Matiu 9:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Kẹ ọrhọ lọhọre ra vwọ ta nẹ, A vwẹ imwemwu wẹn ghovwo uwe: eyẹ ra vwọ ta nẹ, Vrẹn wọ yan?

Matiu 9:5 ပူးပေါင်းရင်းမြစ်များ

Matiu 9:2

E de mu ohwo ọvo ro ghwoma bro rhe, o shevwerhẹ ehwa; ri Jesu vwọ mrẹ esegbuyota rayen, ọ da ta kẹ ọ ro ghwoma na, ọmọ mẹ, jẹ oma wẹn sasa, a vwẹ imwemwu wẹn ghovwo uwe.

Matiu 9:6

Ẹkẹvuọvo re ovwan vwọ riẹn nẹ Ọmọ rẹ ohwo vwo ogangan vwẹ akpọ ro vwo ghovwo ihwo, ọ da ta kẹ ọ ro ghwoma na, Vrẹn mu ehwa wẹn, rere wọ kpo uwevwi wẹn.

Iyẹnrẹ Esiri ri Mak 2:5

Ọke ri Jesu vwọ mrẹ esegbuyota rayen, ọ da ta kẹ ọ ro ghwoma na, Ọmọ mẹ, a vwẹ imwemwu wẹn ghovwo uwe.

Iyẹnrẹ Esiri ri Luk 5:20

Rọ vwọ mrẹ esegbuyota rayen ọ da ta, Ọshare; a vwẹ imwemwu wẹn ghovwo uwe.

Iyẹnrẹ Esiri ri Luk 7:48

Ọ da ta kẹ, Aye na a vwẹ imwemwu wẹn ghovwo uwe.

Iruo rẹ Iyinkọn na 3:16

Vwẹ odẹ rọye kugbe esegbuyota vwọ kpahe odẹ rọye na, ọye ru ohwo nana rẹ ovwan mrẹre na rẹ ovwan je riẹn na gan. Esegbuyota rọ wan oma ri Jesu rhe na ọye kẹ ohwo nana oma ọkpokpọ vwẹ irharo rẹ ovwan ejobi na.

Iruo rẹ Iyinkọn na 9:34

Pita da ta kẹ, Eneas, Jesu Kristi sivwi uwe; gbe vrẹn wo kpirhi ẹrue wẹn siẹvuọvo na o de vrẹn.