Nehemaya 11:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Asakiephana isun rẹ ihwo na ke Jerusalẹm edia, ihwo ri chekọ de mu itẹ re a reyọ ohwo ọvo vwẹ usun rẹ ihwe na rọ rhe dia Jerusalẹm orere ọfuanfon na, rere irhiri ri chekọ rha dia irho efa.

Nehemaya 11:1 ပူးပေါင်းရင်းမြစ်များ

1 Ikun rẹ Ivie 26:13

Ayen da vwẹ evwruwevwi rẹ esẹ rayen vwo mu ama, te itutuno te iride obọvo, vwọ kẹ inurhoro rayen.

1 Ikun rẹ Ivie 8:28

Enana ihwo ri vwo uyovwi vwẹ uwevwi rẹ esẹ rayen vwẹ orua rayen. Enana dia Jerusalẹm.

1 Ikun rẹ Ivie 9:1

Ọtiọye e si Izrẹl ejobi phihọ ọbe rẹ uvwiẹ, e de si enana phihọ evun rẹ Ẹbe rẹ Ivie rẹ Izrẹl. E de mu Juda imu kpo Babilọn fiki rẹ umwemwu rayen.

1 Ikun rẹ Ivie 9:2

Asakiephana ihwo rẹ ẹsosuọ re ka rhe dia ughwẹ rayen vwẹ irere rayen da dia Izrẹl, irherẹn ri Livae na, kugbe idibo ri gbe odibo vwẹ uwevwi rẹ ẹga na.

1 Ikun rẹ Ivie 9:3

Ihwo ri Juda evo; Benjamin, Ifrem, kugbe Manasse dia Jerusalẹm.

Nehemaya 10:34

Avwanre ji mu itẹ, irherẹn na, ihwo ri Livae, kugbe ihwo na, fiki rẹ izobo rẹ irhe, re vwo mu ayen rhe uwevwi re Ọghẹnẹ re avwanre, kirobo re uwevwi re ese re avwanre epha, vwe ọke re bruphihọ, kukpe kukpe, rere e vwo koko erhanre phihọ agbada rẹ Ọrovwohwo Ọghẹnẹ rẹ avwanre, kirobo re siro phihọ evun rẹ urhi na.

Nehemaya 11:18

Ihwo ri Livae ejobi re hẹ orere ọfuanfon na da dia ujori ivẹ kugbe ujọne gbẹ ẹne.

Nehemaya 4:22

Me da ji ihwo na vwẹ ọke yena nẹ E jẹn ohwo ọvuọvo vẹ idibo rọye vwerhe evun ri Jerusalẹm, rere ayen dia erherotọ ke avwanre vwẹ ason rere ayen rha wian owian vwẹ uvo.

Une rẹ Ejiro 122:5

Etiyin a vwẹ ekete rẹ ẹdjọeguo vi, ekete rẹ uwevwi ri Devid.

Une rẹ Ejiro 122:6

Nẹ ẹrhovwo kẹ ufuoma ri Jerusalẹm! Jẹn ihwo re guọnọ owẹ mrẹ erhuvwu!

Isẹ 16:33

E mu itẹ kpahe ekpoghowọ, ẹkẹvuọvo orhiẹn rọye obọ rẹ Ọrovwohwo o nẹ cha.

Aizaya 48:2

Kidie ayen vwẹ odẹ rẹ orere ọfuanfon na se oma, ayen da vwẹ ẹro so Ọghẹnẹ rẹ lzrel na, Ọrovwohwo rẹ otuofovwi na ọye he odẹ rọye.

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Matiu 27:53

Ayen vwọ varhe nu, ayen da rhe orere Ọfuanfon na re vwẹ oma phia kẹ ihwo buebu.

Matiu 4:5

Idẹbono de rhe muo kpo orere ọfuanfon na; o de muo kpo okpo rẹ uwevwi rẹ ẹga,

Iruo rẹ Iyinkọn na 1:24

Ayen da nẹ ẹrhovwo ta nẹ Ọrovwohwo, ọ rọ riẹn udu rẹ ihwo ejobi na, gba jẹ ohwo ọvo reyọ vwẹ usun rẹ ihwo ivẹ nana,

Iruo rẹ Iyinkọn na 1:26

Ayen de duvwu ite kẹ ayen, itẹ na de mu Matayas; e de vwo mu kugbe iyinkọn uhwọvo na.

Joshua 18:10

Joshua de duvwu itẹ kẹ ayen vwi Shiloh vwẹ obaro rẹ Ọrovwohwo; etiyin Joshua da ghare otọ na ẹkẹnkẹn kẹ ihwo rẹ Izrẹl, dohwo dẹkẹn rọye.