Nehemaya 4:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ẹkẹvuọvo Sanballat vi Tobiah kugbe ihwo rẹ Arebia na kugbe ihwo rẹ Ammọn kugbe ihwo rẹ Ashdọd vwo nyo nẹ avwanre rhuẹrẹ igbẹhẹ ri Jerusalẹm yanran ghwrara, nẹ asan rẹ vare na a ran ayen gbẹ, ivun de miovwi ayen gangan.

Nehemaya 4:7 ပူးပေါင်းရင်းမြစ်များ

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Ivie rẹ Ivẹ 24:2

Ọrovwohwo de ji ihwo ri Kaldia vẹ ihwo ri Siria vẹ Moab kugbe ihwo rẹ Ammọn ne ra họnre Juda rere ayen ghwọrọ, kerẹ ota rẹ Ọrovwohwo rẹ odibo rọye emraro na tare.

2 Ikun rẹ Ivie 20:1

Rẹ Ọnana vwọ wan nu ihwo ri Moab vẹ Ammọn, kugbe ihwo ri Meu ẹvo re vwọ ba ayen, da kpare ofovwi vwọ so Jehoshafat.

Ezra 5:8

Jẹn ovie riẹn nẹ avwanre kpo ubrakpọ ri Juda, re te uwevwi rẹ Ọghẹnẹ rode na. A ra vwẹ eragha ride bọn, e mu ighere phihọ igbẹhẹ rọye nure, iruo na rayan ghwraghwra-ghwra. O ji ghwe yovwẹ vwẹ abọ rayen.

Nehemaya 2:10

Ẹkẹvuọvo ọke ri Sanballat ohwo rẹ Họrọn ve Tobiah odibo na, ohwo re Ammọn vwo nyo Ọnana, ivun de miovwe ayen gangan ne ohwo ọvo rhere rhe guọnọ erhuvwu rẹ emọ re Izrẹl.

Nehemaya 2:19

Ẹkẹvuọvo ri Sanballat ohwo ri Họnrọn kugbe Tobiah re ọdibọ na, ohwo re Ammọn, Gẹshẹm ohwo re Arebia, vwo nyo, ayen da vwẹ avwanre jehwẹ, ayen da jẹn avwanre fia tanẹ, Die ovwan ruẹ vwo? Ovwan vwẹ eghre sua Ovie?

Nehemaya 4:1

Asakiephana ri Sanballat vwo nyo nẹ avwanre bọn igbẹhẹ na, ivun de miovwo, ophu de muo gangan, ọ da vwẹ ihwo ri Ju jehwẹ.

Nehemaya 4:6

Ọtiọye, avwanre da bọn igbẹhẹ na. Igbẹhẹ na ejobi a da rhe rhuọn ayen kugbe rhi te abọvo rẹ enu-era rọye, kidie, ihwo na vwo udu re iruo.

Nehemaya 4:8

Ayen ejobi de se umẹ koko ne ayen cha họnre Jerusalẹm, rere ayen rhi gbẹ ozighi phihọ.

Nehemaya 6:16

Re ivwighrẹ rẹ avwanre ejobi vwo nyo re, ẹgborho re yariẹ avwanre phihọ na da rhe vọn vẹ oshọ oma da rhọ ayen; kidie ayen vwe evun roro nẹ e ruiruo nana vwẹ ọchuko rẹ Ọghẹnẹ re avwanre.

Jerimaya 25:20

kugbe erhorha re hẹ ohri rayen, ivie rẹ otọ rẹ Uz ejobi, vẹ ivie rẹ otọ ri Filistia ejobi (Ashakẹlọn, Gaza, Ekrọn, vẹ umuku rẹ Ashdọd),

Jerimaya 41:10

Kẹsiẹye Ishmẹl ki mu ihwo ri chekọ vwi Mizpa na ejobi ighuvwu, emetẹ rẹ ovie vẹ ihwo ri chekọ vwi Mizpa ejobi, ihwo ri Kehuzaradan, onotu rẹ ohẹrhẹ na, phihọ obọ ri Gedalaya ọmọ re Ahikam. Ishmẹl ọmọ ri Netanaya de mu ayen ighuvwu ọ da vwẹ ayen kpo otọ rẹ ihwo rẹ Ammọn.

Emọs 1:13

E nẹ Ọrovwohwo na tare: Fiki rẹ ogbeku erha rẹ ihwo rẹ Amọn, ji kugbe ẹne, Me gbe sa rhan unu rẹ ehwe na-a, fikiridie ayen hẹrẹ evun rẹ eya vẹ evun vwi Gilead, rere ughwru rayen vwọ rho phihọ.

Emọs 1:8

Ki mi bru ihwo re dia Ashdọd kufia, kugbe ohwo rọ rẹ uvie vwẹ Ashkẹlọn, ki mi gbekpae Ekrọn; umuku rọ chekọ vwi Filistia ko ghwu kufia, Ọrovwohwo Ọghẹnẹ na tarọ.

Emọs 3:9

Ghwoghwo kẹ ogba ọgangan vwẹ Asiria; ji kugbe ogba ọgangan vwẹ otọ re Ijipt, re wọ ta, ovwan ghwẹ oma rẹ koko vwẹ enu rẹ igbenu ri Sameria, re wa mrẹ edo rode rọ hẹ evun rọye, vẹ oshenyẹ rọ hẹ uherevie rọye.

Iruo rẹ Iyinkọn na 5:33

Ọke rẹ ayen vwo nyo ọnana ophu de mu ayen gangan ayen da guọnọ ayen hwe.

Ẹvwọphia 12:17

Ophu de rhi mu Okpodje kpahe ayen na gangan o de re nene emọ rọye ri chekọ phi ofovwi, e re yọnrọn irhi rẹ Ọghẹnẹ na kugbe iseri ri Jesu. O de mudia vwẹ enu rẹ ehavwo rẹ abadi na.

1 Samuẹl 11:2

Ẹkẹvuọvo Nahash rẹ ohwo rẹ Ammọn da ta kẹ ayen, Fiki rẹ ọnana ọvo ọye me vẹ ovwan vwo ru ọbe, ki mi yoghro ubiẹro rẹ obọrhe rẹ ovwan nu, rere ọ dia omẹvuọ kẹ Izrẹl ejobi.