Matiu 6:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọke wo de ru ẹse, wo vwo hworo ukpokpo-o, kirobo rẹ otu ri Keferi ruẹ-ẹ, rere ihwo vwọ mrasan jiri ayen. Uyota me ta kẹ ovwan, ayen vwo osa rayen nure.

Matiu 6:2 ပူးပေါင်းရင်းမြစ်များ

Une rẹ Ejiro 112:9

O siobọ nẹ ọphọphẹ, ọ kẹ ivwiogbẹrẹ; ọvwata rọye dia rhiri bẹdẹ; a vwẹ ọghọ kpare ighoro rọye kpenu.

Une rẹ Ejiro 37:21

Oruimwemwu momo, ẹkẹvuọvo ọ sa hwa rhivwi-i, ẹkẹvuọvo ọvwata nẹ arodọvwẹ ọ me hwa,

Isẹ 19:17

Ohwo ro ru ẹse kẹ ovwiogbere ru ro kẹ Ọrovwohwo na, kọye cha hwa osa rẹ iruo rọye kẹ.

Isẹ 20:6

Ihwo buebu vwẹ unu ghwoghwo ọghọ emuo rayen, ẹkẹvuọvo ohwo ro vwo omamọ rẹ esegbuyota kono sa mrẹ?

Aghwoghwo 11:2

Ghare ẹkẹn kẹ ihwo ighwrẹ, eyẹ ẹrenre, kidie wọ riẹn umiovwo rọ cha rhe akpọ na-a.

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 58:7

Ọ dianẹ wa vẹ ihwo rẹ owẹvwe hwe gba ghare emu wẹ-ẹn, ra reyọ ivwiogbere ri vwo uwevwi-i vwo kpo uwevwi wẹ-ẹn; ọke wọ da mrẹ ohwo rọ ba phihọ, wo mi rhuo, ne wo gbi si oma wẹn nẹ kẹ omobọ wẹ-ẹn?

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Hosia 8:1

Phi owanre na phihọ unu wẹn, kidie udene ọ hẹ enu rẹ uwevwi rẹ Ọrovwohwo, kidie ayen miovwo ọphọ mẹ, ayen da chọ urhi mẹ.

Matiu 15:7

Evwọnrọn efian na, mavọ Aizaya mraro kpahe ovwan.

Matiu 16:3

Vwẹ irhiọke ovwan me ta nẹ, ọke na omiomiovwi, kidie enu na pha vwavware kpurhu kpurhu. Ovwan se vughe oka rẹ obo odjuvwu; ẹkẹvuọvo we gbi se vughe oka rẹ ọke nana-a.

Matiu 22:18

Ẹkẹvuọvo Jesu da ghwa riẹn iroro rẹ udu rayen, ọ da ta, Die ovwan vwọ davwẹ ovwẹ nẹ, iruero na?

Matiu 23:5

Kidie ayen di ruẹ ọnana ghevweghe rere ihwo vwọ mrẹ ayen; kidie ayen ruẹ igbabọ hẹhẹre, ayen mi rhe ko iwun rẹ ayen reghereghe.

Matiu 23:6

Ayen mia guọnọ asan ro kpenu tidia, kugbe agbara ro yoma vwẹ evun rẹ Sinagọg,

Matiu 24:51

kọ nyavwọ ibribro, ke muo phihọ uwodi, kẹ etiyin o de beroma ọ da reako.

Matiu 5:18

Uyota me ta kẹ ovwan, bẹsiẹ rẹ odjuvwu vẹ akpọ vwọ wan, umuku rẹ ota mẹ ọvuọvo se she fia-a, rhiri bẹsiẹ rẹ imu na ejobi vwọ gba,

Matiu 6:16

Ọfa, ovwan de chirẹ owẹvwe, we ruẹ kerẹ ikeferi ri mu opharo phihọ-ọ; ayen mu opharo phihọ rere ihwo vwọ mrẹ ayen nẹ ayen chirẹ owẹvwe. Uyota me ta kẹ ovwan, ayen vwo osa rayen nure.

Matiu 6:3

Ẹkẹvuọvo ovwan de ru ẹse we jẹ obọrhe rẹ ovwan riẹn obọ rẹ obọhwere rẹ ovwan ruẹ-ẹ.

Matiu 6:5

Wa da nẹ ẹrhovwo we ruẹ kerẹ otu ri Farisi na-a, re vwẹ oma nẹ vwẹ ọsuere-e, eyẹ vwẹ evun rẹ ishọshi-i, rere ihwo vwọ mrẹ ayen. Uyota me ta kẹ ovwan, ayen reyọ osa rayen nure.

Matiu 7:5

Wẹ omeru na, ke ririẹ iphughẹ rẹ ẹro wẹ tavwe, ku wọ mrẹ orẹ fiotọ vwo si iphughẹ rẹ ẹro rẹ ọrivẹ wẹn nọ.

Iyẹnrẹ Esiri ri Mak 12:39

vẹ egbara ri kpenu vwẹ evun rẹ sinagọg, kugbe asan ri kpenu vwẹ udoemu;

Iyẹnrẹ Esiri ri Mak 7:6

Ọ da ta kẹ ayen, Uyota Aizaya ghine mraro kpahe ovwan imeru na, kirobo re siro nẹ, Ihwo nana vwẹ unu mu ọghọ kẹ vwẹ ẹkẹvuọvo yẹ udu rayen sheri kẹ vwẹ.

Iyẹnrẹ Esiri ri Luk 11:41

Ẹkẹvuọvo dia obo evun wẹn de ru ẹse; gbe nighe, emu na ejobi kọ fon kẹ wẹ.

Iyẹnrẹ Esiri ri Luk 11:43

Ẹkan kẹ ovwan Farisi ! kidie asan ro me yovwi vwi Sinagọg wa guọnọ tidia kugbe uyere rẹ afieki.

Iyẹnrẹ Esiri ri Luk 12:33

Shẹ eyere wẹn, ru ẹse, kọn phihọ ekpo ro jẹ bẹrẹ, efe rẹ odjuvwu ro je re, asan rẹ oji se te-e rẹ eghwọghwọ da ria-a.

Iyẹnrẹ Esiri ri Luk 12:56

Ovwan imemesi na! Wa riẹn obo ra fan otọ rẹ aruọke vẹ enu; ẹkẹvuọvo kidie ovwan gbe riẹn obo ra fan otọ rẹ ọke nana-a?

Iyẹnrẹ Esiri ri Luk 13:15

Etiyin Ọrovwohwo da kpahe kẹ, Ovwan imemesi na! Ovwan ohwo ọvuọvo rha rhan erhuẹn eyẹ ekẹtẹkẹtẹ rọye nẹ urhuẹ-ẹn, we mi suo ra da ame?

Iyẹnrẹ Esiri ri Luk 20:46

Kẹnoma kẹ isiẹbe na, ri ku edagba igrogro vwọ yan, re guọnọ uyere rẹ afieki kugbe asan ro mẹ yovwi vwi sinagọg kugbe asan ro vwo ọghọ vwẹ asan orẹ,

Iyẹnrẹ Esiri ri Luk 6:24

Ẹkẹvuọvo ekan kẹ ovwan edafe, kidie ovwan vwo ẹkẹn efe rẹ ovwan nure.

Iyẹnrẹ Esiri ri Luk 6:42

Eyẹ komavọ wo sa vwọ ta kẹ oniọvo wẹn, Oniọvo, jẹn uvwe si umukueku rọ hẹ ẹro wẹn no, yẹ ekpuyovwi wẹn rha mrẹ ubrurhe rọ hẹ ẹro robọ wẹ-ẹn? Evwọrọn efian na, ke si ubrurhe rọ hẹ ẹro robọ wẹn na no, tavwe wọ ke mrẹ orẹ fiotọ vwo si umukueku rọ hẹ ẹro rẹ oniọvo wẹn no.

Iyẹnrẹ Esiri ri Jọn 13:29

Evo de roro nẹ, fikiridie Judas vwọ yọnrọn ekpu rẹ igho na, Jesu kọ ta kẹ, Ra dẹ obo ra guọnọ vwọ re orẹ na; eyẹ, ọ vwẹ ememu vwọ kẹ ivwiogbere.

Iyẹnrẹ Esiri ri Jọn 5:41

Me guọnọ ejiro rẹ ihwo-o.

Iyẹnrẹ Esiri ri Jọn 5:44

Mavọ ovwan vwo vwo segbuyota kpahe otu re guọnọ urinrin rẹ ohwohwo yọ gbe rha guọnọ urinrin ro nẹ obọ rẹ Ọghẹnẹ ọvuọvo rhe-e?

Iyẹnrẹ Esiri ri Jọn 7:18

Ọ rọ vwẹ ogangan robọ rọye ta ota yọ guọnọ urinrin robo rọye; ẹkẹvuọvo ọ rọ guọnọ urinrin rẹ ohwo ro jiro rhe yẹ ọye ohwo rẹ uyota, kaka efian rhere-e.

Iruo rẹ Iyinkọn na 10:2

Ohwo ro vwo erhi rẹ ẹga rọ djẹ oshọ rẹ Ọghẹnẹ ro vwo ẹgba rẹ ẹrhovwo ẹnẹ kẹdẹ kẹdẹ, te ọye vẹ evwruwevwi rọye ejobi, o ji ruẹse kẹ ihwo gangan.

Iruo rẹ Iyinkọn na 10:31

rọ tanẹ, Kọniliọs e nyo ẹrhovwo wẹn kugbe ẹse eruo wẹn a je karophihọ ayen vwo obaro rẹ Ọghẹnẹ.

Iruo rẹ Iyinkọn na 10:4

Ọ da tẹrovio vẹ uguegue, ọ da ta, Didi emu Ọrovwohwo? Ọ da ta kẹ, Ẹrhovwo wẹn kugbe ẹse wẹn rhi mudia họ ekarohọ vwẹ obaro rẹ Ọghẹnẹ.

Iruo rẹ Iyinkọn na 11:29

Idibo na ejobi de koko jẹ arhọghọ tiobo rẹ ohwo ọvuọvo sa jẹ vwo rhe imoni na re hẹ Judia rere owẹvwe vwo jẹ ayen ehwe.

Iruo rẹ Iyinkọn na 24:17

Asakiephana rẹ ikpe evo vwọ wan nu ke me ghwa ọko kugbe okẹ vwo rhe ẹgborho mẹ.

Iruo rẹ Iyinkọn na 9:36

Ọke yena odibo ọvo da herọ vwẹ obi Jọpa re se Tabita, otọ rọye Dọkas eyẹ Uzo, O ru ẹse mamọ, oki rhe vwo uruemu esiri.

Ọbe ri Pọl si rhe Ihwo ri Rom 12:8

ọ ro bruche, o ghwe nene uchebro rọye; ọ ro ru ẹse, o ghwe rhie abọ ruo; ọ rọ cha uko, e jo ruo vẹ oruru; ọ ro nẹ aruẹdọn, ọ vwẹ omavwerhovwẹ ruo.

1 Kọrẹnt 13:3

Ọ da dianẹ me vwẹ obo ri mi vwori ejobi ru ẹse, o da dianẹ mi phi oma mẹ phihọ erhanre nẹ ọ ton, ẹkẹvuọvo yi mi vwo ẹguọnọ-ọ, yo fi erere kẹ vwẹ-ẹ.

Galesha 2:10

ayen da ta kẹ avwanre nẹ a karohọ ivwiogbere, emu nana dẹn kọye avwanre phievu phihọ ru gangan; ọtiọna na ye je hẹ evun mẹ jovwo.

Ẹfesọs 4:28

E jẹn ohwo ro cho uji jẹ uji vwo, ẹkẹvuọvo e jẹ ọ vwẹ obọ rọye wian, ọ vwẹ abọ rọye ru iruo ro vwo ọghọ, rere ọ mrẹ vwọ kẹ ayen otu rẹ akpọ bẹn.

1 Tẹsalonaika 2:6

Avwanre guọnọ ejiro rẹ ihwo-o, avwanre guọnọ ejiro rẹ ovwan vwo siẹvo kẹ ihwo efa-a, dede na avwanre sa nọ ekpẹn rẹ ẹghẹrẹ kerẹ iyinkọn ri Kristi.

1 Timoti 6:18

Jẹn ayen ru emu esiri jẹn ayen fe efe rẹ uruemu esiri, jẹn ayen ru ẹse,

Filimọn 1:7

Kidie ẹguọnọ wẹn, oniọvo mẹ, vwẹ uchebro vẹ aghọghọ kẹ vwẹ, enana ejobi da vwẹ omavwerhe kẹ udu rẹ ihwo efuanfon na.

Hibru 13:16

Wa rua uvwerhi rẹ emu esiri eruo-o kugbe rere wo ghare obo ri rhe we kẹ ihwo, kidie okẹ ọtiọye na ri je Ọghẹnẹ.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.

1 Samuẹl 15:30

Etiyin ọ da ta, Mi ru umwemwu; yi dede na bru ọghọ phihọ ovwẹ oma vwẹ irharo rẹ ekpako na kugbe ihwo mẹ Izrẹl, rere wọ vẹ ovwẹ rhivwi kpo, ra ga Ọrovwohwo Ọghẹnẹ wẹn.