Matiu 7:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ovwan wan anurhoro ọhwahwa na: Kidie idjerhe rọ hẹhẹre kugbe anurhoro ọhẹhẹre ọye idjerhe rẹ oghwọrọ. Ihwo buebu yi nene idjerhe yena.

Matiu 7:13 ပူးပေါင်းရင်းမြစ်များ

Jẹnẹsis 6:12

Ọghẹnẹ da mrẹ akpọ na, nighe, o de gbeku; fikiridie uvwo ejobi gbeku tughu vwẹ enu rẹ akpọ na.

Jẹnẹsis 6:5

Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

Isẹ 16:25

Idjerhe ọvo herọ rọ họhọ obọ ri she phihọ vwẹ ẹro ro ohwo, ẹkẹvuọvo oba rọye idjerhe rẹ ughwu.

Isẹ 7:27

Uwevwi rọye idjerhe rẹ erivwi, etiyin a wan kpo uvun rẹ ughwu.

Isẹ 9:6

Yan je ughenghẹn vwo, rere wọ rhọ, rere wọ vwọ yan vwẹ idjerhe rẹ orẹmrẹ.

Aizaya 1:9

Odiane kẹ Ọrovwohwo rẹ ofovwi je imi ihwo ẹvo vwo kẹ avwanre vwonẹ, mane kẹ avwanre a dia kerẹ Sodọm, ke avwanre a họhọ Gomora.

Aizaya 35:8

Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

Matiu 25:46

Ihwo nana ki kpo ehwe ri bẹdẹ ẹkẹvuọvo otu rẹ evwata ki kpo arhọ ri bẹdẹ.

Matiu 3:2

Kurhẹriẹ, kidie uvie rẹ odjuvwu si kẹre re.

Matiu 3:8

Ovwan vwẹ uruemu ọkpokpọ rẹ ekuorhẹriẹ phia,

Matiu 7:14

Kidie idjerhe rẹ uyota na pha hwahwa phiọnphiọn, ọye ọ rẹ arhọ na; ihwo tutuno re sa guọnọ mrẹ.

Iyẹnrẹ Esiri ri Luk 14:33

Vwẹ ọtiọye na, kohwo kohwo rọ rha sen emu kemu ro vwori-i ọ sa dia odibo mẹ-ẹ.

Iyẹnrẹ Esiri ri Luk 9:33

Rẹ eshare na vwọ yanran re, Pita da ta kẹ Jesu, Onini, oyoma re avwanre dia etinẹ; e jẹn avwanre bọn ọgarivi erha, ọvo owẹ ọvo ọ ri Mosis ọvo ọ re Ilaija–ọ riẹn obobo rọ ta na-a.

Iyẹnrẹ Esiri ri Jọn 10:9

Mẹvwẹ hẹ anurhoro na; ohwo da wan oma mẹ ruọ, kọ rhọ, kọ sa ro uwevwi ro otafe kọ mrẹ egbri re.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Iruo rẹ Iyinkọn na 3:19

Ovwan gbe kurhẹriẹ rere ephoro imwemwu rẹ ovwan nu, rere omamọ rẹ eyere rẹ arhọ na vwo nẹ obọ rẹ Ọrovwohwo na bru ovwan rhe.

Ọbe ri Pọl si rhe Ihwo ri Rom 9:22

Kidie ọ da dianẹ Ọghẹnẹ, da guọnọ dje ophu rọye phia rọ da nẹrhẹ a riẹn ogangan rọye, ro de chirako vẹ odiri kẹ ekuakua rẹ ophu ra mare kẹ ẹghwọrọ,

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

2 Kọrẹnt 6:17

Fiki rẹ ọtiọye na gbe vrẹn nẹ ohri rẹ ayen, gba hẹriẹ oma nẹ ayen, eriyin Ọrovwohwo tare, Wọ vwẹ obọ te emu ogbegbe-e; ki mi dede ovwan reyọ

Galesha 5:24

Ayen ihwo re dia ọ ri Kristi nure, ayen kanre ugboma na vẹ oja rọye kugbe ẹguọnọ rọye mu agbagba nure.

Filipae 3:19

Oba rayen kẹ ẹghwọrọ, ẹdjọ rẹ ayen gọ kẹ evun, omaẹvuọ rayen kọye ayen vwọ yan eyan, vẹ iroro rẹ ayen vwọ kpahe emu rẹ akpọ na.

1 Jọn 5:19

Avwanre riẹnre nẹ avwanre kẹ ihwo rẹ Ọghẹnẹ, yẹ akpọ na ejobi hẹ obọ rẹ ogangan rẹ ohwo umwemwu na.

Ẹvwọphia 12:9

A da djẹ Okpodje rode na rhe otọ, ọrọdekọ rẹ awanre na, re se Idẹbono kugbe Ukọn na, ọphiẹn rẹ akpọ na ejobi–a da djẹ vẹ emakashe rọye ejobi wotọ.

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.

Ẹvwọphia 20:15

a rha mrẹ odẹ rẹ ohwo re siri phihọ ọbe rẹ arhọ na-a, ka kparọ phihọ ẹtẹrhe rẹ erhanre na.

Ẹvwọphia 20:3

ọ da kparọ phihọ orho rẹ igbẹphẹre na, a da kare ẹchẹ gbe a da rharọ mu kokoroko, rere o vwo jẹ ẹgborho rẹ akpọ na ẹphiẹn ọfa, bẹsiẹ ikpe uriori na vwọ gba. Ọyena da wan nu ka rhan emerha.