Nehemaya 6:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Etiyin me da vuẹ rhe, tanẹ, E ru emu ọvuọvo ọtiọye kirobo re wọ tare na-a, kidie wọ de vwẹ evun obọ wẹn di muẹ ayen ta

Nehemaya 6:8 ပူးပေါင်းရင်းမြစ်များ

Nehemaya 6:7

Wọ je ghwa vwẹ emraro mu rere ighwoghwo aghwoghwo kẹ wẹ vwi Jerusalẹm nẹ, Ovie hẹ Juda. Asakiephana ka cha nẹ iyẹnrẹn nana keẹ ovie kirobo re eta nana epha na. Vwe ọtiọye gba yanrhe, re avwanre je iroro kugbe.

ỌBE RẸ JOB 13:4

Vwọ kẹ ovwan, ovwan vwẹ efian ghworo, ovwan ejobi na kẹ idiẹbo rẹ efian.

Une rẹ Ejiro 36:3

Ota rẹ unu rọye ota ogbarogba vẹ ophiẹvwe: o gbi se ruẹ emu rẹ ẹghwanre kugbe oyoyovwi-i

Une rẹ Ejiro 38:12

Otu re guọnọ erhi mẹ kpahe ufi hẹrhẹ ovwẹ, otu re guọnọ oma ẹwan mẹ ra ta ota rẹ ẹghwọrọ, ayen ra jẹ iroro rẹ ogbarogba kpahe ovwẹ vwẹ ẹdẹ na ejobi.

Une rẹ Ejiro 52:2

Ẹrenvwe wẹn pha dandan kerẹ anre, wọwẹ oruiruo re ogbarogba na.

Aizaya 59:4

O vwo ohwo ọvuọvo ro brorhiẹ rẹ ọsoso-o, o vwo ohwo ọvuọvo ro vwẹ evun esiri kpo ẹdjọ-ọ; ayen vwẹ ẹro so orẹ ofefe, ayen vwọrọn efian, ayen mrevun rẹ ozighl ayen de vwiẹ orukuruku.

Daniẹl 11:27

Vwọ kẹ ivie ivẹ na, ẹnwẹn rẹ umwemwu ọvo kọye cha vọn ayen evun, ayen cha vwọrọn efian vwẹ enu rẹ imẹjẹ ọvuọvo na, ẹkẹvuọvo o che vwo otọ-ọ; kidie oba na che te vwẹ obọ vwẹ ọke re bruru na.

Matiu 12:34

Ovwan uvwiẹ rẹ erọdekọ na, re pha brabra miomiovwi na, sa vwọ ta ota rẹ esiri, kidie obo rẹ ohwo rori vwẹ evun ọye ọ ta phia vwẹ unu rọye.

Iyẹnrẹ Esiri ri Jọn 8:44

Ovwan ọ rẹ ọsẹ rẹ ovwan idẹbono, ẹguọnọ rẹ ọsẹ rẹ ovwan ọye we ruẹ na. Ozighẹ o ruẹ nẹ otọrhe, kaka uyota rhere-e, fikiridie uyota na hẹ evun rọye-e. Ọke rọ da vwọnrọn ofian, ọ ta ota kirobo rẹ uruemu robọ rọye epha, kidie ọ vwọnrọn ofian o ruẹ ọye hẹ ọsẹ rẹ ofian.

Iruo rẹ Iyinkọn na 25:10

Ẹkẹvuọvo Pọl da ta, Mi mudia vwẹ obaro rẹ umukpe rẹ ẹdjọ ri Siza, etiyin hẹ asan ra da vwẹ ovwe guẹdjọ; mi ru ihwo ri Ju chọ-ọ, kirobo rẹ ekpuyovwi wẹ riẹnre.

Iruo rẹ Iyinkọn na 25:7

Rọ vwọ rhire, ihwo ri Ju ri nẹ Jerusalẹm rhe de mudia riariẹ họ, e da vwẹ irhi egangan vwo muo yẹ ayen se dje ayen muo-o.