Nehemaya 4:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ayen ejobi de se umẹ koko ne ayen cha họnre Jerusalẹm, rere ayen rhi gbẹ ozighi phihọ.

Nehemaya 4:8 ပူးပေါင်းရင်းမြစ်များ

2 Samuẹl 10:12

Yivwaro, je ru oma kerẹ eshare vwọ kẹ ihwo rẹ avwanre; kugbe irere rẹ Ọghẹnẹ rẹ avwanre; e gbe jẹn Ọrovwohwo ru obo ri jere.

2 Ikun rẹ Ivie 32:7

Wa goma re we yivwaro. Wa djẹ oshọ-ọ we jẹn ofu dje ovwan fiki rẹ ovie rẹ Asiria na-a vẹ urogho ri nenire rhe-e; kidie e ohwo ọvo ro rhonọ vẹ avwanre herọ.

Nehemaya 1:5

Me da ta, E Ọrovwohwo Ọghẹnẹ re Odjuvwu, ọ rọ rhoro vẹ Ọghẹnẹ rọ muọshọ rọ sẹro rẹ ọphọ vẹ ẹguọnọ ro jẹrhẹriẹ ke otu re guọnerọ re sẹro rẹ irhi rọye,

Nehemaya 4:7

Ẹkẹvuọvo Sanballat vi Tobiah kugbe ihwo rẹ Arebia na kugbe ihwo rẹ Ammọn kugbe ihwo rẹ Ashdọd vwo nyo nẹ avwanre rhuẹrẹ igbẹhẹ ri Jerusalẹm yanran ghwrara, nẹ asan rẹ vare na a ran ayen gbẹ, ivun de miovwi ayen gangan.

Jerimaya 20:10

Kidie mi nyo ophiọrọ buebu. Imuọshọ ọ hẹ asan ejobi! phọphọ! Jẹn avwanre phọphọ! emamọ rẹ igbeyan mẹ ejobi tarọ rẹ ayen vwọ rhẹrẹ eshe mẹ. Ọkeọvo ya cha phiẹ, avwanre ki che phiọ kparobọ rẹ avwanre de ruo keri.

Daniẹl 9:25

gba mrẹ vughe rọ je ro wẹ nẹ, eyanran rẹ ota na ro phio phihọ edia kugbe erhuẹrẹ phihọ ri Jerusalẹm re te ẹcha rẹ osun na, ọ ra vwẹ ori te na, ẹdidjana ighwrẹn re cha dia. Edidjana ujorha gbe ivẹ ka cha rhuẹrẹ tọn phihọ vẹ irhuvwu rọye ra ka ugbo phihọ, ke dia ọke rẹ ukpokpogho.

Urhi Rivẹ 1:29

Kẹsiẹye Me ke ta kẹ ovwan nẹ, We guegue-e, we bru udu raye-en.