Nehemaya 4:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Mi de ni, mi de vrẹn, me da ta ke ehọnvwọre iruiruo kugbe ihwo ri chekọ na ejobi, wa djẹ oshọ re aye-en. Karohọ Ọrovwohwo na, rọ rhoro rọ muoshọ, rere wa họnre kẹ imoni, emọ wẹn, emetẹ wẹn, eya wẹn kugbe uwevwi wẹn.

Nehemaya 4:14 ပူးပေါင်းရင်းမြစ်များ

2 Samuẹl 10:12

Yivwaro, je ru oma kerẹ eshare vwọ kẹ ihwo rẹ avwanre; kugbe irere rẹ Ọghẹnẹ rẹ avwanre; e gbe jẹn Ọrovwohwo ru obo ri jere.

2 Ikun rẹ Ivie 32:7

Wa goma re we yivwaro. Wa djẹ oshọ-ọ we jẹn ofu dje ovwan fiki rẹ ovie rẹ Asiria na-a vẹ urogho ri nenire rhe-e; kidie e ohwo ọvo ro rhonọ vẹ avwanre herọ.

Nehemaya 1:5

Me da ta, E Ọrovwohwo Ọghẹnẹ re Odjuvwu, ọ rọ rhoro vẹ Ọghẹnẹ rọ muọshọ rọ sẹro rẹ ọphọ vẹ ẹguọnọ ro jẹrhẹriẹ ke otu re guọnerọ re sẹro rẹ irhi rọye,

ỌBE RẸ JOB 37:22

Vwẹ obohwẹre ọnre oboyi uvo rẹ oro nẹ cha vẹ erhuvwu rọye; a vwẹ emwa ri udidi rhuo Ọghẹnẹ

Une rẹ Ejiro 143:5

Me karohọ ọke rẹ awanre, mi roro iroro re emu ejobi ri wo ruru; mi vwo omavwerhe kpahe obo rẹ obọ wẹn ruru.

Une rẹ Ejiro 20:7

Ẹvo vwẹ ekpẹre rẹ ofovwi yeyan, ẹvo ke iyesi, ẹkẹvuọvo avwanre vwẹ odẹ rẹ Ọrovwohwo rẹ Ọghẹnẹ rẹ avwanre yeyan.

Une rẹ Ejiro 27:1

Ọrovwohwo ọye urhukpẹ mẹ kugbe esivwo mẹ, kono me djẹ oshọ rọye? Ọrovwohwo ọye ogba ogangan rẹ arhọ mẹ; kẹ oshọ rẹ ono ri rhe mu vwe?

Une rẹ Ejiro 46:11

Ọrovwohwo rẹ otuofovwi na vẹ avwanre herọ, Ọghẹnẹ ri Jekọb ọye odjahọ rẹ avwanre

Une rẹ Ejiro 65:5

Vwẹ uruemu ro muoshọ ọye wọ vwọ vwẹ esivwo wẹn kpahe kẹ avwanre, E Ọghẹnẹ rẹ esivwo rẹ avwanre, wẹ iphiẹrohọ rẹ oba rẹ akpọ na ejobi, kugbe ayen re hẹ obo ẹtan rẹ abadi.

Une rẹ Ejiro 66:3

Ta kẹ Ọghẹnẹ, Mavọ iruemu wẹn mu udidi te! ọtiọye ogangan wẹn rho te rọ nẹrhẹ ivwighrẹ wẹn siẹ wunrhẹ vwẹ obaro wẹn

Une rẹ Ejiro 66:5

Yanrhe wọ rhe mrẹ obo rẹ Ọghẹnẹ ruru, o muoshọ vwẹ uruemu rọye vwẹ ohri rẹ ihwo.

Ẹyano 14:14

Ọrovwohwo na cha họnre kẹ wẹ, oma ọvo we hwemu.

Ẹyano 14:25

adjugẹ rẹ akpẹrẹ rayen de bruro ibehre ọtiọye na kẹ ayen djẹ tẹgbẹ tẹgbẹ; ihwo rẹ Ijipt na da ta, E jẹn a djẹ nẹ oma rẹ ihwo rẹ Izrẹl na, kidie Ọrovwohwo yen họnra ihwo rẹ Ijipt kẹ ayen na.

Aghwoghwo 12:1

Karohọ Omẹma wẹn vwẹ ọke re wọ vwọ eghene na, bẹsiẹ rẹ ẹdẹ umwemwu na che vwo te, rẹ ikpe na vwo te otọ, vwẹ ọke re wọ da cha tanẹ, Mi vwo omavwerhovwẹ vwẹ evun rẹ aye-en.

Daniẹl 11:32

Kọ cha vwẹ unuerarọ vẹ ọphiẹnvwe phiẹn ihwo ri gbe ọphọ na ku; ẹkẹvuọvo ihwo re riẹn Ọghẹnẹ rayen che mudia gan ke ayen họnre.

Zekaraya 14:3

Etiyin re Ọrovwohwo kọ yan phia vwọ so ẹgborho yena kirobo rọ họnre vwe ẹdẹ rẹ ofovwi na

Ukeri 14:9

Emuọvo na, wa vwọ suọ Ọrovwohwo-o; wa je djẹ oshọ rẹ ihwo rẹ evun rẹ otọ na-a, fikiridie ayen ikara vwọ kẹ avwanre ukẹcha vuọvo rhe ayeen; yẹ Ọrovwohwo vẹ avwanre herọ, we jẹ oshọ rayen mu ovwa-an.

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Urhi Rivẹ 1:21

Nighe, Ọrovwohwo Ọghẹnẹ rẹ ovwan na phi otọ na phihọ obaro rẹ ovwan re; wa gba ra re wa ra reyọ, kirobo rẹ Ọrovwohwo Ọghẹnẹ rẹ esẹ rẹ ovwan ta kẹ ovwan; wa djẹ oshọ-ọ we brudu-u.

Urhi Rivẹ 10:17

Kidie Ọrovwohwo Ọghẹnẹ wẹn na, ọye Ọghẹnẹ rẹ ẹdjọ, gbe Ọrovwohwo rẹ irivwohwo, Ọghẹnẹ rode, ro mu oshọ, ro nẹ ohwo ẹro-o, ọ je ria udi-i.

Hibru 13:6

Kẹ avwanre sa vwẹ obọ saudu nẹ, Ọrovwohwo hẹ ọchuko mẹ, oshọ gbi mu uvwe-e; kidie ohwo se ru kẹ vwẹ?

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.

Iguẹdjọ 3:27

Ọke ro te uwevwi nu, ọ de hworo owanre vwẹ evun rẹ ugbenu rẹ orho rẹ Ifrem; ihwo rẹ Izrẹl de bro rhe orho rẹ ugbenu na ọ da ka obaro kẹ ayen.