Nehemaya 2:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ evun rẹ emeranvwe ri Nisan, vwẹ ẹgbukpe uje rẹ ẹriọ rẹ Ovie Artaxerxes, vwe ọke re udi vwọ hẹ obaro rọye re, mi de mu udi na vwọ kẹ Ovie na. Asakiephana mi ji muoma phihọ vwe obaro rọye dẹvo-o.

Nehemaya 2:1 ပူးပေါင်းရင်းမြစ်များ

Jẹnẹsis 40:11

Yẹ uko ri Fero rhe vwe obọ; Me da reyọ otie na mi de mi ayen phihọ uko ri Fero na, mi de mu uko na phihọ obọ ri Fero.

Jẹnẹsis 40:21

Ọ da rhoma reyọ onotu rẹ omuidi na phihọ ako rẹ iruo rọye o de mu uko phihọ obọ ri Fero,

Ezra 4:7

Vwẹ evun re ọke rẹ Artaxserxes, Bishlam kugbe Mitredat kugbe Tabeel kugbe irivẹ rọye ri chekọ de si ọbe rhe Artaxserxes ovie ri Pẹsha, e de si ọbe na vwẹ ephẹrẹ ri Aramia ayen da fotọ rọye.

Ezra 7:1

Asakiephana rẹ enana vwọ wan nu, vwẹ ẹriọ rẹ Artaxterxes ovie ri Pẹsha, Ẹzra rẹ ọmọ ri Seraya, ọmọ rẹ Azaraya, ọmọ ri Hilkaya,

Ezra 7:7

Evo da je yan kpo Jerusalẹm, vwẹ ukpe righwrẹn rẹ Artaxserxes rẹ ovie na, ihwo ri Livae, ibuine kugbe irhẹrhẹche, kugbe idibo rẹ uwevwi na.

Nehemaya 1:1

Eta ri Nehemaya ọmọ ri Hakalaya. Asakiephana o phiare vwe evun re emeranvvve re irhiri, vwe ẹgbukpe uje, re me vwọ hẹ otorere ri Susa,

Nehemaya 1:11

E Ọrovwohwo, jẹn erhọn wẹn nabọ rhie phihọ ke ẹrhovwo re odibo wẹn, ji kugbe ẹrhovwo re idibo wẹn re vwe omavwerhe dje oshọ re odẹ wẹn na, wọ vwe obọekparọ ke odibo wẹn nonẹ na, re wọ ke arọdọvwe wẹn, vwẹ obaro re ohwo nana. Asakiephana mẹvwẹ ọye omuidi rẹ ovie na.

Ẹsta 3:7

Vwẹ emeranvwe rẹsosuọ, rọ dia emeranvwe ri Nisan, vwẹ ukpe rihwivẹ rẹ Ahasuerus vwọ re ovie, ayen de duvwu itẹ vwẹ obaro ri Haman kẹdẹ kẹdẹ ayen de ji duvwo kemeranvwe kemeranvwe re te emeranvwe ihwivẹ, rọ dia emeranvwe rẹ Ada.

Daniẹl 9:25

gba mrẹ vughe rọ je ro wẹ nẹ, eyanran rẹ ota na ro phio phihọ edia kugbe erhuẹrẹ phihọ ri Jerusalẹm re te ẹcha rẹ osun na, ọ ra vwẹ ori te na, ẹdidjana ighwrẹn re cha dia. Edidjana ujorha gbe ivẹ ka cha rhuẹrẹ tọn phihọ vẹ irhuvwu rọye ra ka ugbo phihọ, ke dia ọke rẹ ukpokpogho.