Nehemaya 13:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ihwo ri Taya rhe, re dia evun re orere na, da ghwa eri rhe kugbe ekuakua ejobi a me she ayen vwẹ ẹdidjala ke ihwo ri Juda, kugbe Jerusalẹm.

Nehemaya 13:16 ပူးပေါင်းရင်းမြစ်များ

Nehemaya 13:15

Vwe ọke yena me da mrẹ ihwo vwi Juda ri chiyi wain mie vwẹ ẹdidjala, re ghwa ibo rẹ eka ri krẹn ayen nye ekẹtẹkẹtẹ rẹ ayen, kugbe udi rhe, otiẹ, fig, kugbe koka koka rẹ oghwa, ra ghwa ro Jerusalẹm vwẹ ẹdidjala, me ta ota kpahe emuore re ayen shẹ.

Nehemaya 13:17

Etiyin mi de mu ophu kpahe ihwo ride ri Juda me da ta kẹ ayen, Didi emu umwemwu nana re ovwan ruẹ, vwo miovwo ẹdidjala na?

Ẹyano 20:10

ẹkẹvuọvo ẹdẹ righwrẹ na ọye edidjala rẹ Ọrovwohwo Ọghẹnẹ wẹn; vwẹ evun rọye wo ru iruo ọvuọvo-o, wẹ yẹrẹ ọmọshare wẹn, yẹrẹ ọmọtẹ wẹn, yẹrẹ odibo wẹn rẹ ọshare, yẹrẹ odibo wẹn rẹ aye, yẹrẹ uchuru wẹn, yẹrẹ ọrhorha rọ hẹ uwevwi wẹn;

Ẹyano 23:12

Ẹdẹ esan wo vwo ru iruo wẹn, ẹkẹvuọvo ẹdẹ righwrẹn ku wo rovwo oma; rere erhuẹn wẹn vẹ ekẹtẹkẹtẹ wẹn vwo rovwo oma, rere ọmọshare rẹ ọviẹn aye wẹn, vẹ ọrhorha wẹn vwọ mrẹ asan de ku ẹnwẹ.

Urhi Rivẹ 5:14

ẹkẹvuọvo ẹdẹ righwrẹ na ọye ẹdidjala rẹ Ọrovwohwo Ọghẹnẹ wẹn; wọ dia evun rọye ru iruo kiruo-o, wẹ te ọmọ wẹn rẹ ọshare, eyẹ ọmọ wẹn rẹ aye, eyẹ odibo wẹn rẹ ọshare eyẹ odibo wẹn rẹ aye, eyẹ erhuẹn wẹn, eyẹ ekẹtẹkẹtẹ wẹn, eyẹ uchuru wẹn, eyẹ ọrhorha ro wo uwevwi wẹn, wo jẹn ayen ru iruo ọvuọvo-o, te odibo wẹn rẹ ọshare, te odibo wẹn rẹ aye, te ekpuyovwi wẹn mi rovwoma.