Nehemaya 2:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ẹkẹvuọvo ọke ri Sanballat ohwo rẹ Họrọn ve Tobiah odibo na, ohwo re Ammọn vwo nyo Ọnana, ivun de miovwe ayen gangan ne ohwo ọvo rhere rhe guọnọ erhuvwu rẹ emọ re Izrẹl.

Nehemaya 2:10 ပူးပေါင်းရင်းမြစ်များ

Nehemaya 13:1

Vwẹ ẹdẹ yena ayen de se ne evun rẹ ọbe ri Mosis na ke ihwo na nyo; e de si phihọ evun rọye nẹ ihwo rẹ Amọr eyẹ ihwo ri Moab vwẹriẹ ọghwẹgbe rẹ Ọghẹnẹ-ẹ;

Nehemaya 13:28

Ọmọ ri Jehoyada ọvo, ọmọ rẹ Eliashib rẹ orherẹn rode, kẹ ọgọ ri Sanbalat ohwo ri Họrọn, ọtiọye na me da dje ne oma mẹ.

Nehemaya 13:4

Asakiephana tavwe re enana ki rhi ru, Eliashib re orherẹn na, re vwo mu ne o ni ivun re uwevwi re Ọghẹnẹ re avwanre, ro vẹ Tobaya gba jephihọ,

Nehemaya 2:19

Ẹkẹvuọvo ri Sanballat ohwo ri Họnrọn kugbe Tobiah re ọdibọ na, ohwo re Ammọn, Gẹshẹm ohwo re Arebia, vwo nyo, ayen da vwẹ avwanre jehwẹ, ayen da jẹn avwanre fia tanẹ, Die ovwan ruẹ vwo? Ovwan vwẹ eghre sua Ovie?

Nehemaya 4:7

Ẹkẹvuọvo Sanballat vi Tobiah kugbe ihwo rẹ Arebia na kugbe ihwo rẹ Ammọn kugbe ihwo rẹ Ashdọd vwo nyo nẹ avwanre rhuẹrẹ igbẹhẹ ri Jerusalẹm yanran ghwrara, nẹ asan rẹ vare na a ran ayen gbẹ, ivun de miovwi ayen gangan.

Nehemaya 6:1

Asakiephana ra vwọ vuẹ Sanballat vi Tobiah vi Gẹshẹm rẹ ihwo rẹ Arebia kugbe otu re ivwighrẹ rẹ avwanre nẹ mi mu igbẹhẹ ri Jerusalẹm vi re, ne uprophro vuọvo rha hero-ọ, (dede na rhi te ọke yena ye me je ghwẹ ẹchẹ rẹ anurhoro na phihọ-ọ),

Nehemaya 6:16

Re ivwighrẹ rẹ avwanre ejobi vwo nyo re, ẹgborho re yariẹ avwanre phihọ na da rhe vọn vẹ oshọ oma da rhọ ayen; kidie ayen vwe evun roro nẹ e ruiruo nana vwẹ ọchuko rẹ Ọghẹnẹ re avwanre.

Ẹsta 10:3

Kidie Modekai rẹ ohwo ri Ju kọye vwọ kpahe Ovie Ahasuerus, ọ da rhe dia ohwo rode ro titiri vwẹ ohri rẹ imoni rọye, kidie ọ guọnọ erhuvwu rẹ ihwo roye ọ da ta ota rẹ ufuoma kẹ ihwo rọye ejobi.

Une rẹ Ejiro 112:10

Ohwo umwemwu mrẹrẹ ivun dẹ miovwo; ọ riako rọye jọ wran yanran; ẹguọnọ rẹ ohwo umwemwu che vwo oba.

Isẹ 27:4

Ivuemiovwo ọbrabra, ophu-emuo pha yẹngbẹ; ẹkẹvuọvo kono se mudia hẹrhẹ omaẹriọ?

Isẹ 30:22

Ọviẹn ro rhivwi rhe dia ovie, kugbe ẹkpa rọ re evun vọn;

Aghwoghwo 10:7

Me mrẹ eviẹn re guan vwẹ enu rẹ iyesi, yẹ isun ra vwẹ awọ yan otọ kerẹ eviẹn.

Aizaya 15:5

Udu mẹ rọ viẹ kẹ Moab; ighuvwu rọye djẹ kpọ obi Zọar, kpo obi Eglat-shelishiyah. Kidie vwẹ asan ugbenu ri Luhit ayen viẹ bẹn ayen yere kpenu, vwe idjerhe ra wan kpọ Họrọnaim ayen teyọ unuebo rẹ ẹghwọrọ,

Jerimaya 41:10

Kẹsiẹye Ishmẹl ki mu ihwo ri chekọ vwi Mizpa na ejobi ighuvwu, emetẹ rẹ ovie vẹ ihwo ri chekọ vwi Mizpa ejobi, ihwo ri Kehuzaradan, onotu rẹ ohẹrhẹ na, phihọ obọ ri Gedalaya ọmọ re Ahikam. Ishmẹl ọmọ ri Netanaya de mu ayen ighuvwu ọ da vwẹ ayen kpo otọ rẹ ihwo rẹ Ammọn.

Jerimaya 48:34

Hẹsbọn vẹ Elealeh kperi phia, rhiri re te obi Jaza yẹ ayen ji kperẹ urhuru rayen, nẹ Zoa re te Họrọnaim vẹ Eglatshelishiya. Kidie ame ri Nimrim je kpọ nure.

Jerimaya 48:5

Kidie vwẹ asan eyerekpenu ri Luhit ayen yanran kpenu jẹ ayen viẹ, kidie vwẹ asan ọghwrọrọ ri Horonaim ayen de nyo edo rẹ ẹghwọrọ.

Iruo rẹ Iyinkọn na 4:2

ophu de mu ayen fikiridie ihwo na ghwoghwo Jesu ro vrẹn nẹ ughwu na.

Iruo rẹ Iyinkọn na 5:24

Ọke rẹ onotu rẹ uwevwi rẹ ẹga na kugbe irherẹn ride na vwo nyo eta nana nu, iroro rẹ ayen da rhe tagha vwẹ oma rẹ ayen, vẹ igbevwunu rẹ obo re cha phia.