Matiu 7:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Nọ, ka kẹ wẹ; guọnọ ke wọ mrẹ; hworo ẹchẹ kẹ rhie kẹ wẹ.

Matiu 7:7 ပူးပေါင်းရင်းမြစ်များ

Jẹnẹsis 26:32

Ẹdẹ yena vuọvo na idibo rẹ Aizik da rhe vuẹ kpahe orhare rẹ ayen tọnre, ayen da ta ke, Avwanre mrẹ ame re.

1 Ivie 3:5

Vwi Gibeọn Ọrovwohwo da vwẹ oma phia kẹ Solomọn vwẹ evwerhẹ, vwẹ ason; Ọghẹnẹ da ta, Nọ obo re me vwọ kẹ wẹ.

Une rẹ Ejiro 10:17

E Ọrovwohwo, wẹ ri nyo ẹguọnọ re ohwo dẹndẹn, wo ru udu rayen gan, wọ kerhọn rayen

Une rẹ Ejiro 10:4

Vwẹ eheri re opharo rọye o rhe jẹn oruimwemwu guọnọ-ọ; iroro rọye ejobi ke ọ na nẹ, Ọghẹnẹ herọ-ọ.

Une rẹ Ejiro 119:12

Ebruphihọ ke wẹ, E Ọrovwohwo, yono uvwe iji wẹn na!

Une rẹ Ejiro 27:8

We re tare, Guọnọ opharo mẹ Udu mẹ da ta kẹ wẹ, Opharo wẹn Ọrovwohwo, ọye me guọnọ.

Une rẹ Ejiro 34:4

Me guọnọ Ọrovwohwo, o de nyo kẹ vwẹ, o de sivwi uvwe nẹ oshọ mẹ ejobi.

Une rẹ Ejiro 37:4

Jẹn oma rẹ Ọrovwohwo vwerhe owẹ kọ vwẹ obo rẹ udu wẹn guọnọre kẹ wẹ.

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 69:32

Jẹn ohwo re shenyẹ mrẹ rọ ghọghọ, wẹ rọ guọnọ Ọghẹnẹ, jẹn udu wẹn sasa.

Une rẹ Ejiro 70:4

Jẹn ayen otu re guọnọ owẹ ghọghọ re oma vwerhe ayen fiki wẹ! Jẹn ayen otu re guọnọ esivwo wẹn ta kọke kọke nẹ, Ọghẹnẹ rhọrọ!

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Isẹ 8:17

Me guọnọ ihwo re guọnọ ovwẹ, ihwo re vwẹ oma kpotọ guọnọ ovwẹ ke mrẹ vwẹ.

Solomon 3:2

Ki mi vrẹn rere me ro evun rẹ orere na, Te evun re urhuvwu kugbe ehwarha na; re me guọnọ ohwo rẹ ẹnwẹn mẹ guọnọre na. Me guọnerọ, ẹkẹvuọvo me mrẹrẹ-ẹ.

Aizaya 30:19

Uyota, E ihwo ri Zayọn re dia Jerusalẹm, wa gbe cha viẹ ọfa-a. Vwe uyota ko ni aruẹdọn ke we vwe ọke wọ da viẹ se, ọke ro de nyo ko kpahe ke wẹ.

Jerimaya 33:3

se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Emọs 5:4

Kidie e nẹ Ọrovwohwo ta kẹ uwevwi rẹ Izrẹl guọnọ ovwẹ re wọ rhọ;

Matiu 18:19

Me je ta kẹ ovwan nẹ, ovwan ivẹ de kuoma gbe vwọ nọ ekpẹn rẹ emu, Ọsẹ rẹ obo odjuvwu kọ ruo kẹ ayen.

Matiu 21:22

Kemu kemu ejobi rẹ ovwan nọre vwẹ esebuyota, ovwan ke mrẹ ayen.

Matiu 6:33

Ẹkẹvuọvo gba ka guọnọ uvie rẹ Ọghẹnẹ tavwe, kugbe ọvwata rọye, kọ vwẹ emu na ejobo ba kẹ wẹ.

Matiu 7:11

Ovwan rẹ ihwo ebrabra, de se ru omamọ rẹ ẹse kẹ emọ rẹ ovwan, komavọ Ọsẹ rẹ ovwan rọ hẹ obo odjuvwu ru te kẹ ihwo re nọrọ?

Matiu 7:8

Kidie ohwo kohwo rọ nọre kọ mrẹ, ọ rọ guọnọre ko vwo, ọ ro hworo ẹchẹ ke rhie kẹ.

Iyẹnrẹ Esiri ri Mak 11:24

Fiki rẹ ọtiọye na Me ta kẹ ovwan, kemu kemu rẹ ovwan nọre vwẹ ẹrhovwo ovwan de segbuyota nẹ o te ovwan obọ nure ovwan ki vwo.

Iyẹnrẹ Esiri ri Luk 13:25

Ọke rẹ onini na de vrẹn siẹvuọvo rọ da kanre ẹchẹ, ku we mudia vwẹ obo otafe de hworo ẹchẹ, tanẹ, Ọrovwohwo, rhie ẹchẹ kẹ avwanre. Kọ kpahe kẹ wẹ, Me riẹn asan wo nurhe-e.

Iyẹnrẹ Esiri ri Luk 18:1

Ọ de kpe itẹ ọvo kẹ ayen nẹ, ọtiọna ovwan nẹ ẹrhovwo kọke kọke e jọ bẹn ovwa-an.

Iyẹnrẹ Esiri ri Jọn 15:16

Ọ dia ovwan re jẹ vwẹ-ẹ, ẹkẹvuọvo mẹvwẹ re jẹ ovwan me da vwẹ ovwan mu rere ovwan yanran ra mọ ubi rere ubi rẹ ovwan vwọ dia; ọtiọye na emu kemu rẹ ovwan nọ Ọsẹ na vwẹ odẹ mẹ, ọ sa vwọ kẹ ovwan.

Iyẹnrẹ Esiri ri Jọn 15:7

Ovwan da herọ vwẹ evun mẹ, rẹ eta mẹ da dia evun rẹ ovwan, gba nọ kemu kemu rẹ ovwan guọnọre, ke ruo kẹ ovwan.

Iyẹnrẹ Esiri ri Jọn 4:10

Jesu da kpahe kẹ, Ọ da dianẹ wo riẹn ẹse rẹ Ọghẹnẹ, wo de rhe vughe ohwo rọ ta ota kẹ wẹ nẹ, Kẹ vwẹ ame da na, ku wa rhoma nọ ekpẹn rẹ ame rẹ arhọ, ka vwọ kẹ wẹ.

Ọbe ri Pọl si rhe Ihwo ri Rom 2:7

Ihwo re vwẹ erhiori ru omamọ rẹ iruo re guọnọ urinrin vẹ ọghọ kugbe erhi ro jeghwo, kọ vwẹ arhọ ri bẹdẹ kẹ ayen.

Ọbe ri Pọl si rhe Ihwo ri Rom 3:11

o vwo ohwo ọvuọvo ro vwo ẹruọ-ọ, o vwo ohwo ọvuọvo ro guọnọ Ọghẹnẹ-ẹ.

Hibru 11:6

Ọ dia esegbuyota-a yọ epha bẹnbẹn re vwo ru obo ri je. Kidie ohwo kohwo rọ tanẹ ọye si kẹre Ọghẹnẹ mi segbuyota nẹ ọ herọ nẹ ọye re hwa osa kẹ ayen otu re guọnerọ.

Jems 5:15

Omamọ rẹ ẹrhovwo rẹ esegbuyota ko sivwi ohwo rọ họnvwan na, Ọrovwohwo kọ kparọ vrẹn; ọ da dianẹ o ru imwemwu jovwo, kẹ vwo ghovwo.

1 Jọn 3:22

obo rẹ avwanre nọrọ ejobi ka mrẹ reyọ, fikiridie avwanre yọnrọn urhi rọye avwanre ki rhe ru obo ri je.