Nehemaya 5:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Mi de ji tuetue ishamwa me, me da ta, Ọtiọye Ọghẹnẹ ji tuetue kohwo kohwo nẹ uwevwi rọye, kugbe iruo rọ e ro je ive rọye ẹyọnrọn. Kẹ ọtiọye e ji tuetue kufia ro dia ofefe. Ọghwẹgbe na ejobi da tanẹ, Isẹ. Ayen de jiri Ọghẹnẹ, ihwo na de ru kirobo rẹ ayen veri.

Nehemaya 5:13 ပူးပေါင်းရင်းမြစ်များ

Ivie rẹ Ivẹ 23:3

Ovie na de mudia kerẹ asan ẹshẹ na, ọ da re ọphọ vwẹ obaro rẹ Ọrovwohwo, nẹ ọye yan kpahe Ọrovwohwo ọye me je yọnrọn irhi rọye vẹ iji kugbe iseri rọye, vẹ iji rọye vwẹ udu rọye ejobi vẹ ẹnwẹ rọye ejobi, vwo ru eta rẹ ọphọ nana re si phihọ ọbe nana; ayen ihwo na ejobi de kuoma gbe re ọphọ na.

1 Ikun rẹ Ivie 16:36

Ebruphihọ kẹ Ọrovwohwo na, Ọghẹnẹ rẹ Izrẹl nẹ bẹdẹ bẹdẹ re te rhiri bẹdẹ. Etiyin ihwo na ejobi da ta, Isẹ!, ayen de jiri Ọrovwohwo.

Nehemaya 8:6

Ẹzra de bruba kẹ Ọrovwohwo, Ọghẹnẹ rode na, ihwo na ejobi da kpahe, Isẹ, Isẹ, ye ayen kpare abọ rayen kpenu, ayen de gbe iyovwi rayen kpotọ ayen da ga Ọrovwohwo vẹ epharọ re ayen bowvọn rhuotọ.

Une rẹ Ejiro 119:106

Mi veri mi de ji ruo gan, nẹ me yọnrọn egba re ọvwata wẹn na.

Une rẹ Ejiro 50:14

Ze izobo re ẹkpẹvwẹ kẹ Ọghẹnẹ, re wọ hwa osa rẹ ive wẹn ke Ọ ro Me Kpenu na;

Une rẹ Ejiro 76:11

Ve ive wẹn kẹ Ọrovwohwo Ọghẹnẹ wẹn, ru wo ru ayen, Jẹn ihwo re riarierẹ ejobi phare ọko rhe ohwo ro te oshọẹdjẹ kẹ na,

Isẹ 28:4

Ihwo ri gbẹ urhi eye ri jirẹ oruimwemwu, ẹkẹvuọvo ihwo re yọnrọn urhi eye nene otu rẹ iruimwemwu họnra.

Aghwoghwo 5:5

Ofori wo vwo je ive eve nọ ru wo de ve nu wo hwa rọ-ọ.

Ukeri 5:22

gbe jẹn ame nana rọ ghwẹ ekan cha na su ame vọn we evun rọ nẹrhẹ oma wẹn vwọ rere ekpoghowọ wẹn kpare nẹ uwe oma. Aye na kọ ta, Isẹ, Isẹ.

Matiu 10:14

Ohwo kohwo rọ reyọ ovwa-an, ro nyo ota rẹ ovwa-an, we de nẹ uwevwi yena eyẹ orere na, we phorho ekpẹn re tamu awọ rẹ ovwan phihọ otọ.

Iruo rẹ Iyinkọn na 13:51

Ẹkẹvuọvo ayen de phorho ekpẹn rẹ awọ rayen vwọ hẹ otọ kẹ ayen, ayen da yanran kpo Aikoniọm.

Iruo rẹ Iyinkọn na 18:6

Ọke rẹ ayen vwọ phra vwo djekan, o de tuetue iwun rọye ọ da ta kẹ ayen, Ọbara rẹ ovwan dia iyovwi rẹ ovwan! Abọ mẹ fonro. Kẹ ọke na yanran ki mi bru ihwo ri Keferi ra.

1 Kọrẹnt 14:16

Ọ rha dia ọtiọye-e, ọ da dianẹ wọ vwẹ erhi nẹ ẹrhovwo, komavọ ogbori se vwo ku isẹ phihọ ẹkpẹvwẹ wẹn yọ riẹn obo ru wọ ta-a?

1 Samuẹl 15:28

Samuẹl da ta kẹ, Ọrovwohwo bẹre uvie rẹ Izrẹl mie we nonẹ na, ọ da vwọ kẹ ọrivẹ wẹn, ro yovwi nọ wẹ.