Nehemaya 5:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Nonẹ na we re siobọ nẹ idju rayen kẹ ayen, ogba ri vain rayen, ogba rẹ ọliv vẹ iwevwi rayen, kugbe abọvo vwẹ ujori rẹ igho, ọka, wain, kugbe evwri ru wọ karhiẹn mie ayen vwọ ke ayen.

Nehemaya 5:11 ပူးပေါင်းရင်းမြစ်များ

2 Samuẹl 12:6

kọ rha hwaosa rẹ omogodẹ na asakuẹne, fikiridie o ru emu nana, kidie o vwo ehrọre-e.

Nehemaya 5:10

Ọrọmarho mẹvwẹ vẹ iniọvo mẹ vẹ idibo mẹ momo igho vẹ eka vwọ kẹ ayen. E jẹn avwanre siobọ ne igho esuo na.

Nehemaya 5:12

Ayen da ta, Avwanre rhan keẹ ayen. Avwanre je nekpẹn rẹ emuọvo vwẹ obọ raye-en. Avwanre ru kirobo re wọ tare na. Mi de se irherẹn na, me da vwẹ ayen duvwu iyori nẹ ayen ru kirobo re ayen veri na.

Aizaya 58:6

Ọ dia oghẹre rẹ ewẹvwe ọtiọna Me jẹreyọ ra vwọ rhan ifi rẹ umwemwu, re vwo vwrẹn ifi rẹ urhekpe, re siobọ nẹ ohwo re shenyẹ kpo ọphẹ, rere e vwirhi kurhekpe kurhekpe?

Iyẹnrẹ Esiri ri Luk 3:8

Wa vwẹ emamọ rẹ ekuorhẹriẹ ro fori phia, wa rha ta kẹ oma rẹ ovwan nẹ, Ebraham hẹ ọsẹ rẹ avwanreọ; kidie me ta kẹ ovwan, Ọghẹnẹ sa vwẹ ibiekpẹn rẹ otọ na ru emọ kẹ Ebraham.

Urhi Rivẹ 6:11

vẹ iwevwi re vọnre vẹ imu esiri e re wọ ghwẹ phihọ na-a, kugbe ẹtẹrhe ra tọnre, i re wọ tọnre-e, egba ri vain vẹ irhe rẹ ọliv, i re wọ kọnre-e, ko wọ cha re evun Me vọn wẹ;

1 Samuẹl 12:3

Mẹvwẹ na; we gbe se oseri mu vwe vwẹ obaro rẹ Ọrovwohwo kugbe obaro rẹ ohwo ra vwẹ evwri te. Ono ri vwo erhuẹn ọshare ri mi muru? Eyẹ konọ vwo ekẹtẹkẹrẹ ri mi muru? Eyẹ kono me ghwarẹ? Ono mi shenyẹ? Eyẹ kono me re udi mie ro rhu vwẹ ẹro? We se oseri hwe vwe re me rhan ayen rhivwi kẹ ovwan.