Nahum 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọrovwohwo na yoma, asan odjahọ vwẹ ẹdẹ rẹ ukpokpogho; ọ riẹn ihwo re djẹ sioma nu vwẹ evun rọye.

Nahum 1:7 ပူးပေါင်းရင်းမြစ်များ

1 Ikun rẹ Ivie 16:34

E vwẹ ẹkpẹvwẹ kẹ Ọrovwohwo kidie ẹguọnọ ro jẹrhẹriẹ rọye dia rhiri bẹdẹ

1 Ikun rẹ Ivie 5:20

Ayen rhe vwọ mrẹ ọchuko kpahe ivwighrẹ rayen, emọ rẹ Hag kugbe ihwo re vẹ ayen gba hẹ obọ ejobi e de phi ayen phihọ ayen obọ, kidie ayen kperi se Ọghẹnẹ vwẹ ọke ofovwi na, o de nyo orẹ rayen fikiridie ayen vwẹ ẹro vwọ suọ.

2 Ikun rẹ Ivie 13:18

Kẹnẹ e phi ihwo rẹ Izrẹl kua vwẹ ọke yena, ihwo ri Juda da kparobọ, fikiridie ayen vwẹ ẹro so Ọrovwohwo na, Ọghẹnẹ rẹ esẹ rayen.

2 Ikun rẹ Ivie 32:11

Ọ dianẹ Hẹzikaya phiẹ ovwa-an, rere ọ rhe vwẹ owẹvwe vẹ urhuru rẹ ame hwe ovwan, vwẹ ọke rọ vwọ ta kẹ ovwan nẹ, Ọrovwohwo na Ọghẹnẹ rẹ avwanre na se sivwi avwanre nẹ obọ rẹ ovie rẹ Asiria?

2 Ikun rẹ Ivie 32:21

Ọrovwohwo de ji amakashe ọvo, ọ da nyavwe egba rẹ ofovwi na kugbe isun na vẹ inotu na re hẹ erhọn rẹ ovie rẹ Asiria hwe. Etiyin o de rhivwi vẹ omavovwẹ kpo otọ rẹ obọ rọye. Ọke ro rhi vwo te uwevwi rẹ ẹdjọ rọye re, emọ rọye ẹvo da dia etiyin nyavwọ hwe.

2 Ikun rẹ Ivie 32:8

Ugbobọ rẹ ohwo rẹ akpọ vẹ ọye gba herọ; ẹkẹvuọvo Ọrovwohwo Ọghẹnẹ vẹ avwanre gba herọ, re cha avwanre uko ọye ri ji phi ofovwi na kẹ avwanre. Udu rẹ ihwo na da gan fiki re eta ri Hẹzikaya ovie ri Juda.

Ezra 3:11

Ayen da so ine ohwohwo kuo kẹ ohwohwo, ine rẹ ejiro vẹ ẹkpẹvwẹ kẹ Ọrovwohwo, Kidie o yoma, Kidie eguọnọ rọye ro jẹrhẹriẹ na herọ bẹdẹ kpahe Izrẹl Ihwo na ejobi de kperi ukperi ọgangan, rẹ ayen vwo jiri Ọrovwohwo na, fikiridie e mu uchivwo rẹ uwevwi rẹ Ọrovwohwo na vi nure.

Une rẹ Ejiro 1:6

Kidie Ọrovwohwo riẹn idjerhe rẹ ọvwata ẹkẹvuọvo idjerhe rẹ oruimwemwu che gbe.

Une rẹ Ejiro 100:5

Kidie Ọrovwohwo na yoma; ẹguọnọ rọye ro jẹ rhẹriẹ dia rhiri bẹdẹ, esegbuyota rọye re te uvwiẹ na ejobi.

Une rẹ Ejiro 20:1

Ọrovwohwo kpahe kẹ wẹ vwẹ ẹdẹ rẹ ukpokpogho! Odẹ rẹ Ọghẹnẹ ri Jekọp chochọ wẹ!

Une rẹ Ejiro 25:8

Ọrovwohwo na ohwo esiri vẹ ọsoso; kọye o vwo yono iruimwemwu phihọ idjerhe na.

Une rẹ Ejiro 27:5

Kidie o se si vwe nu vwẹ odjahọ rọye vwẹ ẹdẹ re ukpokpogho; o che si vwe nu vwẹ otọ rẹ ibọkpọ rọye, kọ kpare ovwẹ mudia vwẹ enu rẹ oragha.

Une rẹ Ejiro 37:39

Esivwo rẹ ọvwata obọ rẹ Ọrovwohwo o nẹ cha; ọye odjahọ rayen vwẹ ọke rẹ ukpokpogho.

Une rẹ Ejiro 37:40

Ọrovwohwo cha ayen uko o mi sivwi ayen, o sivwi ayen nẹ obọ rẹ ihwo umwemwu, ọ me sẹro rẹ ayen, kidie ayen si oma nu vwe evun rọye.

Une rẹ Ejiro 46:2

Fiki rẹ ọtiọye na avwanre gbe dje oshọ-ọ ọda tobọ dianẹ akpọ na kurhẹriẹ dede, ọ da tobọ dianẹ igbenu na gbe kpogho vwe uherevie re abadi,

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 59:16

Ẹkẹvuọvo me so ine re ẹgba wẹn; Me so ine rẹ ẹguọnọ wẹn ro je rhẹriẹ vwẹ irhiọke. Kidie wọwẹ asan odjahọ kẹ vwẹ asan rẹ oma esiono vwẹ ọke rẹ ukpokpogho

Une rẹ Ejiro 71:3

Gba dia oragha rẹ odjahọ kẹ vwẹ, ogba ogangan, ro sivwi uvwe, kidie wẹ oragha mẹ kugbe ogba ọgangan mẹ

Une rẹ Ejiro 86:7

Vwẹ ẹdẹ rẹ ukpokpogho mẹ mi dẹ sẹ wẹ, kidie wo ghine nyo vwe.

Une rẹ Ejiro 9:10

Ihwo re riẹn odẹ wẹn vwẹ ẹro so wẹ, kidie wẹ, E Ọrovwohwo, wọ je sen ihwo re guọnọ owẹ dẹvo-o.

Une rẹ Ejiro 91:15

Ọke ro de se vwe, ke me kpahe kẹ, Mi nene dia vwẹ ọke rẹ ukpokpogho, ki mi yoro no ri mi de mu ọghọ kẹ.

Isẹ 18:10

Odẹ rẹ Ọrovwohwo na ọye ohẹrhe rode, ọvwata da djẹ ruọ kọ rhọ.

Aizaya 25:4

Kidie wẹ hẹ odjahọ ọgangan kẹ ivwiogbere, odjahọ ọgangan kẹ otu rọ bẹn re hẹ ukpokpogho, odjahọ nẹ ogiribo ophie nẹ oheri, kidie ovan rẹ ohwo ogbarogba họhọ ogiribo rọ teyọ igbẹhẹ,

Aizaya 32:2

Ovuọvo ko dia kere asan odjahọ vwọ ke aphọpho, Urhurho vw ọ ọke re ọgiribọ, kere uto re ame vwe otọ oyaya, kerẹ uhoho re oragha rode vwe otọ ophephe

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Jerimaya 17:17

Wọ dia uguegue kẹ vwẹ-ẹ, wọwẹ hẹ asan odjahọ mẹ vwẹ ẹdẹ rẹ ukpokpogho.

Jerimaya 24:5

Enẹ Ọrovwohwo Ọghẹnẹ rẹ Izrẹl tare, Kirobo rẹ omamọ ri fig nana epha na, ọtiọye mi ji ni otu re mu nẹ Juda kpo imu na nẹ iyovwiri, ihwo mi mu nẹ etinẹ na vwo kpo oto rẹ ihwo ri Kaldia.

Jerimaya 33:11

a cha rhoma nyo urhuru rẹ ehwẹ vẹ omavwerhovwẹ, urhuru rẹ ọshare rẹ ọpha vẹ urhuru rẹ ọpha, urhuru rẹ otu re so une, re ayen da ghwẹ ẹkpẹvwẹ cha uwevwi rẹ Ọrovwohwo na. Vwẹ ẹkpẹvwẹ kẹ Ọrovwohwo rẹ otuofovwi na, kidie Ọrovwohwo na yovwiri kidie ẹguọnọ rọye ro jẹrhẹriẹ na dia bẹdẹ! kidie me cha vwẹ oyovwe rẹ otọ na rhivwi rhe kerẹ ọ rẹ ẹsọsuọ, eriyin Ọrovwohwo tare.

Uvwerhe 3:25

Ọrovwohwo yoma kẹ otu re sa hẹrhẹ, vwọ kẹ erhi rọ guọnerọ.

Daniẹl 3:28

Nẹbukadreza da ta, Ebruba kẹ Ọghẹnẹ ri Shadrak, Mẹshak vẹ Abẹdnigo, rọ ji amakashe rhe rhi sivwi idibo rọye, re vwẹ ẹro suọ ayen da jẹ ota rẹ ovie fia, ayen phi oma rayen phihọ otọ ra ga eghẹnẹ efa-a jọkpa rẹ Ọghẹnẹ rayen ọvo.

Daniẹl 6:23

Etiyin oma da vwerhe ovie na gangan, ọ da tanẹ a reyọ Daniẹl nẹ ẹmwa na rhe, Etiyin a da reyọ Daniẹl nẹ ẹmwa rhe, emu ọvuọvo ruro-o fikiridie ọ vwẹ ẹroso Ọghẹnẹ rọye.

Joẹl 3:16

Ọrovwohwo de do nẹ Zayọn rhe, urhuru rọye da mra nẹ Jerusalẹm rhe, odjuvwu vẹ akpọ na de mu kpogho Ẹkẹvuọvo Ọrovwohwo hẹ odjahọ kẹ ihwo rọye, ogba ọgangan kẹ ihwo rẹ Izrẹl.

Zẹfanaya 3:12

Kidie ki mi che ji ihwo evo vwẹ uherevie rẹ ovwan ihwo dẹndẹn re vwẹ oma kpotọ. Ayen ke cha djẹ sioma nu vwẹ ọde rẹ Ọrovwohwo na,

Matiu 27:43

Ọ vwẹ ẹro so Ọghẹnẹ; e gbe jo sivwo ra mrẹ, obo rọ guọnerọ te na; kidie ọ tare nẹ, Mẹvwẹ ọmọ rẹ Ọghẹnẹ.

Matiu 7:23

Ki mi nyo kẹ ayen nẹ, mi vughe ovwa-an, we bi te oboyi, ovwan iruimwemwu na.

Iyẹnrẹ Esiri ri Jọn 10:14

Mẹvwẹ hẹ osuigegede rẹ esiri; me riẹn e robọ mẹ e robọ mẹ je riẹn vwẹ,

Iyẹnrẹ Esiri ri Jọn 10:27

Igodẹ mẹ nyo urhuru mẹ, me riẹn ayen, ayen nene uvwe;

Ọbe ri Pọl si rhe Ihwo ri Rom 11:22

Gbe ni arodọvwẹ vẹ aroesio rẹ Ọghẹnẹ; aroesio kẹ otu ri sheri, ẹkẹvuọvo arodọvwẹ rẹ Ọghẹnẹ dia ke owẹ, wo de nene arodọvwẹ rọye; ọ rha dia eriyi-in ka je nyavwe owẹ kufia.

Galesha 4:9

ẹkẹvuọvo vwẹ asakiephana rẹ ovwan rhe vwọ riẹn Ọghẹnẹ nure na, rẹ Ọghẹnẹ je vwọ riẹn ovwan nure na, komavọ ovwan rhe vwo rhivwi bru erharhe vẹ ebaghẹrẹ rẹ erhi rẹ akpọ na re wa rhe rhoma dia eviẹn rẹ ayen?

2 Timoti 2:19

Ẹkẹvuọvo uchivwo rẹ ota rẹ Ọghẹnẹ na mudia kokoroko, oka nana ri nene. Ọrovwohwo riẹn otu re dia ọrọye, E jẹn ohwo kohwo ro se odẹ rẹ Ọrovwohwo siohọ nẹ orukuruku.