Nehemaya 13:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² kidie ayen vwe ikara kugbe ame vwọ ke ihwo re Izrẹl na-a, ẹkẹvuọvo ayen de durhie Balaam ne o rhi duvwu iyori hwe ayen–dede na Ọghẹnẹ re avwanre da rhẹriẹ iyori na phihọ ẹrhovwo.

Nehemaya 13:2 ပူးပေါင်းရင်းမြစ်များ

Une rẹ Ejiro 109:28

Jẹn ayen harhe ekan, ẹkẹvuọvo wọwẹ ri brephihọ Jẹn ihwo re ghwiẹ vwe hwe mrẹ omaẹvuọ; jẹn odibo wẹn ghọghọ!

Maika 6:5

E ihwo mẹ, karohọ iroro ri Balak ovie ri Moab jẹre, kugbe obo ri Balam ọmọ ri Biọ kpahe kẹ, kugbe obo re phiare nẹ Shitim re te Gilgal, rere wọ vwọ riẹn ona rẹ esivwo rẹ Ọrovwohwo na.

Ukeri 23:18

Etiyin Balaam de mu ikun egbe phihọ, ọ da ta, Vrẹn, Balak, wo nyo; kerhọn mẹ, E ọmọ ri Zippọr;

Matiu 25:40

Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ.

Urhi Rivẹ 23:3

Ohwo rẹ Ammọn eyẹ ọ ri Moab vuọvo sa ro ukoko rẹ Ọrovwohwo-o, rhiri re te esakpegodi rayen sa ro ukoko rẹ Ọrovwohwo bẹdẹ-ẹ;

Urhi Rivẹ 23:4

fikiridie ọke ri wo vwo nẹ otọ rẹ Ijipt cha, ayen reyọ ikara vẹ ame rhe vwọ vwa wẹ vwẹ idjerhe-e, fikiridie ayen durhie Balam ọmọ rẹ Beor nẹ Petor ri Mesopotemia rhe, rhe duvwu iyori hwe ovwan.

Urhi Rivẹ 23:5

Dede na Ọrovwohwo rẹ Ọghẹnẹ wẹn na kerhọ ri Balam na-a; ẹkẹvuọvo Ọrovwohwo rẹ Ọghẹnẹ wẹn na da rhẹriẹ iyori na phihọ ebruphihọ kẹ wẹ, fikiridie Ọrovwohwo rẹ Ọghẹnẹ wẹn na guọnọ owẹ.

2 Pita 2:15

Ihwo re siẹn omamọ rẹ idjerhe re da yan ghwru; ayen nene idjerhe ri Balaam, ọmọ ri Biọ, rọ guọnọ erere nẹ evun rẹ umwemwu rhe,