Nahum 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kidie Ọrovwohwo rhoma vwẹ ọrho ri Jekọp cha kerẹ ọrho rẹ Izrẹl, kidie igbunegbu gborho ayen ayen da guọghọ eghọn rayen.

Nahum 2:2 ပူးပေါင်းရင်းမြစ်များ

Une rẹ Ejiro 47:4

Ọ jẹ ughwẹ rẹ avwanre kẹ avwanre eheri ri Jekọp rọ guọnọre na!

Aizaya 60:15

Kirobo ra sen wẹ re tuoma wẹ jovwo na, re ohwo ọvuọvo wan wẹ vrẹn jovwo-o na, ki Mi ru we rhuarho bẹdẹ, aghọghọ nẹ oge re te oge.

Jerimaya 25:29

Kidie gbe nighe, mi mu umiovwọ phihọ eruo vwẹ orere re vwo se odẹ mẹ na re, kẹ ovwan dia re e je ovwan eruo gangan? E se je ovwan eruo ganga-an, kidie mi se ọlọkọ rhe kpahe ihwo re dia akpọ na, eriyin Ọrovwohwo rẹ otuofovwi na tare.

Jerimaya 48:11

Moab egbomọphẹ nẹ ọke emọ rhe ro tidia phihọ enu rẹ ikiẹn rọye eji kuọ nẹ ọche phihọ ochẹ-ẹ, eyẹ ọ je yanran kpo imu-u; ọtiọye ọdavwẹ rọye ji no obọ-ọ ọnrhe rọye je rhẹriẹ-ẹ.

Jerimaya 49:9

Ọ da dianẹ otu re kọrọ otie de bru wẹ rhe, ayen rha kọrọ chekọ? Ọ da dianẹ iji rhere vwẹ asọn, Ọ dia ọ rọ te kẹ ayen ọvo ayen ghwọrọ?

Izikiẹl 37:21

gba ta kẹ ayen, E nẹ Ọrovwohwo Ọghẹnẹ tare: Nighere, me cha reyọ ihwo rẹ Izrẹl nẹ ẹgborho re me hra ayen ra rhe, ki mi koko ayen nẹ asan kasan rhe, ke me vwẹ ayen rhe otọ rẹ obọ rayen;

Izikiẹl 37:23

Ayen gbe vwẹ ema rayen kugbe obọ ri tuoma na gbe oma rẹ ayen ẹgua ọfa-a, eyẹ ogbeku rayen, ẹkẹvuọvo ki mi sivwi ayen vwo nẹ imwemwu rẹ ayen vwo she kpo uko na, ke me hworhẹ ayen, ke dia ihwo mẹ, ke me dia Ọghẹnẹ rayen.

Hosia 10:1

Izrẹl epha kerẹ vain pọkọpọkọ rọ mọ emamọ rọye. Ọtiobo rẹ emamọ rọye buẹ te ọtiọye ọ je ghwa so egbada buebu te; kerẹ obo rẹ ọrho rọye yovwẹ te ọtiọye ọ je ghwa ma osusu te.

Nahum 2:10

Kua! ẹkuafiotọ vẹ ẹghwọrọ! Udu nẹ ẹdia, igbo ra phariẹ, uvweri vọn oma ejobi hwe, epharo ejobi ki phurẹn phurẹn!

Nahum 3:14

We vo ame nene oma kpo imu na, wa nabọ gba ọgba rẹ ovwan gan, wa ra tọn ophiẹn, re we chiyi ema na suesun, reyọ ekpeti ra vwọ ma ikọrekpẹn na!

Zẹfanaya 3:11

Vwẹ ẹdẹ yena oma gbe cha vo vwẹ-ẹ fiki re uruemu ru we vwo mukpahe ovwẹ; kidie vwẹ ọke yena ki mi che kpono nẹ ohri rẹ ovwan ihwo rẹ ovwan ri herẹ ri mu oma kpenu na, wọ gbe cha dia ohwo rẹ ogbarogba ọfa vwẹ ugbenu ọfuanfon mẹ na-a.