Matiu 8:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọrovwohwo, odibo mẹ hiro she enwẹnwẹ, oma na herọ miavwọ gangan.

Matiu 8:6 ပူးပေါင်းရင်းမြစ်များ

Matiu 4:24

Usi rọye de kperi ruẹ Siria; ayen de mu ihwo buebu re mwa ọga bro rhe, e re mwa orhuẹ, i ri she enwẹnwẹ, i ri ghwoma; etiyin o de sivwi ayen.

Matiu 8:7

Ọ da ta kẹ nẹ, me cha rere mi re sivwo.

Matiu 9:2

E de mu ohwo ọvo ro ghwoma bro rhe, o shevwerhẹ ehwa; ri Jesu vwọ mrẹ esegbuyota rayen, ọ da ta kẹ ọ ro ghwoma na, ọmọ mẹ, jẹ oma wẹn sasa, a vwẹ imwemwu wẹn ghovwo uwe.

Iruo rẹ Iyinkọn na 10:7

Ọke rẹ amakashe rọ ra ota kẹ na vwọ yanran nu, o de se idibo rọye rẹ eshare ive kugbe isodje ọvo ro vwo erhi rẹ ẹga vwẹ ohri ri isodje re rhẹrẹ na,

Iruo rẹ Iyinkọn na 8:7

Kidie irhi ri jẹfuọn na de vrẹn nẹ omarẹ otu buebu, ayen de kperi phia; etiyin e de sivwi ihwo buebu ri ghwoma kugbe ikpono.

Iruo rẹ Iyinkọn na 9:33

Oboyi ọ da mrẹ ọshare ọvo re se Eneas, ohwo ro shevwerhẹ ehwa rẹ ọga ẹgbukpe ẹrenre re ro ghwoma.

Kolose 3:11

Asan ro vwo ofẹnẹ-ẹ, o vwo Grik eyẹ Ju-u, oyanvwe eyẹ ijẹyanvwọ-ọ, Ivwevwe, Sintian, ọviẹn, ọmuvwiẹ, ẹkẹvuọvo Kristi hẹ emu ejobi, ọye ri vwo emu ejobi.

Kolose 4:1

Inini, ovwan vwẹ omamọ rẹ obọ yọnre eviẹn rẹ ovwan, rere we ru obo ri fori kẹ ayen; ovwan je karohọ nẹ ovwan ji vwo Onini ọvo vwẹ obo odjuvwu.

1 Timoti 6:2

Ihwo ri vwo inini ri segbuyota wa jẹ ayen fia-a kidie imoni ovwan ruẹ; ẹkẹvuọvo we rhie evun ga ayen fikiridie ihwo re cha re erere rẹ owian rẹ ovwan na je vwẹ ihwo ri segbuyota imoni re ghare. Vwẹ imu nana yono ayen.

Filimọn 1:16

ọ gbe dia ọviẹn ọfa-a, ẹkẹvuọvo kọ rho nọ ọviẹn, oniọvo rọ ghare kẹ vwẹ, rọ je ghare kẹ wẹ gangan kerẹ ugbeyan vẹ oniọvo vwi Kristi.