Matiu 8:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọ da vwẹ obọ te, ọ da ta nẹ, me rhọvwere gba fon. Siẹvuọvo na oti na de ghwe kpo.

Matiu 8:3 ပူးပေါင်းရင်းမြစ်များ

Jẹnẹsis 1:3

Etiyin Ọghẹnẹ da ta, E gbe jẹn orẹmrẹ dia, orẹmrẹ da ghene dia.

Ivie rẹ Ivẹ 5:11

Ẹkẹvuọvo ophu de mu Neman, ọ da yanran, tanẹ, Nighe, mi rori nẹ ọ cha ro otafe bru vwe rhe, ri mudia, ko se odẹ rẹ Ọrovwohwo Ọghẹnẹ rọye, o mi kpogho obọ rọye phihọ asan na, ro de sivwi oti na.

Ivie rẹ Ivẹ 5:14

Ọtiọye ọ da yanran re djoma phihọ ame asia ighwrẹ vwi Jọdan na, kirobo rẹ ọmraro rẹ Ọghẹnẹ na tare; oma rọye da varhe tẹntẹn kerẹ oma rẹ ọmọboban, ọ da fon.

Une rẹ Ejiro 33:9

Kidie ọ tanu, ọ da ghwa dia ọtiọye, o ji urhi nu, o de mudia kokoroko.

Ẹyano 4:7

Etiyin Ọghẹnẹ da ta, “Gba rhoma phi obọ wẹn na phiyọ aviavwe wẹn.” Ọ da rhoma phi obọ rọyen phiyọ aviavwe rọyen; ọke ro wo yoro rhe, nighe, ọ da rhoma rhi hirhe phiyọ oma rọye ri jovwo.

Matiu 12:13

O da ta kẹ ọ ro ghwobọ na nẹ, Riẹn obọ wẹn. Ọ da ghine riẹn, ọ da ghwa riẹn kerẹ ọrivẹ na.

Iyẹnrẹ Esiri ri Mak 1:41

Aro da dọn, ọ da riẹn obọ vwo te, ọ da ta kẹ nẹ, mẹ rhọvwere; gba fon.

Iyẹnrẹ Esiri ri Mak 4:39

O de vrẹn ọ da van ku aphopho na, ọ da ta kẹ abadi na, Fọ, wọ dia riei Aphopho na da fọ, ẹfọ ri riei rode da rhe.

Iyẹnrẹ Esiri ri Mak 5:41

Ọ da yọnrọn ọmọtẹ na obọ, ọ da ta kẹ Talita kumi; otọ rọye, Ọmọtẹ, me ta kẹ owẹ, vrẹn.

Iyẹnrẹ Esiri ri Mak 7:34

O de ni odjuvwu, o de ku ẹnwẹn, ọ da ta kẹ nẹ, Effata, otọ rọye rhie.

Iyẹnrẹ Esiri ri Mak 9:25

Ọke ri Jesu vwọ mrẹ nẹ otu na ra dje siẹ koko, ọ da ghwọ ku erhi ro jẹfuọn na, tanẹ wọwẹ erhi ro diunu na vẹ odierhọn, Me ta kẹ wẹ, wan no, wọ gbe ruọ ọfa-a.

Iyẹnrẹ Esiri ri Luk 4:27

Ẹhonvwoti buebu rẹ hẹ Izrẹl vwẹ ọke rẹ Ilaisha ọmraro na; ọ dia ayen ejobi esivwiri-i, jokpa ri Niaman rẹ ohwo ri Siria.

Iyẹnrẹ Esiri ri Luk 5:13

Ọ da riẹn obọ vwo te, tanẹ, Me rhọvwere; gba fon. Siẹvuọvo na oti na de ghwe no oma.

Iyẹnrẹ Esiri ri Luk 7:14

O de rhi si kẹre okọ na, ihwo re ghwarọ de mudia. Ọ da ta, Emeghene na, Me ta kẹ wẹ, vrẹn,

Iyẹnrẹ Esiri ri Jọn 11:43

Ọke rọ vwọ ta ọnana nu, ọ da van gangan se, Lazarọs, yanrhe.

Iyẹnrẹ Esiri ri Jọn 15:24

Ọ dianẹ mi rhi ru iruo rẹ ohwo ofa ji ru vwẹ ohri rẹ ayen dẹvo-o, manẹ ayen ru umwemwu-u; ẹkẹvuọvo asakiephana ayen mrẹre yẹ ayen ji tuoma mẹ kugbe Ọsẹ mẹ.

Iyẹnrẹ Esiri ri Jọn 5:21

Kidie kirobo rẹ Ọsẹ na kpare irivwi vrẹn na ọ da vwẹ arhọ kẹ ayen na, ọtiọye rhe Ọmọ na je vwẹ arhọ kẹ ayen otu ri jere.