẹ ọmọ ri Jozadak da tuẹ ebabọn na phihọ, kugbe imoni rayen ri chekọ, irherẹn na vẹ ihwo ri Livae kugbe ayen ejobi re rhe Jerusalẹm nẹ ighuvwu rhe. Ayen da vwẹ ihwo ri Livae vwo rnu, nẹ ẹgbukpe uje kpenu, rere ayen ni iruo rẹ uwevwi rẹ Ọrovwohwo na.

Nehemaya 10:39

Kidie ihwo re Izrẹl kugbe emọ ri Livae ke rha cha reyọ arhọghọ re ọka, udi kugbe evwri rhe ivun na, asan re ekuakua rẹ ẹshẹ na hẹ epha, irherẹn ri gbe odibo na, kugbe erhẹrẹchẹ na kugbe ibuine na. Avwanre che ku aro fia ke uwevwi re Ọghẹnẹ re avwanre-e.

Nehemaya 11:3

Enana ke eye ehọnvwọre rẹ ubrakpọ re dia evun ri Jerusalẹm, ẹkẹvuọvo vwe irho ri Juda kohwo kohwo da dia otọ rọye vwe evun irho rayen Izrẹl, irherẹn na, ihwo ri Livae, idibo rẹ uwevwi rẹ Ọghẹnẹ na, kugbe uvwiẹ re idibo ri Solomọn.

Nehemaya 12:24

Ehọnvwọre re ihwo ri Livae: Hashabia, Shẹrebia, kugbe Jẹshua ọmọ ri Kadmiẹl, vẹ imoni rayen ri hirhe opharo ku ayen, re ejiro re ayen a kpẹvwẹ, kerẹ urhi ri Devid ohwo rẹ Ọghẹnẹ, ro shephihọ ọke re ohẹrhẹ.

Nehemaya 6:1

Asakiephana ra vwọ vuẹ Sanballat vi Tobiah vi Gẹshẹm rẹ ihwo rẹ Arebia kugbe otu re ivwighrẹ rẹ avwanre nẹ mi mu igbẹhẹ ri Jerusalẹm vi re, ne uprophro vuọvo rha hero-ọ, (dede na rhi te ọke yena ye me je ghwẹ ẹchẹ rẹ anurhoro na phihọ-ọ),

Nehemaya 6:15

Ọtiọye na a da rhe ma igbẹhẹ na toba vwẹ ẹdẹ uje gbẹ iyori rẹ emeranvwe re Elul, vwẹ ẹdẹ ujuvẹ gbẹ ihwivẹ.

Nehemaya 6:19

Ayen gbẹ ikun esiri rọye vwẹ irharo me, ayen da je ghwẹ eta mẹ bro ra. Tobiah de si ọbe rhi vwo guegue uvwe.