Matiu 9:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ọke rọ vwọ je ta ota na kẹ ayen na, Siẹvuọvo na onotu ọvo de bro rhe, o de yere ọ da ta kẹ nẹ, Ọmọtẹ mẹ o muegbe rẹ ughwu, biko yanrhe re wọ rhe ghwẹ obọ kpahọ rere wo sivwo.

Matiu 9:18 ပူးပေါင်းရင်းမြစ်များ

Ivie rẹ Ivẹ 5:11

Ẹkẹvuọvo ophu de mu Neman, ọ da yanran, tanẹ, Nighe, mi rori nẹ ọ cha ro otafe bru vwe rhe, ri mudia, ko se odẹ rẹ Ọrovwohwo Ọghẹnẹ rọye, o mi kpogho obọ rọye phihọ asan na, ro de sivwi oti na.

Matiu 14:33

Ihwo re hẹ evun rẹ okọ na da vwarọ, ayen da ta nẹ, Uyota, ọmọ rẹ Ọghẹnẹ wo ghine ruẹ.

Matiu 15:25

Ẹkẹvuọvo aye na de rhi shiguẹ vwẹ obaro rọye ọ da rẹ nẹ, Ọrovwohwo biko cha vwẹ uko.

Matiu 17:14

Ọke rẹ ayen rhi vwo te asan rẹ ihwo buebu na epha, Ohwo ọvo da rhe rhi shiguẹ vwẹ obaro rọye ọ da rẹ nẹ,

Matiu 20:20

Etiyin oni rẹ emọ ri Zẹbidi kugbe emọ rọye ivẹ de bro rhe, rẹ ayen vwo yere nu, ọ da nọ ekpẹn rẹ emu ọvo.

Matiu 28:17

Ọke rẹ ayen vwọ mrẹ nu ayen da ga, ẹkẹvuọvo evo vẹ iroro ivivẹ.

Matiu 8:2

Nighe, ọhonvwoti ọvo de bro rhe, ọ da ga, ọ da ta kẹ nẹ, Ọrovwohwo, wọ da rhọvwe, wo se ru vwe fon.

Matiu 8:25

Ayen de bro rhe, ayen da rhọvwọ nẹ, Ọrovwohwo, sivwi avwanre me ghwẹ na.

Matiu 9:17

Ohwo se ku udi ọkpokpọ phihọ oghwara rẹ awanre-e, oghwara na ko ghwu, udi na kọ hwẹ kufia, oghwara na ko miovwi. Ẹkẹvuọvo udi ọkpokpọ ke kuo phihọ oghwara ọkpokpọ ayen ivẹ ke tọn kugbe.

Matiu 9:19

Jesu de vrẹn o de nene, kugbe idibo rọye.

Matiu 9:24

ọ da ta nẹ, We bioma; ọmọte na ghwuru-u, ẹkẹvuọvo ọ vwerhe; ayen ke vwọ jevwẹ.

Iyẹnrẹ Esiri ri Luk 13:14

Ẹkẹvuọvo ilori ri Sinagọg na, rẹ ivun miovwẹ fikiridie Jesu sivwiri vwẹ ẹdidjala, da ta kẹ ihwo na, Ẹdẹ esan ọye ihwo vwo ru iruo, yanrhe vwẹ ẹdẹ yena re e sivwi uwe, ọ dia ẹdidjala na-a.

Iyẹnrẹ Esiri ri Luk 18:18

Osun ọvo da nọ, Oyono rẹ esiri, die mi ru me vwọ reuku rẹ arhọ ri bẹdẹ na?

Iyẹnrẹ Esiri ri Luk 7:2

Asakiephana odibo rẹ onotu rẹ ofovwi ọvo rọ ghare vwẹ obọ rọye, rọ honvwa ko muegbe rẹ ughwu.

Iyẹnrẹ Esiri ri Jọn 11:25

Jesu da ta kẹ, Mẹvwẹ hẹ evrẹnushi na kugbe arhọ na; ọ ro se vwe gbuyota, owenẹ o ghwu, yọ je cha rhọ,

Iyẹnrẹ Esiri ri Jọn 11:32

Etiyin Meri, vwo te asan ri Jesu epha rọ vwọ mrẹ, o de she teye awọ rọye, ta kẹ nẹ, Ọrovwohwo, ẹ dianẹ wọ hẹ etinẹ nọ, oniọvo mẹ na e ghwu-u.

Iruo rẹ Iyinkọn na 13:15

Ọke re vwo se ọbe rẹ urhi na vẹ emraro na nu, isun ri Sinegọg na de ji ohwo ra vuẹ ayen, tanẹ, Imoni, ọ da dianẹ we vwo ota rẹ uchebro ru we bru ihwo na, wa ta.

Iruo rẹ Iyinkọn na 28:8

Da yẹ ọsẹ ri Pọbliọs na ra mwa ọga rẹ evuekuo vẹ odo, Pọl da ra mrẹ ọ da nẹ ẹrhovwo kẹ, rọ vwọ ghwẹ obọ kpahọ o de sivwo.