Nehemaya 5:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Etiyin me da ta, Obo rẹ ovwan ruẹ na yovwiri-i. O rhe fo rere ovwan yan vwẹ oshọẹdjẹ rẹ Ọghẹnẹ rẹ avwanre rere e vwọ nabọ rẹ ehwẹjẹ rẹ ivwighrẹ rẹ avwanre ihwo re ẹgborho ẹga na?

Nehemaya 5:9 ပူးပေါင်းရင်းမြစ်များ

Jẹnẹsis 20:11

Ebraham da ta, Mi ruro fikiridie mi rori nẹ, Oshọ ẹdjẹ rẹ Ọghẹnẹ ọ etinẹ-ẹ, ayen de rhe hwe vwe fiki rẹ aye mẹ.

Jẹnẹsis 42:18

Vwẹ ẹdẹ rẹ erha Josẹf da ta kẹ ayen, Ru Ọnana re ovwan rhọ, kidie Me djẹ oshọ rẹ Ọghẹnẹ:

2 Samuẹl 12:14

Dede na, fikirobo wo vwo ru emu nana wọ vwẹ Ọrovwohwo jehwẹ ọmọ na ri wo vwiẹri na ko ghwu.

Nehemaya 4:4

Nyo E Ọghẹnẹ rẹ avwanre, kidie a je avwanre fia, Rhẹriẹ ọjefia rayen phihọ uyovwi rayen, jẹn ogborho rhi gborho ayen vwẹ otọ re che mu ayen imu ra na.

Nehemaya 5:10

Ọrọmarho mẹvwẹ vẹ iniọvo mẹ vẹ idibo mẹ momo igho vẹ eka vwọ kẹ ayen. E jẹn avwanre siobọ ne igho esuo na.

Nehemaya 5:15

Isun rẹ ẹsosuọ re karo kẹ vwẹ, kru oghwa ọhọhọhọ nyẹ ihwo na, ayen de mie ayen emuọre vẹ idi, a ke mrẹ shẹkẹl ujuvẹ rẹ idọnọ. Ekpuyovwi rẹ idibo rayen je vwẹ oma ruẹ Osun kẹ ihwo na. Ẹkẹvuọvo mi se ru ọtiọye-e, fiki rẹ oshọ rẹ Ọghẹnẹ.

Une rẹ Ejiro 90:11

Kono ri se roro ogangan rẹ ophu wẹn, ivuemiovwo wẹn kirobo rẹ oshọẹdjẹ wẹn epha?

Isẹ 16:29

Ọvwozighi phiẹn ọrivẹ rọye, o mi suo kpo idjerhe ọbrabra.

Isẹ 17:26

Eho re ho ọvwata she phihọ-ọ, emu ọchọchọ rere a vwọ ta ihwo ri ruẹ dẹndẹn.

Isẹ 18:5

Ofori rere a vẹ ohwo umwemwu vwọ dia obo vwẹ ẹdjọ-ọ, rere e brorhiẹ hwe ọvwata rọ riase-e.

Isẹ 19:2

Ofori rẹ ohwo vwo jẹ erianriẹn evwo-o, ohwo ro bru okpakpa yan cho ada rọye ra.

Isẹ 24:23

Enana je vwẹ eta rẹ ọvwaghwanre. Ọriẹvwẹ re vwo brorhiẹn yovwiri-i.

Izikiẹl 36:20

Ẹkẹvuọvo ọke re ayen rhi vwo te ẹgborho na, kasan kasan rẹ ayen teri, ayen de gbe odẹ ọfuanfon mẹ na ẹgua, kidie ihwo ta kpahe ayen nẹ, Enana ihwo rẹ Ọrovwohwo, yẹ ẹkẹvuọvo ayen je yan jẹ otọ rọye vwo.

Livitikọs 25:36

Wo jo suẹn emu ro mie we-e, ẹkẹvuọvo djẹ oshọ rẹ Ọghẹnẹ wẹn; rere oniọvo wẹn vwọ sa dia kẹrẹ owẹ

Iruo rẹ Iyinkọn na 9:31

Ọtiọye na oma de rhi fu ishọshi rọ hẹ Judia, Galili kugbe Sameria ejobi ayen de mudia gan; ke yan vwẹ evun rẹ oshọẹdjẹ rẹ Ọrovwohwo kugbe uchebro rẹ Erhi Ọfuanfon na ayen de rhi bu phihọ.

Ọbe ri Pọl si rhe Ihwo ri Rom 2:24

Kidie, kirobo re siro, otu ri Keferi na phọphọ odẹ rẹ Ọghẹnẹ fiki rẹ ovwan.

1 Timoti 5:14

Ọtiọye na me guọnọre nẹ eyanku rẹ uphophẹ na rhoma kpo orọvwe, re ayen vwie ẹmọ, re ayen sẹro rẹ uwevwi rayen, rere e vwo je se unwe phihọ ayen.

Taitọs 2:5

Jẹ ayen dia dẹndẹn vẹ uruemu rọ gbare, rere ayen nabọ wian owian vwẹ uwevwi rayen, ri ji ni aruẹdọn, re vwẹ oma kpotọ kẹ eshare rayen rere e vwo jẹ ota rẹ Ọghẹnẹ e gbe kuẹ.

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.

1 Samuẹl 2:24

Ẹjo, emọ mẹ; ọdiẹ omamọ rẹ ikun mi nyo na-a ọ rẹ ihwo rẹ Ọrovwohwo gbe wan asan ejobi na.