Nehemaya 2:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Etiyin mi de gbẹ ikun re obọ esiri rẹ Ọghẹnẹ mẹ rọ vẹ ovwẹ herọ ke ayen, ji kugbe eta rẹ ovie ta ke vwẹ. Etiyin ayen da ta, E jẹn avwanre vrẹn re a bọn. Ọtiọye na ayen da rhere irien rayen vi ke iruo na.

Nehemaya 2:18 ပူးပေါင်းရင်းမြစ်များ

2 Samuẹl 2:7

Fiki rẹ ọtiọye gbe jẹn abọ rẹ ovwan gan, we yivwaro, kidie ọrovwovwan Sọl o ghwu nure, uwevwi ri Juda vwo vwẹ mu ovie kẹ ayen.

1 Ikun rẹ Ivie 11:10

Asakiephana ena hẹ ikpihwo rẹ egba ri Devid, re vwẹ ọchuko rọ ganre vwọ kẹ vwẹ uvie rọye, kugbe ihwo rẹ Izrẹl ejobi, re vwer mu ovie, kirobo rẹ ota rẹ Ọrovwohwo rọ ta kpahe Izrẹl epha.

1 Ikun rẹ Ivie 19:13

We yivwaro, rere avwanre dia ọshare kẹ ihwo rẹ avwanre, kugbe irere rẹ Ọghẹnẹ rẹ avwanre; e jẹn Ọrovwohwo ru obo ri jere.

2 Ikun rẹ Ivie 32:5

O de mu iruo phihọ o de rhi fi igbẹhẹ ri kporo she ejobi gbe, ọ da bọn ehẹrhẹ phihọ enu rọye, ọ da rhoma bọn igbẹhẹ ọfa yariẹ ọ rẹsosuọ na, ọ de ru Millo rọ hẹ evun rẹ orere ri Devid na ga kokoroko. Ọ de duvwu ihwunu vẹ ekpọfia vẹ ekuakua rẹ ofovwi buebu.

Ezra 6:22

Ayen da re orẹ rẹ ikara ro jephuo na ẹdẹ ighwrẹn soso vẹ aghọghọ, fikiridie Ọrovwohwo nẹrhẹ ayen ghogho. O de ku ẹnwẹ rẹ ovie rẹ Asiria rhẹriẹ kẹ ayen, rọ da nẹrhẹ ọ cha ayen uko vwo ru iruo rẹ uwevwi rẹ Ọghẹnẹ na, Ọghẹnẹ rẹ Izrẹl na.

Nehemaya 2:8

kugbe ọbe mi vwo rhe Asaf, rọ sẹro re egbo rẹ Ovie, rọ kẹ vwẹ igedu mi vwo ru igbere rẹ anurhoro na kugbe uwevwi rẹ ẹga na, kugbe igbẹhẹ re orere na, ji kugbe uwevwi ri mi che wo phihọ. Ovie da rhọvwe phihọ obo re me nọre, kidie obọ esiri rẹ Ọghẹnẹ vo vwẹ herọ.

Ẹfesọs 6:10

Ọ rọ ka oba, wa gan oma vwẹ evun rẹ Ọrovwohwo kugbe ogangan rẹ ẹgba rọye.

Filipae 2:13

kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.

1 Samuẹl 23:16

Jonatan, ọmọ ri Sọl, vrẹnri, o de bru Devid rhe vwi Horẹsh, O de phi udu phihọ awọ vwẹ odẹ rẹ Ọghẹnẹ.