Nehemaya 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Vwe ọke mi vwo nyo eta nana mi de tidia me da viẹ, mi de muoma phihọ vwe ẹdẹ buebu, mi de chiri owẹvwe me da nẹ ẹrhovwo vwe obaro rẹ Ọghẹnẹ rẹ Odjuvwu.

Nehemaya 1:4 ပူးပေါင်းရင်းမြစ်များ

2 Samuẹl 12:16

Devid da rẹ Ọghẹnẹ vwọ kẹ ọmọ na; Devid de chiri owẹvwe, ọ da ro uwevwi o de sherhẹ otọ diodi vwẹ ason ejobi.

Ivie rẹ Ivẹ 22:19

Fikiridie udu wẹn kurhẹriẹ, wọ da vwẹ oma wẹn kpotọ vwẹ obaro rẹ Ọrovwohwo na, ọke wo vwo nyo obo me ta kpahe etinẹ na, vẹ ihwo rọye, nẹ ayen cha kua fiotọ, wọ da bẹrẹ emwa djẹ oma, wọ da viẹ vwẹ obaro mẹ, Mi ji nyo wẹn rhe, ọtiọye Ọrovwohwo tare.

2 Ikun rẹ Ivie 6:13

Solomọn duvwu ohwarha rẹ ẹrovwo ugrogro rọye kubit iyori, ohẹhẹre rọye kubit iyori, o de rhe kpenu kubit erha, o de muo phihọ ọguan na; o de mudia phihọ enu rọye. Etiyin o de diguẹ te otọ vwẹ irharo rẹ ọghwẹgbe rẹ ihwo rẹ Izrẹl, ọ da bẹre abọ sa odjuvwu;

Ezra 1:2

Enẹ Sairọs ovie ri Pẹsha tare: Ọrovwohwo Ọghẹnẹ rẹ Odjuvwu na, reyọ uvie rẹ akpo na ejobi vwọ kẹ vwẹ, o de ji urhi kẹ vwẹ nẹ me ra bọn uwevwi kẹ ọye vwi Jerusalẹm ri Juda.

Ezra 10:1

Vwẹ ọke rẹ Ẹzra vwọ nẹ ẹrhovwo rọ vwọ fan efanfan, rọ vwọ viẹ rọ vwọ vwẹ oma ghwiotọ vwẹ evun rẹ uwevwi rẹ Ọghẹnẹ, ọghwẹgbe rode rẹ eshare, eya, kugbe imitete de koko, bro nẹ Izrẹl ejobi rhe; kidie ihwo na viẹre gangan.

Ezra 9:3

Oke mi vwo nyo ọnana, me da bẹrẹ ewun mẹ vẹ ukpo mẹ, me da sanvwẹ ẹto rẹ uyovwi mẹ vẹ agbotọ mẹ, mi de tidia fọ gbiei.

Ezra 9:5

Vwẹ ọke rẹ izobo rẹ ovwọnvwọn na vwo te nu, Mi de vrẹn nẹ evun rẹ owẹvwe echiro mẹ, iwun kugbe ukpo mẹ re bẹre ejobi, mi de she diguẹ me da riẹn abọ mẹ kẹ Ọrovwohwo rẹ Ọghẹnẹ mẹ,

Nehemaya 2:20

Kẹ Etiyin me da kpahe kẹ ayen, Ọghẹnẹ rẹ Odjuvwu che ru avwanre yovwi, avwanre rẹ idibo rọye ki vrẹn re a bọn; Ẹkẹvuọvo we vwo ẹkẹn, eyẹnrẹ ogangan, eyẹnrẹ ẹkarophihọ vwi Jerusalẹmu-u.

Nehemaya 2:4

Etiyin ovie na da ta kẹ vwẹ, kẹ obọ rẹ ono wọ da yare oyare na? Kẹ etiyin me da nẹ ẹrhovwo kẹ Ọghẹnẹ rọ hẹ ọbo odjuvwu.

Une rẹ Ejiro 102:15

Ẹgborho na cha dje oshọ rẹ odẹ re Ọrovwohwo, ivie re akpọ na ejobi ke urinrin wẹn.

Une rẹ Ejiro 136:26

E vwẹ ẹkpẹvwẹ vwọ kẹ Ọghẹnẹ ro vwo odjuvwu, kidie ẹguọnọ rọye ro jẹ rhẹriẹ na dia rhiri bẹdẹ.

Une rẹ Ejiro 137:1

Vwẹ oma rẹ urhie ri Babilọn, etiyin me mudia ma da viẹ, vwẹ ọke ma da karohọ Zayọn.

Daniẹl 10:2

Vwẹ ẹdẹ yena Mẹvwẹ, ri Daniẹl de muomaphihọ kerẹ emu rẹ ẹdidjana erha.

Daniẹl 2:18

Ọ da ta kẹ ayen nẹ ayen nọ ekpẹn rẹ ehrọre vwẹ obọ rẹ Ọghẹnẹ rẹ odjuvwu kẹ emu rẹ igbunu nana, rere Daniẹl vẹ irivẹ rọye vwo je ghwo kugbe evwaghwanre ri chekọ vwi Babilọn na.

Daniẹl 9:3

Etiyin mi de hirhe opharo mẹ ku Ọrovwohwo Ọghẹnẹ, vwọ guonọ vwẹ ẹrhovwo vẹ orẹ vẹ owẹvwe echiro vẹ amwa rẹ uvweri vẹ iwurhie.

Jona 1:9

O da te ke ayen. Mẹvwẹ ohwo ri Hibru, me djẹ oshọ rẹ Ọrovwohwo, Ọghẹnẹ re odjuvwu na, rọ ma abadi kugbe otọ ọyaya na.

Zẹfanaya 3:18

kere ẹdẹ rẹ orẹ. Ki mi si ughwu nẹ uwe oma, vwẹ ọtiọye na wo gbe mrẹ omaephọphọ-ọ.

Ọbe ri Pọl si rhe Ihwo ri Rom 12:15

Ghọghọ kẹ otu re ghọghọ, otu re viẹ nene ayen vie.