Matiu 9:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² E de mu ohwo ọvo ro ghwoma bro rhe, o shevwerhẹ ehwa; ri Jesu vwọ mrẹ esegbuyota rayen, ọ da ta kẹ ọ ro ghwoma na, ọmọ mẹ, jẹ oma wẹn sasa, a vwẹ imwemwu wẹn ghovwo uwe.

Matiu 9:2 ပူးပေါင်းရင်းမြစ်များ

Aghwoghwo 9:7

Yanran, ra re ikara wẹn vẹ aghọghọ, rere wọ da udi wẹn vẹ omavwerhvwẹ vwẹ udu, kidie Ọghẹnẹ phi obọ phihọ obo wo ruru.

Aizaya 44:22

Mi hwerhe orukuruku wẹn kerẹ ikoro, umwemwu wẹn kerẹ evwru, rhivwi rhe, kidie me tan wẹ nure.

Matiu 14:27

Siẹvuọvo na Jesu da ta kẹ ayen nẹ, udu rẹ ovwan fọ, Mẹvwẹ e jẹn udu bru ovwa-an.

Matiu 4:24

Usi rọye de kperi ruẹ Siria; ayen de mu ihwo buebu re mwa ọga bro rhe, e re mwa orhuẹ, i ri she enwẹnwẹ, i ri ghwoma; etiyin o de sivwi ayen.

Matiu 6:12

Vwẹ imwemwu rẹ avwanre rhovwo avwanre, Kirobo me vwo rhovwo ọrivẹ rẹ avwanre.

Matiu 8:10

Ọke ri Jesu vwo nyo, ọ de gbunu, ọ da ta kẹ ihwo ri tue nene na nẹ, Uyota me ta kẹ ovwan, Me je mrẹ esegbuyota tiọna dẹvo vwẹ Izrẹl na-a.

Matiu 8:16

Ọkẹ rẹ ovwọnvwọn vwo te, e de mu ihwo buebu re mwa ọga bro rhe, ọ de sivwi ayen, ọ da vwẹ ota rẹ unu djẹ erhi rẹ idẹbono buebu phia.

Matiu 9:22

Ẹkẹvuọvo ri Jesu vwo kuoma rhẹriẹ ọ da mrẹ; ọ da ta kẹ nẹ, Ọmọte jẹn oma wẹn vworo uwe; esegbuyota wẹn o sivwi uwe. Oma rẹ aye na de ghwe kpo nẹ ọke yena yanran.

Matiu 9:5

Kẹ ọrhọ lọhọre ra vwọ ta nẹ, A vwẹ imwemwu wẹn ghovwo uwe: eyẹ ra vwọ ta nẹ, Vrẹn wọ yan?

Matiu 9:6

Ẹkẹvuọvo re ovwan vwọ riẹn nẹ Ọmọ rẹ ohwo vwo ogangan vwẹ akpọ ro vwo ghovwo ihwo, ọ da ta kẹ ọ ro ghwoma na, Vrẹn mu ehwa wẹn, rere wọ kpo uwevwi wẹn.

Iyẹnrẹ Esiri ri Mak 1:32

Vwẹ ovwọnvwọn yena, rẹ ọnre vwo she nu, ayen da vwẹ otu rẹ họvwan kugbe otu ri vwo idẹbono ejobi vwọ rhe.

Iyẹnrẹ Esiri ri Mak 10:49

Jesu de mudia, ọ da ta nẹ, ovwan se. Ayen de se orhuẹro na, ayen da ta kẹ, Ghọghọ, vrẹn, o se we.

Iyẹnrẹ Esiri ri Mak 5:34

Ọ da ta kẹ, Ọmọtẹ esegbuyota wẹn sivwi uwe, yanran vwẹ ufuoma, e sivwi uwe nẹ emiavwe wẹn re.

Iyẹnrẹ Esiri ri Mak 6:50

kidie ayen ejobi mrẹrẹ oshọ de mu ayen. Siẹvuọvo na ọ de nene ayen ta ota, ọ da ta kẹ ayen, We jẹn udu rẹ ovwan gan, mẹvwẹ ovwan djẹ oshọ-ọ.

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Iyẹnrẹ Esiri ri Jọn 2:25

fikiridie ọ riẹn ihwo ejobi ọ gbe guọnọ nẹ ọvuọvo dia oseri kẹ ohwo-o; kidie ekpuyovwi rọye riẹn obo re hẹ evun rẹ ohwo.

Iyẹnrẹ Esiri ri Jọn 21:5

Jesu da ta kẹ ayen, Emọ na, we vwo emeri? Ayen da kpahe kẹ, Ẹjo.

Iruo rẹ Iyinkọn na 14:9

Ọ da kerhọn ri Pọl rọ vwọ ta ota; ri Pọl vwọ tẹrovio, ọ da mrẹ nẹ o vwo esegbuyota ro se sivwo.

Iruo rẹ Iyinkọn na 19:12

ọtiọye na emekpan vẹ ebẹre emwa rọye re vwo rhe ihwo re mwaọga, emiavwe de nẹ ayen oma erhi rẹ idẹbono da djẹ nẹ ayen oma.

Iruo rẹ Iyinkọn na 23:11

Vwẹ ason rọ kpaherọ Ọrovwohwo de mudia kẹrẹ ọ da ta, Jẹn udu wẹn gan, kidie obo ru wo se oseri kẹ vwẹ vwi Jerusalẹm na, ọtiọye wo ji che se oseri kẹ vwẹ vwi Rom.

Ọbe ri Pọl si rhe Ihwo ri Rom 5:11

Ọ dia ọtiọye ọvo-o, ẹkẹvuọvo avwanre je ghọghọ rhe vwẹ oma rẹ Ọghẹnẹ fiki rẹ Ọrovwavwanre Jesu Kristi, rẹ avwanre wan oma rọye vwo arhuẹrẹ phihọ.

Jems 2:18

Ẹkẹvuọvo gbe no, ohwo ọvo me ta nẹ, Wo vwo esegbuyota, okpuyovwi mẹ vwo ogangan rẹ iruo. Gbe djẹ esegbuyota wẹn ro vwo iruo-o na kẹ vwẹ, rere me rha wan oma rẹ iruo mẹ djẹ esegbuyota mẹ kẹ wẹ.