Nehemaya 13:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ ọ da rhuẹrẹ uvun rode ra ghwẹ eka re izobo phihọ jovwo, adjija, ekuakua, kugbe ẹkẹnhwe re ọka, udi, evwri, re urhi tanẹ a vwọ kẹ ihwo ri Livae, ibuine, kugbe erhẹrẹchẹ, kugbe arhọghọ re toro ke irherẹn vwọ ke Tobaya

Nehemaya 13:5 ပူးပေါင်းရင်းမြစ်များ

2 Ikun rẹ Ivie 31:11

Etiyin Hẹzikaya de ji iji kẹ ayen nẹ ayen so erheri buebu phihọ uwevwi rẹ Ọrovwohwo na; e de ru ayen.

2 Ikun rẹ Ivie 34:11

A da vwẹ ayen kẹ ewena vẹ ebọn ebabọn re ayen vwo dẹ eragha re sheri, kugbe irhe re vwo ru igo kugbe egbẹn rẹ uwevwi rẹ ovie ri Juda fọkẹ nẹ ọ guọghọ kufia.

Nehemaya 10:36

je reyọ rhe uwevwi rẹ Ọghẹnẹ re avwanre, irherẹn ri gbe idibo vwẹ uwevwi rẹ Ọghẹnẹ rẹ avwanre, ọmọkpakọ rẹ emeshare re avwanre kugbe uchuru rẹ avwanre, kirobo re siro phihọ evun rẹ urhi na, kugbe ọtuvwiẹ rẹ erhuẹn vẹ igode rẹ avwanre;

Nehemaya 10:37

wọ je reyọ eyagha rẹ ẹsosuọ rẹ ọka, kugbe arhọghọ rẹ avwanre, omamọ re urhe kurhe, udi kugbe evwri, rhe irherẹn na, vwẹ uvun rẹ uwevwi re Ọghẹnẹ rẹ avwanre, je reyọ ẹkẹnhwe re otọ re avwanre rhe ihwo ri Livae, kidie ihwo ri Livae ri toro ẹkẹnhwe vwe irho re aghwa re avwanre.

Nehemaya 10:38

Orherẹn na, ọmọ rẹ Erọn, vẹ ihwo ri Livae gbẹ toro ẹkẹnhwe na; ihwo ri Livae na ke eye rha reyọ ẹkẹnhwe ra jẹ nẹ ẹkẹnhwe na rhe uwevwi rẹ Ọghẹnẹ rẹ avwanre, rhe ivun na, te obọ erhu na.

Nehemaya 12:44

Vwẹ ẹdẹ yena a da vwe ihwo mu phihọ ivun ra da sẹro re ekuakua, arhọghọ, emamọ rẹ ẹsosuọ, kugbe ẹkẹnhwe, re toro ayen utute kirobo re urhi guọnọre fiki re irherẹn na ve ihwo ri Livae kirobo re udju re irho na epha; kidie Juda ghọghọre vwẹ oma re irherẹn na ve ihwo ri Livae ri gbẹ odibo na.

Nehemaya 13:7

Me da rhe Jerusalẹm, me da mrẹ otọ re umwemwu re Ehashib ruru fiki ri Tobaya, rọ vwọ rhuẹrẹ uvun re ọguan rẹ uwevwi re Ọghẹnẹ kẹ.

Izikiẹl 40:38

Ighẹn ovọ herọ vẹ ẹchẹ rọye vwẹ evun rẹ ọmọguan rẹ anurhoro na, asan ra da hworhẹ izobo rẹ etorhẹ na.