Nehemaya 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ayen da ta kẹ vwẹ, ihwo ri ghwu chekọ vwe ubrakpọ yena re dje vabọ rẹ imu na e hẹ evun re ukpokpogho ve omẹvuọ, igbẹhẹ ri Jerusalẹm ekpoiro she, a je vwẹ erhanre torhẹ inurhoro rọye.

Nehemaya 1:3 ပူးပေါင်းရင်းမြစ်များ

1 Ivie 9:7

Etiyin ke Me nyavwe Izrẹl kufia nẹ otọ re Me vwọ kẹ ayen na; kugbe uwevwi ri mi ru fon kẹ odẹ mẹ na ki mi sio nẹ obaro mẹ; ka vwẹ Izrẹl bru isẹ vẹ ohare vwẹ ohri rẹ ihwo na.

Ivie rẹ Ivẹ 25:10

Ituofovwi ri Kaldia ejobi re vẹ olotu na gba hẹ etiyin de kporo igbẹhẹ ra vwọ gba ogba yariẹ Jerusalẹm te otọ.

2 Ikun rẹ Ivie 36:19

Ayen da torhẹ uwevwi rẹ Ọghẹnẹ, ayen de kporo igbẹhẹ ri Jerusalẹm te otọ, ayen da vwẹ erhanre torhẹ ighẹn rọye ejobi, ọ da guọghọ ekuakua esiri rọye ejobi.

Ezra 2:1

Asakiephana enana keye ihwo rẹ ubrakpọ rẹ Juda ri nẹ ighuvwu rhe vwẹ usun rẹ ihwo re muru ri Nebukadneza ovie ri Babilọn mu kpo Babilọn, ayen da rhoma rhivwi kpo Jerusalẹm vi Juda, dohwo dorere rọye.

Ezra 5:8

Jẹn ovie riẹn nẹ avwanre kpo ubrakpọ ri Juda, re te uwevwi rẹ Ọghẹnẹ rode na. A ra vwẹ eragha ride bọn, e mu ighere phihọ igbẹhẹ rọye nure, iruo na rayan ghwraghwra-ghwra. O ji ghwe yovwẹ vwẹ abọ rayen.

Nehemaya 11:3

Enana ke eye ehọnvwọre rẹ ubrakpọ re dia evun ri Jerusalẹm, ẹkẹvuọvo vwe irho ri Juda kohwo kohwo da dia otọ rọye vwe evun irho rayen Izrẹl, irherẹn na, ihwo ri Livae, idibo rẹ uwevwi rẹ Ọghẹnẹ na, kugbe uvwiẹ re idibo ri Solomọn.

Nehemaya 2:13

Me da ro otafe vwẹ ason vwe asan Anurhoro re Iyara na re fi Orhare Erha re te Anurhoro rẹ Isọn, me da nabọ vwe ẹro me te igbẹhẹ ri Jerusalẹm ro sheri na, ji kugbe inurhoro rọye ra vwẹ erhanre torhẹ na.

Nehemaya 2:17

Etiyin Me da ta kẹ ayen, Wa mrẹ ukpokpogho rẹ avwanre epha na-a, obo ri Jerusalẹm guọghọre tototo ra torhẹ inurhoro rọye ejobi. Wan yanrhe re a ra bọn igbẹhẹ ri Jerusalẹm, rere avwanre vwo nẹ abọ re ehwẹjẹ.

Nehemaya 2:3

Me da ta kẹ ovie na, Jẹn ovie re rhiri bẹdẹ Die mi vwo je opharo emuophihọ, vwẹ ọke re orere na, asan re ishi rẹ ese me hẹ epha, vwọ ghwọrọ kufia, ra da vwẹ erhanre guọghọ anurhoro rọye?

Nehemaya 7:6

Enana kọye ihwo rẹ ekogho na ri ne imu rhe vwe usun rẹ ihwo ri Nẹbukadreza ovie ri Babilọn muru, ayen de rhivwi rhe Jerusalẹm vi Juda, dohwo dorho rọye.

Ẹsta 1:1

Vwẹ ọke rẹ Ahasuerus ro sunru nẹ India re te Etiopia vwẹ enu rẹ ibrotọ ujosan gbẹ ighwrẹn soso,

Une rẹ Ejiro 79:4

Avwanre rhe rhoma hirhe phihọ ehwẹjẹ kẹ irivẹ rẹ avwanre, ophọphọvwe vẹ ohare kẹ otu re riariẹ avwanre phihọ.

Isẹ 25:28

Ohwo ro se suẹn oma rọye-e, ọ họhọ orere ra roro ra da guọghọ ọgba ra gba riariẹ te otọ.

Aizaya 43:28

Ọtiọye na Mi de gbe isun rẹ ẹshẹ na ẹgua, Mi de siobọ nẹ Jekọp kẹ ẹghwọrọ Izrẹl vwọ ehwẹjẹ.

Aizaya 5:5

Gba kerhọn re me ta kẹ wẹn obo ri mi che ru kẹ ogba ri vain mẹ na. Ki mi si ogba na no, ka cha guọghọ, Ki mi tueghe ogba rọye, ke chiyo mu ekpẹn

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 29:18

Ọlọkọ vẹ owẹvwe, kugbe ọtiekọ mi che vwo nene ayen, mi mi rhi ru ayen phiyọ imuoshọ kẹ ivie rẹ akpo na ejobi, re ayen vwọ dia ekan, osho, unuefiọn, vẹ ehwẹjẹ vwẹ uherevie rẹ irere ejobi re me djẹ ayen na.

Jerimaya 39:8

Ihwo ri Kaldia na da torhẹ uwevwi rẹ ovie na vẹ uwevwi rẹ ihwo na, ayen da ghwọrọ igbẹhẹ ri Jerusalẹm totọ.

Jerimaya 42:18

Kidie enẹ Ọrovwohwo rẹ otuofovwi Ọghẹnẹ rẹ Izrẹl tare, Ọtiobo rẹ ophu vẹ ivuemiovwo mẹ hwẹ ku ihwo ri Jerusalẹm na, ọtioye ivuemiovwo mẹ ji hwẹ ku ovwan vwẹ ọke ru we de kpo Ijipt. Wa cha dia isọn, emuroshọ, ekan, vẹ ehwẹjẹ rode. Wa gbe mrẹ etinẹ na ọfa-a.

Jerimaya 5:10

Yan wan urhiẹ ri vain rọye re wọ guọghọ, ẹkẹvuọvo wo ghwe furhie re-e, kpare eghọn rọye no, kidie ayen dia e re Ọrovwohwo-o.

Jerimaya 52:14

Unuofovwi ri Kaldia, vẹ olotu rẹ ohẹrhẹ re vẹ ọye gba herọ na, da guọghọ igbẹhẹ re yariẹ Jerusalẹm phihọ te otọ.

Uvwerhe 1:7

Jerusalẹm rhe karophihọ ọke rẹ oma ẹlaghọ vẹ oja rọye kugbe erhuvwu ejobi ro vwori nẹ awanre rhe. Vwẹ ọke rẹ ihwo rọye vwo she phihọ abọ rẹ ivwighrẹ na ro gbi vwo ohwo rọ cha uko-o, ivwighrẹ na vwọ ghọghọ vwẹ enu rayen, re a vwọ jehwe vwẹ eshe rọye.

Uvwerhe 2:9

Inurhoro rọye kporo ro otọ; Ọ ghwọre o vwirhi egba rọye ovie vẹ isun rọye hẹ ohri rẹ ẹgborho na, urhi gbe herọ-ọ. Emraro rọye gbe mrẹ emramrẹ nẹ obọ rẹ Ọrovwohwo cha-a.

Uvwerhe 3:61

“Wo nyo ọjẹfia rayen E Ọrovwohwo, iroro rayen je kpahe ovwẹ.

Uvwerhe 5:1

Karophihọ E Ọrovwohwo, obo re phia kẹ avwanre, gbe ni ophọphọvwe rẹ avwanre!

Livitikọs 26:31

Ki mi che si ihwo ne irere re ovwan ejobi, ẹshẹ rẹ ovwan ejobi ke dia ifefe, ovwan da torhẹ eranvwe ri gbo ọnrhe ororo dede mi gbi nyu aye-en.

Livitikọs 26:33

Ke Me cha hra ovwan ro irere na ejobi, eda re dje phihọ ako ejobi ke che yoro ayen phia fiki rẹ ovwan otọ na kọ cha dia ofefe, irere re ovwan ejobi ka kua ayen fiotọ.