Nehemaya 2:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Etiyin Me da ta kẹ ayen, Wa mrẹ ukpokpogho rẹ avwanre epha na-a, obo ri Jerusalẹm guọghọre tototo ra torhẹ inurhoro rọye ejobi. Wan yanrhe re a ra bọn igbẹhẹ ri Jerusalẹm, rere avwanre vwo nẹ abọ re ehwẹjẹ.

Nehemaya 2:17 ပူးပေါင်းရင်းမြစ်များ

Ezra 9:9

Kidie avwanre eviẹn, ẹkẹvuọvo Ọghẹnẹ rẹ avwanre siẹn avwanre vwẹ otọ rẹ eviẹn rẹ avwanre epha na-a, ẹkẹvuọvo ọ da riẹn abọ rẹ eguọnọ ro jẹrhẹriẹ rọye kẹ avwanre vwẹ obaro rẹ ovie ri Pẹsha, re ọ vwọ sasa avwanre oma rere avwanre re mu uwevwi rẹ Ọghẹnẹ vi, ra rhuẹrẹ asan ro miovwiri vwọ ejobi, rere ọ rha vwẹ ugbuko rhurhu avwanre vwi Juda vi Jerusalẹm.

Nehemaya 1:3

Ayen da ta kẹ vwẹ, ihwo ri ghwu chekọ vwe ubrakpọ yena re dje vabọ rẹ imu na e hẹ evun re ukpokpogho ve omẹvuọ, igbẹhẹ ri Jerusalẹm ekpoiro she, a je vwẹ erhanre torhẹ inurhoro rọye.

Nehemaya 2:13

Me da ro otafe vwẹ ason vwe asan Anurhoro re Iyara na re fi Orhare Erha re te Anurhoro rẹ Isọn, me da nabọ vwe ẹro me te igbẹhẹ ri Jerusalẹm ro sheri na, ji kugbe inurhoro rọye ra vwẹ erhanre torhẹ na.

Nehemaya 2:16

Itu re inotu na riẹn asan re ma rare-e eye ayen riẹn obo ri mi rue-ẹ; Me je ta ke ihwo ri Ju-u, irherẹn na, ehọnvwọre na, inotu na, kugbe i ri chekọ ri che ru iruo na.

Nehemaya 3:15

Shallum ọmọ ri Kọlhozeh, osun re ubrotọ ri Mizpah, da rhuẹrẹ Ughere rẹ Ogbugbu na, ọ rhoma bọn o de rhurho, o de mu ẹchẹ rọye vi, isiaphre vẹ ejẹhọ vẹ egbẹn rọye ọ da je bọn igbẹhẹ rẹ ẹtẹrhẹ ri Shẹlah rọ hẹ ọgba rẹ ovie, rhiri re te agbada rọ wan nẹ orere ri Devid rhe.

Une rẹ Ejiro 102:15

Ẹgborho na cha dje oshọ rẹ odẹ re Ọrovwohwo, ivie re akpọ na ejobi ke urinrin wẹn.

Une rẹ Ejiro 44:13

We ri ru avwanre ehwẹjẹ, vwọ kẹ irivẹ re avwanre, ejẹfia vẹ oma ẹphọphọ kẹ otu re riariẹ avwanre.

Une rẹ Ejiro 44:14

Wọ da vwẹ avwanre bru ọhare vwẹ ohri rẹ ẹgborho na, emu re ehwẹjẹ vwe ohri re ihwo na

Une rẹ Ejiro 79:12

Rhoma hwa osa ohwọhwọ ighwrẹ phihọ agada rẹ irivẹ re avwanre fiki re ehwẹjẹ re ayen vwe owẹ je, E Ọrovwohwo!

Une rẹ Ejiro 79:4

Avwanre rhe rhoma hirhe phihọ ehwẹjẹ kẹ irivẹ rẹ avwanre, ophọphọvwe vẹ ohare kẹ otu re riariẹ avwanre phihọ.

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Uvwerhe 2:2

Ọrovwohwo rhe vwo arodọvwẹ vwẹ ọke rọ vwọ guọghọ ẹdia ri Jakọp ejobi-i; vwẹ ọphu rọye ọ da guọghọ te otọ ogba ọgangan rẹ ọmọtẹ ri Juda, o siro ghwiotọ vẹ ophọphọvwe uvie kugbe isun rọye.

Uvwerhe 3:51

ẹro mẹ kọ nẹrhẹ ivun miovwo uvwe fiki rẹ urhiẹvwe rẹ emetẹ rẹ orere mẹ.

Izikiẹl 5:14

Ọ rọ marho ke me kua wẹ fiotọ ku wọ dia ohwo rẹ ehwẹjẹ vwẹ ohri rẹ ẹgborho na re riariẹ owẹ phihọ na kugbe obaro rẹ ihwo ejobi re wanvrẹn.

Maika 7:11

Ẹdẹ ọvo cha ra cha vwọ ma igbẹhẹ wẹn! Vwẹ ẹdẹ yena ke bi ughwru na shesheri

1 Samuẹl 11:2

Ẹkẹvuọvo Nahash rẹ ohwo rẹ Ammọn da ta kẹ ayen, Fiki rẹ ọnana ọvo ọye me vẹ ovwan vwo ru ọbe, ki mi yoghro ubiẹro rẹ obọrhe rẹ ovwan nu, rere ọ dia omẹvuọ kẹ Izrẹl ejobi.