Nehemaya 4:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Asakiephana ri Sanballat vwo nyo nẹ avwanre bọn igbẹhẹ na, ivun de miovwo, ophu de muo gangan, ọ da vwẹ ihwo ri Ju jehwẹ.

Nehemaya 4:1 ပူးပေါင်းရင်းမြစ်များ

Nehemaya 13:28

Ọmọ ri Jehoyada ọvo, ọmọ rẹ Eliashib rẹ orherẹn rode, kẹ ọgọ ri Sanbalat ohwo ri Họrọn, ọtiọye na me da dje ne oma mẹ.

Nehemaya 2:10

Ẹkẹvuọvo ọke ri Sanballat ohwo rẹ Họrọn ve Tobiah odibo na, ohwo re Ammọn vwo nyo Ọnana, ivun de miovwe ayen gangan ne ohwo ọvo rhere rhe guọnọ erhuvwu rẹ emọ re Izrẹl.

Nehemaya 2:19

Ẹkẹvuọvo ri Sanballat ohwo ri Họnrọn kugbe Tobiah re ọdibọ na, ohwo re Ammọn, Gẹshẹm ohwo re Arebia, vwo nyo, ayen da vwẹ avwanre jehwẹ, ayen da jẹn avwanre fia tanẹ, Die ovwan ruẹ vwo? Ovwan vwẹ eghre sua Ovie?

Nehemaya 6:15

Ọtiọye na a da rhe ma igbẹhẹ na toba vwẹ ẹdẹ uje gbẹ iyori rẹ emeranvwe re Elul, vwẹ ẹdẹ ujuvẹ gbẹ ihwivẹ.

Nehemaya 6:16

Re ivwighrẹ rẹ avwanre ejobi vwo nyo re, ẹgborho re yariẹ avwanre phihọ na da rhe vọn vẹ oshọ oma da rhọ ayen; kidie ayen vwe evun roro nẹ e ruiruo nana vwẹ ọchuko rẹ Ọghẹnẹ re avwanre.

Jerimaya 38:19

Ovie Zedikaya da vuẹ Jerimaya, Oshọ ri Ju re djẹ bru ihwo ri Kaldia na ra mu vwe, ayen da rha reyọ ovwẹ kẹ ayen vwọ jehwẹ.

Matiu 2:16

Ri Herọd vwọ riẹn nẹ ihwo na phiẹ ọye phihọ, ivun de miovwo gangan, o de ji ikọn nẹ e rẹ hwe emọboba rẹ eshare re hẹ Bẹtlẹhẹm ejobi, kugbe eko rọye ejobi, emọ rẹ ikpe ive rhe otọ, nẹ okẹ re vwo vwiẹ ọmọ na rhe na.

Matiu 27:29

Ayen da wọn erhu rẹ odjigbẹ vwo tughẹ, ayen da vwẹ ugbẹn rẹ ọghọrọghọdẹ vwọ hẹ obọ; ayen de diguẹ kẹ, vwọ jehwẹ tanẹ, Do, Ovie ri Ju!

Iruo rẹ Iyinkọn na 5:17

Ẹkẹvuọvo orherẹn rode na vẹ otu rọye, rẹ ukoko rẹ Sadiusi, de vrẹn, ayen vọnre vẹ ophu vẹ omaẹriọ.

Hibru 11:36

A vwẹ evo jehwẹ a vwẹ ugbudia fa evo, a vwẹ igoni kanre evọ e mu evo phihọ uwodi.