Nehemaya 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Jẹn erhọn wẹn nabọ rhie phihọ, rere ẹro wẹn rhie, wo nyo ẹrhovwo rẹ odibo wẹn re me nẹ asakiephana vwẹ obaro wẹn te ason te uvo vwọ ke emọ re Izrẹl idibo wẹn, re me da rhọvwe imwemwu rẹ emọ rẹ Izrẹl rẹ avwanre ru kpahe owẹ. Uyota, mẹvwẹ vẹ uwevwi rẹ ọsẹ me ru imwemwu.

Nehemaya 1:6 ပူးပေါင်းရင်းမြစ်များ

1 Ivie 8:30

Re wọ rha kerhọn rẹ orẹ rẹ odibo wẹn kugbe ihwo wẹn Izrẹl, siẹ rẹ ayen da nẹ ẹrhovwo vwẹ etinẹ na; uyota, nyo vwẹ obo odjuvwu vwẹ asan wọ dia; wo de nyo, gbe vwo ghovwo.

1 Ivie 8:47

ayen da rhe karohọ vwẹ otọ rẹ mu ayen ighuvwu ra na, ayen de kurhẹriẹ, rẹ ayen da rẹ wẹ vwẹ otọ re mu ayen ra na, tanẹ, Avwanre ru imwemwu, avwanre ru chọ brabra;

2 Ikun rẹ Ivie 28:10

Asakiephana wa rha jẹ iroro ru wa cha vwọ vwẹ ihwo ri Juda vi Jerusalẹm vwo ru eviẹn, te eshare te eya. Ovwan rha je rhoma ru umwemwu kpahe Ọrovwohwo Ọghẹnẹ wẹn?

2 Ikun rẹ Ivie 29:6

Kidiẹ esẹ rẹ avwanre segbuyota-a ayen de ru emu ọbrabra vwẹ obaro rẹ Ọrovwohwo Ọghẹnẹ rẹ avwanre; ayen senrọ, ayen de si opharo rayen nu kẹ ẹdia rẹ Ọrovwohwo, ayen de chuko rayen kuo.

2 Ikun rẹ Ivie 6:40

Asakiephana E Ọghẹnẹ mẹ, gbe jẹn ẹro wẹn rhie rere wo rhe rhie erhọn wẹn phihọ kẹ ẹrhovwo re etinẹ na.

Ezra 10:1

Vwẹ ọke rẹ Ẹzra vwọ nẹ ẹrhovwo rọ vwọ fan efanfan, rọ vwọ viẹ rọ vwọ vwẹ oma ghwiotọ vwẹ evun rẹ uwevwi rẹ Ọghẹnẹ, ọghwẹgbe rode rẹ eshare, eya, kugbe imitete de koko, bro nẹ Izrẹl ejobi rhe; kidie ihwo na viẹre gangan.

Ezra 10:11

Asakiephana wa gba fan efanfan kẹ Ọrovwohwo Ọghẹnẹ rẹ ọse rẹ ovwan, rere ovwan ru ẹguọnọ rọye, wa hẹriẹ oma rẹ ovwan nẹ ihwo rẹ otọ na ji vwo nẹ oma rẹ eya erhorha na.

Nehemaya 1:11

E Ọrovwohwo, jẹn erhọn wẹn nabọ rhie phihọ ke ẹrhovwo re odibo wẹn, ji kugbe ẹrhovwo re idibo wẹn re vwe omavwerhe dje oshọ re odẹ wẹn na, wọ vwe obọekparọ ke odibo wẹn nonẹ na, re wọ ke arọdọvwe wẹn, vwẹ obaro re ohwo nana. Asakiephana mẹvwẹ ọye omuidi rẹ ovie na.

Une rẹ Ejiro 102:17

o che mu ọghọ kẹ ẹrhovwo re ọvwuvwohwo, ọ gbe cha jẹ ọre rayen fia-a.

Une rẹ Ejiro 106:6

Te avwanre vẹ esẹ rẹ avwanre ru imwemwu; avwanre ru orukuruku, avwanre ru emu umwemwu.

Une rẹ Ejiro 130:2

Ọrovwohwo, nyo urhuru mẹ! Jẹn erhọn wẹn rhie phihọ ke urhuru rẹ orẹ mẹ.

Une rẹ Ejiro 32:5

Me rhọvwe imwemwu mẹ kẹ wẹ, mi si orukuruku mẹ nu kẹ wẹ-ẹ, Me tare nẹ, me fan ogbeku mẹ kẹ Ọrovwohwo; Etiyin ku wọ vwẹ abe re umwemwu mẹ ghovwo uvwe.

Une rẹ Ejiro 34:15

Ẹro rẹ Ọrovwohwo re nẹ ọvwata, erhọn rọye rhie phihọ kẹ oviẹ rayen.

Une rẹ Ejiro 55:17

Ovwọnvwọn kugbe irhiọke kugbe oghẹruvo Me nẹ iyẹnrẹn mẹ kugbe enuebro mẹ, ko nyo urhuru mẹ.

Une rẹ Ejiro 88:1

E Ọrovwohwo, Ọghẹnẹ mẹ, me nekpẹn rẹ ọchuko vwẹ oghẹruvo, mi kperi se we vwẹ ọke rẹ ason.

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Uvwerhe 5:7

Esẹ rẹ avwanre ru imwuemwu, ayen gbe herọ-ọ avwanre ke ghwa oghwa rẹ orukuruku rayen.

Daniẹl 9:15

Asakiephana, E Ọrovwohwo Ọghẹnẹ re avwanre, rọ vwẹ obọ ọgangan ghwẹ ihwo rọye nẹ otọ rẹ Ijipt rhe, wọ da vwẹ ode kẹ oma wẹn, kirobo rọ epha nonẹ na, avwanre ru umwemwu, avwanre ru ogbigbiru

Daniẹl 9:20

Ọke re me vwọ ta ota re me vwọ nẹ ẹrhovwo, re me vwọ rhọvwọ umwemwu mẹ vẹ umwemwu rẹ ihwo mẹ Izrẹl, re me rha vwọ re ore mẹ vwẹ obaro rẹ Ọrovwohwo Ọghẹnẹ mẹ, vwọ kẹ ugbenu rẹ Ọghẹnẹ rọ fonro;

Daniẹl 9:4

Me da nẹ ẹrhovwo kẹ Ọrovwohwo Ọghẹnẹ mẹ me da rhọvwe umwemwu mẹ tanẹ, E Ọrovwohwo Ọghẹnẹ rode ro muoshọ, rọ yọnre ọphọ vẹ ẹguọnọ ro jẹ rhẹriẹ kẹ ihwo re guọnerọ re da rha yọnre irhi rọye,

Daniẹl 9:5

avwanre ru umwemwu kugbe obo re chọre, me ru obo re brare me ji mukpahe owẹ, avwanre yan jẹ irhi wẹn vwo vẹ obo ru wọ tanẹ avwanre ru.

Daniẹl 9:8

Vwọ kẹ avwanre, E Ọrovwohwo, ozighi vọn opharo rẹ avwanre, ivie rẹ avwanre, vẹ isun rẹ avwanre, te esẹ rẹ avwanre, fikiridie avwanre ru umwemwu kpahe owẹ.

Iyẹnrẹ Esiri ri Luk 18:7

Kẹ Ọghẹnẹ rha chọ oja rẹ Ihwo rọ sanọ reyọ, ri kperẹ se te ason te uvo-o? Ko gbe eghẹrẹ vwẹ enu rọ ayen?

Iyẹnrẹ Esiri ri Luk 2:37

kẹ ayeuku ikpe ujọne gbẹ ẹne. Owọ rọye nẹ uwevwi rẹ ẹga na-a, owẹvwe echiro vẹ ẹrhovwo ẹnẹ ọ vwọ ga te ason te uvo.

Ẹfesọs 2:3

Ohri rẹ enana avwanre ka dia jovwo vwẹ evun rẹ urhuru sivwe rẹ ugboma rẹ avwanre, ri nene ẹguọnọ rẹ ugboma kugbe iroro, ọtiọye na kirobo re vwiẹ avwanre phihọ avwanre kẹ emọ rẹ ophu, kirobo rẹ ihwo rẹ akpo ri chekọ epha.

1 Timoti 5:5

Aye ro gbine dia ayeuku rẹ uyota, rẹ ọye ọvo da herọ, ọ vwẹ ẹro so Ọghẹnẹ ọ me rẹ nẹ ẹrhovwo te ason te uvo;

2 Timoti 1:3

Me kpẹvwẹ Ọghẹnẹ re me vwẹ evun mẹ ejobi ga, kirobo rẹ esẹ mẹ ruru, re me da karohọ owẹ kọke kọke vwẹ ẹrhovwo mẹ.

1 Jọn 1:9

Ẹkẹvuọvo avwanre da fan imwemwu rẹ avwanre, ọye hẹ ohwo rẹ uyota vẹ ọsoso, rọ sa vwẹ umwemwu ghovwo ohwo ọ Me rha hworhẹ avwanre nẹ orukuruku rẹ avwanre ejobi.

1 Samuẹl 15:11

Ọ davwẹ gangan nẹ mi vwi Sọl mu ovie; kidie ọ chuko ku vwe nure o gbi nene uvwe-e, o ru obo ri mi ji urhi rọye kẹ-ẹ. Ivun de miovwi Samuel; ọda viẹ se Ọrovwohwo vwẹ ason yena ejobi.