Nehemaya 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọtiọye, avwanre da bọn igbẹhẹ na. Igbẹhẹ na ejobi a da rhe rhuọn ayen kugbe rhi te abọvo rẹ enu-era rọye, kidie, ihwo na vwo udu re iruo.

Nehemaya 4:6 ပူးပေါင်းရင်းမြစ်များ

1 Ikun rẹ Ivie 29:14

Ẹkẹvuọvo kono omẹvwẹ, kidie ihwo mẹ epha, re sa kẹ wẹ okẹ vẹ ivuavwerhe ọtiọna? Kidie emu na ejobi obọ wẹn inẹcha, e rẹ obọ wẹn ọvo na ma rhoma vwọ kẹ wẹ na.

1 Ikun rẹ Ivie 29:3

Enana ejobi re me rhuẹrẹ phihọ otọ vwọ kẹ uwevwi ọfuanfon na, mi ji vwo efe rẹ obọ mẹ rẹ oro vẹ idọnọ re me ghwẹ koko fiki rẹ iroro ri mi vwo kẹ Ọghẹnẹ mẹ, me je vwẹ ayen vwọ kẹ uwevwi rẹ Ọghẹnẹ mẹ na.

2 Ikun rẹ Ivie 29:36

Hẹzikaya kugbe ihwo na ejobi da ghọghọ fiki rẹ obo rẹ Ọghẹnẹ ru kẹ ihwo na ejobi; kidie kpregede ọye emu na phiare.

Nehemaya 4:5

Wo rhurhu abe raye-en wọ je phoro imwemwu rẹ ayen nẹ vwẹ obaro wẹ-ẹn; kidie ayen kpare ophu wẹn vwẹ obaro rẹ ihwo re bọn igbẹhẹ na.

Nehemaya 4:7

Ẹkẹvuọvo Sanballat vi Tobiah kugbe ihwo rẹ Arebia na kugbe ihwo rẹ Ammọn kugbe ihwo rẹ Ashdọd vwo nyo nẹ avwanre rhuẹrẹ igbẹhẹ ri Jerusalẹm yanran ghwrara, nẹ asan rẹ vare na a ran ayen gbẹ, ivun de miovwi ayen gangan.

Nehemaya 6:15

Ọtiọye na a da rhe ma igbẹhẹ na toba vwẹ ẹdẹ uje gbẹ iyori rẹ emeranvwe re Elul, vwẹ ẹdẹ ujuvẹ gbẹ ihwivẹ.

Une rẹ Ejiro 110:3

Ihwo wẹn che siobọ nẹ oma rẹ ayen ọphọphẹ vwẹ ẹdẹ wo de sun otuofovwi wẹn vwẹ igbenu efuanfon wẹn na. Kẹ evun rẹ irhiọke ride. kerẹ evwru rẹ irhiọke ọtiọye ọmọha wẹn cha dia.

Une rẹ Ejiro 122:3

Jerusalẹm, a bọnrọ kerẹ orere ra rhuọn kugbe kokoroko,

Hegae 1:14

Ọrovwohwo da kpare erhi ri Zerubabẹl rẹ ọmọ ri Shealtiẹl, osun ri Juda, kugbe erhi ri Joshua rẹ ọmọ ri Jehozadak, rẹ ọrherẹn rode na, kugbe erhi rẹ umuku rẹ ihwo na ejobi ri chekọ ayen da rhe rhi ru iruo vwẹ uwevwi rẹ Ọrovwohwo rẹ ọtuọfọvwi na, Ọghẹnẹ rayen.

Filipae 2:13

kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.

Hibru 13:21

ọ kẹ ovwan emu esiri ejobi rere we vwo ru ọhọre rọye, ro ru iruo vwẹ evun rẹ ovwan. E jẹ ovwan ru iruo ro yovwiri vwẹ obaro rọye, vwẹ oma ri Jesu Kristi; ọye a vwẹ urinrin kẹ bẹdẹ bẹdẹ. Isẹ.