Nehemaya 2:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ovie na da ta ke vwẹ, (Yẹn aye rẹ Ovie ghwe tidia kẹrẹ) Mavọ ọyan wẹn krite vwo, ke ọkevọ wo vwo rhivwi rhe? Ọtiọye o de je ovie na ne me gba ra; mi de brẹde kẹ.

Nehemaya 2:6 ပူးပေါင်းရင်းမြစ်များ

Nehemaya 1:11

E Ọrovwohwo, jẹn erhọn wẹn nabọ rhie phihọ ke ẹrhovwo re odibo wẹn, ji kugbe ẹrhovwo re idibo wẹn re vwe omavwerhe dje oshọ re odẹ wẹn na, wọ vwe obọekparọ ke odibo wẹn nonẹ na, re wọ ke arọdọvwe wẹn, vwẹ obaro re ohwo nana. Asakiephana mẹvwẹ ọye omuidi rẹ ovie na.

Nehemaya 13:6

Ọke re vwo ruẹ enana ye me hẹ Jerusalẹmu-u, kidie vwẹ ikpe rẹ ọgban gbẹ ivẹ re Ataxas ovie ri Babilọn mi de bru ovie ra Ọmọke vwọ wan nu ma da re ovie ne o siobọ nẹ uvwe

Nehemaya 2:4

Etiyin ovie na da ta kẹ vwẹ, kẹ obọ rẹ ono wọ da yare oyare na? Kẹ etiyin me da nẹ ẹrhovwo kẹ Ọghẹnẹ rọ hẹ ọbo odjuvwu.

Nehemaya 2:5

Me da ta kẹ ovie na, ọ da dianẹ o je ovie, rẹ odibo wẹn da mrẹ ẹroesiri vwẹ obaro wẹn, gbẹ ju vwe kpo Juda, vwo kpo orere re shi esẹ mẹ phihọ na rere me ra rhoma bọn.

Nehemaya 5:14

Ọrọmarho vwọ ne ọke re a vwọ reyọ ovwẹ vwo mu osun rẹ otọ ri Juda, vwo nẹ ẹgbukpe uje re te ẹgbukpe ọgban gbẹ ivẹ rẹ Arta-xerxes rẹ Ovie, kọye ikpe ihwivẹ, te ekpuyovwi mẹ eyẹ iniọvo mẹ na re ẹkẹn emu ra ghare te osu-un.

Aizaya 58:12

Iwevwi rẹ awanre ri sheri ejobi ka rhoma bọn ayen, ku wọ vwẹ uchivwo rẹ uvwiẹ buebu vwo chivwi otọ; ke se we nẹ ọrhuẹrẹ iphrophro, ọrhuẹrẹ rẹ irhuvwu re i ja dia.

Aizaya 61:4

Ayen ke cha bọn iwevwi re awanre ri tuegheri, asan re vẹre na ka rhoma mu ayen vi, ayen ke rhuẹrẹ irere re ghwọre na, re vẹre vwe ọke rẹ orua buebu re.

Aizaya 65:24

Tavwe re ayen ki se ki mi nyo, re ayen je vwo ta ota na ki Mi nyo ayen.

Daniẹl 9:25

gba mrẹ vughe rọ je ro wẹ nẹ, eyanran rẹ ota na ro phio phihọ edia kugbe erhuẹrẹ phihọ ri Jerusalẹm re te ẹcha rẹ osun na, ọ ra vwẹ ori te na, ẹdidjana ighwrẹn re cha dia. Edidjana ujorha gbe ivẹ ka cha rhuẹrẹ tọn phihọ vẹ irhuvwu rọye ra ka ugbo phihọ, ke dia ọke rẹ ukpokpogho.