Nehemaya 5:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kidie ihwo ẹvo herọ tanẹ, avwanre vẹ emeshare kugbe emetẹ rẹ avwanre, bute, jẹn avwanre ghwe ọka, rere avwanre re re avwanre rhọ.

Nehemaya 5:2 ပူးပေါင်းရင်းမြစ်များ

Jẹnẹsis 41:57

Ọrọmarho, ihwo rẹ akpọ na ejobi de kpo Ijipt bru Josẹf ra dẹ ọka, kidie owẹvwe na pha gangan vwẹ akpọ na ejobi.

Jẹnẹsis 42:2

O da ta, Nighe, mi nyori nẹ ọka Ijipt, yanran wa ra dẹ ọka kẹ avwanre vwẹ oboyi, rere ma vwọ rhọ, re e je ghwo.

Jẹnẹsis 43:8

Juda da ta kẹ Izrẹl rẹ ọsẹ rọye, Ji ọmọ na nene uvwe, ke avwanre vrẹn yanran, avwanre ke rhọ Me gbi ghwu-u, te avwanre te emọ rẹ avwanre.

Jẹnẹsis 47:19

Die sorọ rẹ avwanre di vwo ghwu vwẹ irharo wẹn, te avwanre te etọ rẹ avwanre? Dẹ avwanre kugbe etọ rẹ avwanre vwẹ ọ rẹ emuọre, te avwanre te etọ rẹ avwanre ke dia eviẹn ri Fero; kẹ avwanre emamọ, re avwanre rhọ, ru Me je ghwo, rere otọ na vwo je fue.

Ivie rẹ Ivẹ 4:1

Asakiephana aye rẹ ọvo vwẹ emọ rẹ emraro na de kperi se Ilaesha, Odibo wẹn ọshare mẹ ghwuru, wọ riẹnre nẹ odibo wẹn djẹ oshọ rẹ Ọrovwohwo na; ohwo rẹ avwanre re osa rọye rhere rhe reyọ emọ mẹ ivẹ re vwo ru eviẹn rọye.

Nehemaya 5:3

Ẹvo je herọ re tanẹ, Avwanre vwẹ aghwa re avwanre, ogba ri vain re avwanre, ve uwevwi re avwanre vwo viẹnwan rere avwanre vwo eka, kidie owẹvwe na fie.

Hegae 1:6

Wọ kọnre buebu, emerha tutunọ kọye wo vunru; wo ria, ẹkẹvuọvo yu wọ mrẹ obọ ri te we ria-a, wọ da, ẹkẹvuọvo yẹ evun vọn wẹ-ẹ, wo rhuo oma wẹn, ẹkẹvuọvo yẹ oma rẹ ohwo ọvuọvo tuabọ-ọ; ohwo rọ reyọ osa ọ ghwa reyọ nẹ yo phiophihọ ekpo vẹ iphrophro.

Malakae 2:2

Wa gbe rha kerhọ-ọn, wa gbe vwẹ udu roro-o re wa da vwẹ urinrin kẹ odẹ mẹ-ẹ, eriyin Ọrovwohwo rẹ otuofovwi na tare, ke me cha harhe ovwan ekan ki mi che duvwu iyori phihọ ebruphihọ rẹ ovwan, uyota me tobọ harhe ovwan nure, kidie wa vwẹ udu rẹ ovwan roro-o.

Urhi Rivẹ 23:19

Wo de momo igho kẹ oniọvo wẹn wo suẹn ayen kẹ-ẹ, ẹkpahọ rẹ emuọre, ẹkpahọ rẹ emu kemu ejobi re momo.