Matiu 6:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Enẹ ovwan nẹ ẹrhovwo; Ọsẹ rẹ avwanre rọ hẹ obo odjuvwu, Jẹn avwanre vwẹ ọghọ kẹ ọde wẹn.

Matiu 6:9 ပူးပေါင်းရင်းမြစ်များ

2 Samuẹl 7:26

Ke ru odẹ wẹn rho bẹdẹ ra tanẹ, Ọrovwohwo rẹ Ofovwi ọye Ọghẹnẹ ro sun Izrẹl, kugbe uwevwi rẹ Odibo wẹn Devid ko ghwotọ bẹdẹ.

1 Ivie 8:43

nyo vwẹ obo odjuvwu asan re wọ dia, re wo ru kirobo rẹ ọrhorha na vwi fiki rọye se we ejobi; rere ihwo rẹ akpọ na ejobi sa vwọ riẹn odẹ wẹn rere ayen djẹ oshọ wẹn, kerẹ, ihwo wẹn Izrẹl, rere ayen sa riẹn nẹ uwevwi nana re me bọnre na odẹ wẹn e vwo se.

1 Ikun rẹ Ivie 17:24

Odẹ wẹ kọ dia, ka je kparọ kpenu bẹdẹ; nẹ Ọrovwohwo rẹ ofovwi, Ọghẹnẹ rẹ Izrẹl ọye Ọghẹnẹ ri Izrẹl, uwevwi rẹ odibo wẹn Devid kọ dia vwẹ obaro wẹn.

2 Ikun rẹ Ivie 20:6

Ọ da ta, E Ọrovwohwo, Ọghẹnẹ rẹ esẹ rẹ avwanre, ọ dia owẹ Ọghẹnẹ rọ hẹ obo odjuvwu-u? Ọ dia owẹ ri suẹn vwẹ enu rẹ ẹgborho na ejobi-i? Obọ wẹn ọye ogangan vẹ ẹgba epha, ọtiọye na ohwo gbe sa hẹrhẹ owẹ-ẹ.

Nehemaya 9:5

Etiyin ihwo ri Livae, Jeshua, Kadmiẹl, Bani, Hashabneiya, Sherebia, Hodia, Shebanaya, kugbe Petahia, da ta, Vrẹn mudia re we bruphihọ kẹ Ọrovwohwo Ọghẹnẹ rẹ ovwan nẹ bẹdẹ re te bẹdẹ. Ebruphihọ kẹ odẹ rẹ urinrin wẹn ra kpare kpenu nọ ebruphihọ kugbe ejiro ejobi.

Une rẹ Ejiro 111:9

O ji ẹtanhirhe rhe ihwo rọye; o ji urhi rẹ ọphọ rọye na bẹdẹ. Ọfuanfon vẹ oshọ ọye odẹ rọye!

Une rẹ Ejiro 115:3

Ọghẹnẹ rẹ avwanre ọ hẹ obo odjuvwu, o ruẹ obo ri jere.

Une rẹ Ejiro 72:18

Ebruphihọ kẹ Ọrovwohwo, Ọghẹnẹ rẹ Izrẹl, rẹ ọye ọvo ru iruo rẹ igbunu.

Aizaya 37:20

Eriyin Asakiephana, E Ọrovwohwo Ọghẹnẹ rẹ avwanre, sivwi avwanre nẹ obọ rọye, rere uvie rẹ akpọ na ejobi vwọ riẹn nẹ wọwẹ ọvo kpoi re hẹ Ọrovwohwo.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 6:3

Ọvo de se ọrivẹ ọ da tanẹ: Ẹfuọn, ẹfuọn, ẹfuọn ọye Ọrovwohwo rẹ otuofovwi na; akpọ na ejobi vọnre vẹ urinrin rọye.

Aizaya 63:16

Kidie we he Ọsẹ rẹ avwanre, dede na nẹ Ebraham riẹn avwanre-e , Izrẹl je mrẹ avwanre vughe-e, we, E Ọrovwohwo, ọye Ọsẹ rẹ avwanre, Ọtan rẹ avwanre nẹ ọke rẹ awanre rhe ọye odẹ wẹn.

Aizaya 64:8

Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Aizaya 66:1

Enẹ Ọrovwohwo tare: Odjuvwu he ekete Mẹ akpọ na kẹ asan Me ghwe awọ kpaha, ki didi uwevwi wa bọn kẹ vwẹ ki tivọ asan rẹ urovwoma Mẹ?

Izikiẹl 36:23

Ki mi dje ase vẹ ẹfuọn rẹ odẹ mẹ, re gbe ẹgua vwẹ ohri rẹ ẹgborho na, ru wo ji gbe ẹgua vwẹ ohri rẹ ayen; ẹgborho na ke riẹn nẹ mẹvwẹ Ọrovwohwo, eriyin Ọrovwohwo Ọghẹnẹ tare, Vwẹ ọke re me vwọ wan oma wẹ dje ẹfuọn mẹ kẹ ẹro rayen mrẹ.

Izikiẹl 38:23

Ọtiọye ke me cha vwẹ ọrho mẹ vẹ ẹfuọn mẹ phia ra da riẹn vwẹ vwẹ irharo rẹ ẹgborho buebu. Etiyin ayen ke cha riẹn nẹ mẹvwẹ Ọrovwohwo na.

Livitikọs 10:3

Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

Habakọk 2:14

Kidie otọ na cha vọn vẹ erianriẹn rẹ urinrin rẹ Ọrovwohwo na, kirobo rẹ ame phoro abadi na.

Zekaraya 14:9

Ọrovwohwo kọ dia ovie rẹ akpọ na ejobi, vwẹ ẹdẹ yena Ọrovwohwo kọ dia ọvo odẹ rọye kọ dia ọvo.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Matiu 10:29

Ọ dia igue ivẹ eye a shẹ anini? yẹ ọvuọvo sa va Ọghẹnẹ abọ she-e?

Matiu 23:9

Ovwan sẹ ohwo ọvuọvo ọsẹ vwẹ akpọ na-a; Kidie ohwo ọvo ọye ọsẹ rẹ ovwan rọ hẹ obo odjuvwu.

Matiu 26:29

Ẹkẹvuọvo me ta kẹ ovwan nẹ, me gbe sa da ame ri vain ọfa-a, bẹsiẹ me vwọ rhoma da ọkpokpọ vwẹ uvie rẹ Ọsẹ mẹ.

Matiu 26:42

Obọ rivẹ o da rhoma yanran ra nẹ ẹrhovwo ta nẹ, E Ọsẹ mẹ, ọnana sa chọ vwẹ ra-a, jokpa nẹ me darọ, gbe ru ẹguọnọ wẹn.

Matiu 5:16

Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

Matiu 5:48

Ọtiọye na ovwan gba fon kirobo rẹ Ọsẹ rẹ ovwan rọ hẹ obo odjuvwu fonro na.

Matiu 6:14

Kidie we de vwo rhovwo ọrivẹ rẹ ovwan, Ọsẹ rẹ ovwan rọ hẹ obo odjuvwu ko ji vwo rhovwo ovwan.

Matiu 6:6

Ẹkẹvuọvo ovwan da nẹ ẹrhovwo, wa ro uvun rẹ ovwan, we de bi ẹchẹ gbe nu, gba rẹ ọsẹ rẹ ovwan rọ hẹ odjahọ, re ọsẹ rẹ ovwan rọ mrẹ orẹ vwẹ ehoho ye, kọ hwa osa kẹ wẹ vwẹ azagba.

Matiu 7:11

Ovwan rẹ ihwo ebrabra, de se ru omamọ rẹ ẹse kẹ emọ rẹ ovwan, komavọ Ọsẹ rẹ ovwan rọ hẹ obo odjuvwu ru te kẹ ihwo re nọrọ?

Iyẹnrẹ Esiri ri Luk 15:18

Mi vrẹn mi bru ọsẹ mẹ, me ta kẹ, Baba, mi gbe odjuvwu ku mi ji gbe we ku rhe;

Iyẹnrẹ Esiri ri Luk 15:21

Ọmọ na da ta kẹ, Baba, mi gbe odjuvwu ku mi ji gbe we ku rhe; mi gbi fo ohwo re se ọmọ wẹn ọfa-a.

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Iyẹnrẹ Esiri ri Jọn 20:17

Jesu da ta kẹ, Wọ yọnrọn ovwẹ-ẹ, kidiẹ mi ji yeri bru Ọsẹ na-a; ẹkẹvuọvo yanran bru imoni mẹ re wọ ta kẹ ayen, Mi yerẹ bru Ọsẹ mẹ kugbe Ọsẹ rẹ ovwan, Ọghẹnẹ mẹ kugbe Ọghẹnẹ rẹ ovwan.

Ọbe ri Pọl si rhe Ihwo ri Rom 1:7

Re vwo rhe ovwan ejobi rẹ evun rẹ ayen vwerhe Ọghẹnẹ vwi Rom, re seri ne rhe dia irherẹn; Ẹserọphẹ vẹ ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi nene ovwan dia.

Ọbe ri Pọl si rhe Ihwo ri Rom 8:15

Ọ gbe dia erhi rẹ ọviẹn rọ djẹ oshọ mu ohwo na a vwọ kẹ ovwa-an, ẹkẹvuọvo kẹ erhi rẹ ọmọ a vwọ kẹ ovwan. Kọye ovwan vwo kperẹ nẹ, Baba! Ọsẹ!

Galesha 1:1

Pọl rẹ ọyinkọn (ọ dianẹ o rẹ ihwo-o, eyẹ obọ rẹ ihwo o nurhe-e, ẹkẹvuọvo vwẹ oma ri Jesu Kristi kugbe Ọghẹnẹ rẹ Ọsẹ na, rọ kpare Jesu Kristi nẹ ughwu).

Galesha 4:6

Fiki rẹ obo rẹ ovwan vwọ dia emọ na, Ọghẹnẹ de phi Erhi rẹ ọmọ rọye na phihọ udu rẹ avwanre, ro kperẹ nẹ Abba! Baba!

1 Timoti 6:16

ọvuọvo ro je ghwo na rọ dja vwẹ evun rẹ orẹẹmrẹ re yivwẹ siẹ kẹrẹ-ẹ, rẹ akpọ je mrẹ dẹvo-o eye sa mrẹ-ẹ. Ọye a vwẹ ọghọ kugbe isuesun ri bẹdẹ kẹ. Isẹ.

1 Pita 1:17

Ọ da dianẹ ovwan sere Ọsẹ ohwo ro brorhiẹ abavo kirobo rẹ uruemu rọye epha, ovwan gba djẹ oshọ vwẹ uchọke rẹ ovwan dia imu na kri te.

Ẹvwọphia 4:11

Wọwẹ hẹ ohwo ro fori, Ọrovwavwanre kugbe Ọghẹnẹ, rọ reyọ urinrin kugbe ọghọ kugbe ogangan, kidie wọwẹ re mama emu ejobi, ọhọre wẹn ayen vwọ herọ kọye a vwọ mama ayen.

Ẹvwọphia 5:12

re ta vẹ urhuru ọgangan nẹ, Omogodẹ re hweri na ọye fori, rọ reyọ ogangan kugbe efe kugbe aghwanre kugbe ẹgba kugbe ọghọ kugbe urinrin kugbe ebruba!