Nehemaya 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ẹkẹvuọvo ovwan de rhivwi bru vwe rhe, rẹ ovwan da sẹro rẹ irhi me ru we de ru ayen, owene a hra ovwan kpo asan ro me sheri vwẹ otọ rẹ ọnre na, ke me ghwe ayen koko ne asan ra ghwẹ ayen ra rhe, ke me vwẹ ayen rhe asan re me jẹreyọ na, rere odẹ ẹe vwọ dia etiyin.

Nehemaya 1:9 ပူးပေါင်းရင်းမြစ်များ

1 Ivie 8:48

rẹ ayen de kurhẹriẹ nẹ otọ rẹ udu rayen rhe vẹ iroro rayen vwẹ otọ rẹ ivwighrẹ rayen na, ri mu ayen ighuvwu na, re ayen de hirhe aro ku otọ rayen na nẹ ẹrhovwo kẹ wẹ, otọ re wọ vwọ kẹ esẹ rayen, orere ru wọ jẹreyọ na, kugbe uwevwi re me bọn kẹ odẹ wẹn na;

1 Ivie 9:3

Ọrovwohwo da ta kẹ, Mi nyo ẹrhovwo wẹn kugbe orẹ wẹn, ru wọ nẹ kẹ vwẹ; mi ru uwevwi nana ru wọ bọnre na fon, mi de phi odẹ mẹ phihọ bẹdẹ; ẹro mẹ kugbe udu mẹ kọ dia etiyin vwẹ ọke ejobi.

1 Ikun rẹ Ivie 16:35

Je ta rhe: Sivwi avwanre, E Ọghẹnẹ rẹ esivwo rẹ avwanre, ghwẹ avwanre koko wo sivwi avwanre nẹ ohri rẹ ẹgborho na rere ma vwẹ ẹkpẹvwẹ kẹ odẹ ọfuanfon wẹn, kugbe urinrin rẹ ejiro wẹn.

Ezra 6:12

Jẹn Ọghẹnẹ rọ tanẹ odẹ rọye dia etiyin na gere kovie kovie eyẹ ihwo she re riẹn obọ rhe ri ku urhi nana rhẹriẹ, eyẹ vwọ guọghọ uwevwi rẹ Ọghẹnẹ rọ hẹ obi Jerusalẹm na. Mẹvwẹ Dariọs ri ji urhi na, e jẹn a nabọ vwẹ oma kpotọ ruo.

Une rẹ Ejiro 106:47

Sivwi avwanre, E Ọrovwohwo Ọghẹnẹ rẹ avwanre, re wọ ghwẹ avwanre koko nẹ ohri rẹ ẹgborho na rhe, re ma vwe ẹkpẹvwẹ ke ode ọfuanfon wẹn re vwo urinrin vwẹ ejiro wẹn.

Une rẹ Ejiro 107:3

ra ghwẹ koko nẹ etọ na rhe, nẹ obaro ọnre vẹ obuko ọnre, nẹ obọrhe ọnre vẹ obọhwere ọnre.

Une rẹ Ejiro 147:2

Ọrovwohwo re bọn Jerusalẹm; o si ihwo rẹ Izrẹl ra djẹ kufia koko.

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.

Aizaya 27:12

Vwẹ ẹdẹ yena nẹ urhie ri Yufretis re te Oku rẹ Ijipt Ọrovwohwo ọvo kọye ri che woro ọka na, ka cha ghwẹ ovwan koko ọvuọvo, E ihwo rẹ Izrẹl.

Aizaya 56:8

E nẹ Ọrovwohwo Ọghẹnẹ tare, ọ rọ ghwe emọ rẹ Izrel ra dje kufia koko, Me cha ghwe efa bro ra vwo kugbe e ra ghwẹ rhe jovwo na.

Jerimaya 12:15

Mi de yoro ayen nu, me je rhoma nẹ arodọvwẹ rayen ke me reyọ ayen rhe dohwo dukuẹriọ rọye je rhe dohwo dotọ rọye.

Jerimaya 3:14

Kurhẹriẹ ovwan emọ rẹ igberadja na, eriyin Ọrovwohwo tare, kidie mẹvwẹ onini wẹn, me cha reyọ ovwan ọvuọvo nẹ orere, kugbe ivivẹ nẹ orua, ke me reyọ ovwan rhe Zayọn.

Jerimaya 31:10

Nyo ota rẹ Ọrovwohwo, E ẹgborho na, rere wo ghwoghwo vwẹ erhuru rẹ obo ogboko na, ta nẹ, Ọ rọ hra Izrẹl na ji che koko, ọ je cha sẹro rọye kirobo rẹ osuigegede sẹro rẹ igegede rọye.

Jerimaya 32:37

Nighe, Me cha ghwẹ ayen koko nẹ irere kirere re me vwẹ ophu ọgangan mẹ vẹ ivue miovwo mẹ djẹ ayen ra na rhe etinẹ, kẹ ayen dia egbẹrhẹnẹdẹ.

Jerimaya 6:22

Enẹ Ọrovwohwo na tare: Nighe, ihwo evo nẹ obọhwẹre ọnre cha ẹgborho rode na ri tue nẹ ogboko, oba rẹ akpo na cha.

Izikiẹl 14:6

Fiki rẹ ọtiọye na gba ta kẹ uwevwi rẹ Izrẹl na, Enẹ Ọrovwohwo Ọghẹnẹ tare Kurhẹriẹ ru wo chuko ku ema wẹn na, rere wo si opharo wẹn nẹ emu rẹ ẹgua wẹn ejobi.

Izikiẹl 36:24

Kidie me cha reyọ owẹ nẹ ẹgborho na rhe, mi mi si we koko nẹ irho na rhe, ke me vwẹ owẹ rhe oto rẹ obọ wẹn.

Livitikọs 26:3

Ovwan da yan vwe evun re irhi Me re ovwan da yọnrọn iji Me we de ru ayen,

Zekaraya 8:7

E nẹ Ọrovwohwo rẹ otuofovwi tare: Nighere, mi che sivwi ihwo Mẹ nẹ orho rẹ obaro ọnre vwo nẹ orho rẹ obuko ọnre rhe,

Matiu 24:31

Ko ji emakashe rọye vẹ owanre rode, ayen ki che se ihwo ra sanọ reyọ ejobi na, nẹ igogo ẹne rẹ akpọ na rhe, nẹ oba rẹ akpọ ọvo re te ọrivẹ.

Urhi Rivẹ 12:21

Ọ da dianẹ asan rẹ Ọrovwohwo Ọghẹnẹ wẹn sanọre nẹ odẹ rọye dia na sheri nọ kẹsiẹye wo ki hwe uchuru wẹn vẹ igegede wẹn, rẹ Ọrovwohwo vwọ kẹ wẹ na, vwẹ ọtiobo mi ji iji kẹ wẹ, wọ Me riọ vwẹ orho wẹn, kirobo rẹ udu wẹn guọnọre.

Urhi Rivẹ 12:5

Ẹkẹvuọvo we mi kpo asan rẹ Ọrovwohwo Ọghẹnẹ rẹ ovwan na sanọre vwẹ orua rẹ ovwan na ejobi, vwo kpo ẹdia rọye ọ Me dia ẹguọnọ rẹ ovwan, Etiyin ọye wọ ra.

Urhi Rivẹ 30:1

Ọke rẹ imu nana ejobi de bru ovwan rhe re, ebruba vẹ ekan, re mi phihọ obaro rẹ ovwan na, ovwan Me karohọ ayen vwẹ ohri rẹ ẹgborho vwẹ asan rẹ Ọrovwohwo rẹ Ọghẹnẹ djẹ ovwan ra na,