Matiu 8:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọkẹ rẹ ovwọnvwọn vwo te, e de mu ihwo buebu re mwa ọga bro rhe, ọ de sivwi ayen, ọ da vwẹ ota rẹ unu djẹ erhi rẹ idẹbono buebu phia.

Matiu 8:16 ပူးပေါင်းရင်းမြစ်များ

Ẹyano 15:26

tanẹ, Wọ da vwẹ oma kpotọ nyo ota rẹ Ọrovwohwo Ọghẹnẹ wẹn, wo de ru obo ri shephihọ vwẹ ẹro rọye, wọ da kerhọ rẹ iji rọye wọ da yọnrọn ayen, emiavwe ri mi vwo mu ihwo rẹ Ijipt na gbi che mu we-e, kidie Mẹvwẹ Ọrovwohwo, osivwi wẹn.

Matiu 12:22

Etiyin e de mu ohwo ọvo ro vwo erhi rẹ idẹbono vwo rhe, orhuẹro kugbe odiunu, o de sivwo, o de nyo ẹme ọ da ta ota.

Matiu 14:14

Rọ vwo rhe, ọ da mrẹ ihwo buebu, aro da dọn, o de sivwi ayen.

Matiu 8:15

Ọ da vwẹ obọ te, emiavwe na de ghwe kpo; o de vrẹn o de gbe odibo kẹ.

Matiu 8:33

Ihwo re ghẹrẹ isi na da djẹ kpo obo orere na, rẹ gbe ikun rẹ obo rẹ ayen mrẹre vwẹ oma rẹ ihwo ri vwo irhi rẹ idẹbono na kugbe isi na.

Matiu 9:2

E de mu ohwo ọvo ro ghwoma bro rhe, o shevwerhẹ ehwa; ri Jesu vwọ mrẹ esegbuyota rayen, ọ da ta kẹ ọ ro ghwoma na, ọmọ mẹ, jẹ oma wẹn sasa, a vwẹ imwemwu wẹn ghovwo uwe.

Iyẹnrẹ Esiri ri Mak 2:3

Ayen da ghwa ohwo ro ghwoma ọvo bro rhe ihwo ẹne re ghwarọ.

Iyẹnrẹ Esiri ri Mak 5:8

Kidiẹ ọ ta kẹ, Wan nẹ oma re ohwo na, wẹ erhi ro jẹfuọn.

Iyẹnrẹ Esiri ri Mak 9:25

Ọke ri Jesu vwọ mrẹ nẹ otu na ra dje siẹ koko, ọ da ghwọ ku erhi ro jẹfuọn na, tanẹ wọwẹ erhi ro diunu na vẹ odierhọn, Me ta kẹ wẹ, wan no, wọ gbe ruọ ọfa-a.

Iyẹnrẹ Esiri ri Luk 13:12

Ọke ri Jesu vwọ mrẹ, o de se ọ da ta kẹ, Aye, e sivwi uwe nẹ ehonvwo wẹn.

Iyẹnrẹ Esiri ri Luk 4:40

Asakiephana rẹ ọnre vwo she kpotọ re, ayen ejobi de mu ihwo re mwa emiavwe dohwo doghẹre rọye vwo rhe, ọ da ghwẹ obọ kpahe ayen ọvuọvo o de sivwi ayen.

Iyẹnrẹ Esiri ri Luk 4:41

Idẹbono ri nẹ oma rẹ ihwo buebu rhe, ki kperẹ, Wẹ hẹ Ọmọ rẹ Ọghẹnẹ na! Ọ da ghwọ ku ayen nẹ ayen rhurhu unu, fikiridie ayen riẹnre nẹ ọye hẹ Krisri na.

Iruo rẹ Iyinkọn na 5:15

ọtiọye na ayen ke tobọ mu ihwo rẹ oma da na phihọ ọsuada, e de mu ayen phihọ ehwa kugbe eruẹ rere ọke rẹ Pita da wan vrẹn uhoho rọye vwo she teyọ evo oma.