Nehemaya 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ayen idibo wẹn kugbe ihwo wẹn, ru wọ tan hirhe vwẹ ọgangan wẹn rode na kugbe ogangan rẹ obọ wẹn na

Nehemaya 1:10 ပူးပေါင်းရင်းမြစ်များ

Une rẹ Ejiro 136:12

vẹ obọ ọgangan kugbe igbabọ ra riẹnre, kidie ẹguọnọ rọye rọye ro je rhẹriẹ na dia rhiri bẹdẹ;

Une rẹ Ejiro 74:2

Karohọ ukoko wẹn, ru wo vwori nẹ awanre rhe, ru wọ tan hirhe nẹ ọ dia orua rẹ uku wẹn! Karohọ Ugbenu ri Zayọn, asan ro wọ diare jovwo na.

Une rẹ Ejiro 89:14

Ọvwata kugbe ọsoso eye ichiyotọ rẹ ekete wẹn; ẹguọnọ wẹn ro jẹ rhẹriẹ vẹ esegbuyota ka obaro kẹ wẹ.

Ẹyano 13:14

vwẹ ọke rọ cha rẹ ọmọshare wẹn da nọ wẹ, Die otọ rẹ ọnana? ku wọ ta kẹ, Obọ ọgangan Ọrovwohwo vwo si avwanre nẹ otọ rẹ Ijipt rhe, nẹ uwevwi rẹ oviẹn.

Ẹyano 13:16

Kọ cha dia oka vwẹ obọ wẹn yẹrẹ, egbene wo vwo mu arhare; kidie obọ ọgangan Ọrovwohwo vwọ rọye avwanre nẹ Ijipt rhe.

Ẹyano 13:3

Mosis da ta kẹ ihwo na, Karophihọ ẹdẹ ri nonẹ, ri wo vwo nẹ otọ rẹ Ijipt rhe na, nẹ uwevwi rẹ ọviẹn, fiki rẹ ogangan rẹ obọ rẹ Ọrovwohwo ọ vwọ reyọ owẹ nẹ etinẹ na; wa re ikara ro phuẹ-ẹ.

Ẹyano 13:9

Kọ cha dia oka vwẹ obọ wẹn kugbe ẹkarophihọ vwẹ ẹto wẹn, rere urhi rẹ Ọrovwohwo vwọ dia unu wẹn, kidie obọ ọgangan Ọrovwohwo vwọ rọye owẹ nẹ Ijipt rhẹ.

Ẹyano 15:13

Wẹ vwẹ ẹguọnọ ro jẹrhẹriẹ wẹn vwo sun ihwo na re wọ tan hirhe, wẹ vwẹ ogangan wẹn vwo sun ayen kpo ẹdia ọfuanfon wẹn na.

Ẹyano 32:11

Ẹkẹvuọvo Mosis da rẹ Ọrovwohwo Ọghẹnẹ rọye, ọ da ta, E Ọrovwohwo, die sorọ rẹ ivuemiovwo wẹn vwọ rhorho kpahe ihwo na, ihwo re wo rọye nẹ otọ rẹ Ijipt rhe vẹ ẹgban rode vẹ obọ ọgangan?

Ẹyano 6:1

Ọrovwohwo da kpahe kẹ Mosis, “Asakiephana wọ cha mrẹ obo ri mi che ruẹ kẹ Fẹro; kidie obọ ọgagan o che vwo si obọ nẹ ayen kpo, uyota, obọ ọgagan ọ cha vwọ djẹ ayen nẹ otọ rọye na.

Ẹyano 6:6

Fiki rẹ ọtiọye na gba ta kẹ ihwo rẹ Izrẹl, “Mẹvwẹ Ọrovwohwo na, mi che si we nẹ otọ rẹ oja rẹ ihwo rẹ Ijipti, ki mi che si we nẹ ọviẹn rayen, ke me tan wẹ nu obọ rẹ ayen.

Ẹyano 6:7

Me rọye owẹ phiyọ ihwo mẹ, ke me dia Ọghẹnẹ wẹn; ku wọ je riẹn nẹ Mẹvwẹ Ọrovwohwo Ọghẹnẹ wẹn, rọ si we nẹ otọ rẹ ọviẹn rẹ ihwo rẹ Ijipti.

Aizaya 64:9

Wo jẹ ophu mu we ganga-an, E Ọrovwohwo, wọ gbe karophihọ orukuruku bẹdẹ-ẹ. Nighe, roro nẹ, avwanre ihwo wẹn.

Urhi Rivẹ 15:15

Wọ Me karohọ nẹ wọ je dia ọviẹn vwẹ otọ rẹ Ijipt jovwo, Ọrovwohwo Ọghẹnẹ wẹn ke tan wẹ; kẹ eriyin mi vwo ji iji kẹ wẹ nonẹ na.

Urhi Rivẹ 9:29

Dede na ihwo wẹn vẹ ukuẹriọ wẹn ayen ruẹọ, e re Wọ vwẹ ogangan Wẹn rode kugbe ugbobọ wẹn reyọ rhe na.