Matiu 6:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Jomaotọ, wo ru ẹse wẹn vwẹ irharo rẹ ihwo-o, rere ayen vwọ mrẹ wẹ-ẹ, ọ da dia ọtiọye wọ gbi se vwo osa vwẹ obaro rẹ ọsẹ rọ hẹ obo odjuvwu-u.

Matiu 6:1 ပူးပေါင်းရင်းမြစ်များ

Ivie rẹ Ivẹ 10:16

Ọ da ta, Nene uvwe, rere wọ mrẹ oruru mẹ kpahe Ọrovwohwo na. Kọye ọ vẹ ọye da gua yanran vwẹ akpẹrẹ rọye.

Ivie rẹ Ivẹ 10:31

Ẹkẹvuọvo Jehu rha vwẹ oma kpotọ yan phihọ idjerhe rẹ urhi rẹ Ọrovwohwo Ọghẹnẹ rẹ Izrẹl na-a, o kurhẹriẹ nẹ imwemwu ri Jeroboam ruru-u, rọ nẹrhẹ Izrẹl ru umwemwu.

Une rẹ Ejiro 112:9

O siobọ nẹ ọphọphẹ, ọ kẹ ivwiogbẹrẹ; ọvwata rọye dia rhiri bẹdẹ; a vwẹ ọghọ kpare ighoro rọye kpenu.

Izikiẹl 33:31

Ayen ki bru we rhe kirobo rẹ ihwo cha, ayen ki che tidia kẹrẹ owẹ kerẹ ihwo mẹ, ayen ki nyo obo ru wo ta ẹkẹvuọvo yẹ ayen ruo-o, kidie ẹbẹrunu ọye ẹguọnọ rẹ ayen epha, ẹkẹvuọvo yẹ ayen vwẹ udu rayen kpahe erere rayen cha mrẹ.

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Zekaraya 13:4

Vwẹ ẹdẹ yena oma cha vo kọmraro kọmraro vẹ emramrẹ rọye ọ sa vwẹ adja ya rọ da phiẹ ohwo-o,

Zekaraya 7:5

Ta ke ihwo rẹ otọ na ejobi kugbe irherẹn na, Ọke re ovwan vwo chiri owẹnvwe ji muomahọ vwe emeranvwe riyori veẹ ọrighwrẹ, vwẹ ikpe ujorha gbe ihwe nana, mẹvwẹ ovwan chiro kẹ?

Matiu 16:27

Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri.

Matiu 16:6

Jesu da ta kẹ ayen nẹ, Ovwan jomaotọ vwẹ oma rẹ emu ri Farisi kugbe Sadiusi.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

Matiu 23:5

Kidie ayen di ruẹ ọnana ghevweghe rere ihwo vwọ mrẹ ayen; kidie ayen ruẹ igbabọ hẹhẹre, ayen mi rhe ko iwun rẹ ayen reghereghe.

Matiu 25:40

Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ.

Matiu 5:16

Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

Matiu 5:46

Wọ da guọnọ igbeyan wẹ ọvo ki didi erere ri te we? Otu rẹ imiarhọghọ na rhe ji ru ọtiọye rhe-e?

Matiu 5:48

Ọtiọye na ovwan gba fon kirobo rẹ Ọsẹ rẹ ovwan rọ hẹ obo odjuvwu fonro na.

Matiu 6:16

Ọfa, ovwan de chirẹ owẹvwe, we ruẹ kerẹ ikeferi ri mu opharo phihọ-ọ; ayen mu opharo phihọ rere ihwo vwọ mrẹ ayen nẹ ayen chirẹ owẹvwe. Uyota me ta kẹ ovwan, ayen vwo osa rayen nure.

Matiu 6:9

Enẹ ovwan nẹ ẹrhovwo; Ọsẹ rẹ avwanre rọ hẹ obo odjuvwu, Jẹn avwanre vwẹ ọghọ kẹ ọde wẹn.

Iyẹnrẹ Esiri ri Mak 8:15

Ọ da phẹphẹ ayen unu, tanẹ, Ovwan kẹnoma kpahe iphuephu re emu ri Farisi vẹ iphuephu rẹ Herọd.

Iyẹnrẹ Esiri ri Luk 11:35

Fiki rẹ ọtiọye na gba jẹ omaotọ rere orẹmrẹ wẹn vwo jẹ ebri ẹdia.

Iyẹnrẹ Esiri ri Luk 12:1

Vwẹ ọke yena, rẹ ihwo uriori buebu rhi vwo koko gbidi rẹ ohwohwo vwo chiyi ohwohwo, o de ke muhọ ẹta kẹ idibo rọye, Wa kẹnoma kẹ iphuephu ri Farisi, rọ vọnre vẹ ophiẹvwe.

Iyẹnrẹ Esiri ri Luk 12:15

Ọ da ta kẹ ayen, Jomaotọ, re wo si oma wẹn nẹ urhuru evwo; ọ dia efe buebu rẹ ohwo vwori ọye urhuarhọ rọye epha-a.

Iyẹnrẹ Esiri ri Luk 16:15

Ẹkẹvuọvo ọ da ta kẹ ayen, Ovwan hẹ ihwo ri brorhiẹ kẹ oma rẹ ayen vwẹ obaro rẹ ihwo, ẹkẹvuọvo Ọghẹnẹ riẹn udu rẹ ovwan; kidie obo rẹ ihwo kpara kpenu yẹ ẹgua vwẹ obaro rẹ Ọghẹnẹ.

Iyẹnrẹ Esiri ri Jọn 12:43

kidie ayen guọnọ ejiro rẹ ihwo nọ ejiro rẹ Ọghẹnẹ.

Iyẹnrẹ Esiri ri Jọn 5:44

Mavọ ovwan vwo vwo segbuyota kpahe otu re guọnọ urinrin rẹ ohwohwo yọ gbe rha guọnọ urinrin ro nẹ obọ rẹ Ọghẹnẹ ọvuọvo rhe-e?

Iruo rẹ Iyinkọn na 3:12

Ọke rẹ Pita vwọ mrẹ ayen ọ da ta kẹ ayen, “Ihwo rẹ Izrẹl, die sorọ re emu nana vwo gbe ovwan unu, eyẹrẹ die nẹrhẹ ovwan vwọ tẹro viẹ avwanre kerẹsiẹ ra mrẹ nẹ ogangan eyẹrẹ ẹfuọn rẹ avwanre nerhẹ ohwo nana sa yan?

Galesha 6:12

Ayen otu re guọnọre nẹ e ni ayen rhuarho vwẹ ugboma, ihwo yena re tua ovwan muotọ nẹ ovwan yanvwe na, rere e vwo jẹ ayen hẹ ekpokpogho fiki rẹ agbagba ri Kristi na.

Urhi Rivẹ 24:13

ọnre da ro otọ nu, wọ Me reyọ emu rọ vwo viẹnwa na rhivwi rhe rere ọ vwọ mrasan vwẹ ewun rọye shevwerhẹ re ọ vwọ nẹ ẹrhovwo kẹ wẹ; kọ dia ọvwata kẹ wẹ vwẹ obaro rẹ Ọrovwohwo rẹ Ọghẹnẹ wẹn na.

Hibru 11:26

O de roro nẹ ekan ra harhe ohwo fiki ri Kristi re ma dia efe rode nọ efe rẹ Ijipt, fikiridie ọ vwẹ ẹro so osa na.

Hibru 2:1

Vwẹ ọtiọye na avwanre gba nabọ kerhọn rẹ obo rẹ avwanre nyori na, ọ rha dia ọtiọye-e avwanre de rhe bo ghwru.

Hibru 6:10

Kidie Ọghẹnẹ dia orharhe rẹ ohwo ro jẹ iruo esiri kugbe ẹguọnọ rẹ ovwan vwo kẹ odẹ rọye ẹkarohọ, ri we ru kẹ ihwo efuanfon na fiki rọye, kirobo rẹ ovwan ji ruẹ na.

2 Jon 1:8

We ni oma rẹ ovwan so, rere obo rẹ ovwan wian phihọ na vwo je ghwro, ẹkẹvuọvo rere ovwan vwo se vwo osa na gba.