Matiu 5:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ebruba kẹ ihwo rẹ owẹvwe rẹ ọvwata hwe; kidie evun cha vọn ayen.

Matiu 5:6 ပူးပေါင်းရင်းမြစ်များ

Une rẹ Ejiro 107:9

Kidie ofue urhuru rẹ ohwo rẹ urhuru rẹ ame hwe, ọ rọ owẹvwe hwe ọ da vwẹ emu esiri vọn evun!

Une rẹ Ejiro 145:19

O ruẹ ẹguọnọ rẹ otu re djẹ oshọ rọye gba, ọye ọvo ri nyo oviẹ rayen, o mi sivwi ayen.

Une rẹ Ejiro 17:15

Vwọ kẹ vwẹ, me cha vwẹ ọvwata mrẹ opharo wẹn, Me da rhọvwọ, evun kọ vọn vwẹ re me da mrẹ wẹn.

Une rẹ Ejiro 63:5

Ẹnwẹ mẹ ra ghọghọ kerẹsiẹ ra da re otu re osuanson kugbe ivwri, unu mẹ vẹ ẹbẹrunu mẹ ko jiri uwe vẹ aghọghọ,

Une rẹ Ejiro 65:4

Ebruphihọ kẹ ohwo ro wọ jẹreyọ ne o si kẹrẹ owẹ, rọ dia ọguan wẹn! Evun rẹ erhuvwu rẹ uwevwi wẹn cha vọn avwanre, uwevwi ọfuanfon wẹn na!

Une rẹ Ejiro 84:2

E Urhuru siẹ ẹnwẹ mẹ, nighe, oma ro fiki rẹ ẹguan rẹ Ọrovwohwo na, udu mẹ vẹ uvwo mẹ so ine rẹ aghọghọ kẹ Ọghẹnẹ ro je ghwo.

Isẹ 10:24

Obo rẹ ohwo umwemwu djẹ oshọ rọye che bro rhe, ẹkẹvuọvo emu rẹ ọvwata guọnọ ọye a vwọ kẹ.

Isẹ 21:21

Ohwo ro nenesi rẹ ọvwata vẹ arodọvwẹ cha mrẹ arhọ vẹ ọghọ reyọ.

Solomon 5:1

Mi de rhi te ogba mẹ, oniọvo mẹ, ọpha mẹ, Me da ghwẹ egẹn mẹ vẹ ugboduma mẹ, Me da vwẹ ọnyọn mẹ rẹ evwavwa mẹ? Me da vwẹ ame rẹ ivie da udi mẹ Re E igbeyan, re wọ da; Da udi vọn oma, E ense mẹ.

Aizaya 25:6

Vwẹ ugbenu nana Ọrovwohwo rẹ otuofovwi na kọ vwẹ emu kẹ ihwo na ejobi re emu rẹ ivwri, wain ro vwo ọgbodo, emu rẹ ivwri rọ vọnre vẹ otu rẹ esuanson, wain egangan ra nabọ rhẹ

Aizaya 41:17

Ọke rẹ ovwiogbere vẹ ọ re akpọ bẹn da guọnọ ame, ye ame herọ-ọ, re ẹrenvwe rọye da yamu vẹ urhuru rẹ ame, Mẹvwẹ rẹ Ọrovwohwo re sa kpahe kẹ ayen, Mẹvwẹ Ọrovwohwo rẹ Izrẹl na sa sen aye-en

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Aizaya 65:13

Fiki rẹ ọtiọye na enẹ Ọrovwohwo Ọghẹnẹ tare: Nighere, idibo Mẹ cha re emu, ẹkẹvuọvo owẹvwe che hwe we, nighere, idibo mẹ cha da udi, ẹkẹvuọvo urhuru che hwe we, nighe, idibo Mẹ cha ghọghọ, ẹkẹvuọvo oma cha vo owẹ,

Aizaya 66:11

rere wọ viẹ rere evun vọn wẹ vwe evie rọye rẹ ofuophu na, rere wọ da vọn vẹ omavwerhe nẹ obuebu rẹ urinrin rọye na rhe.

Jerimaya 31:25

Kidie mi che ru ẹnwẹn rẹ oma rhọ gan, me cha rhọvwọ, ẹnwẹn kẹnwẹn rẹ oma rhọ.

Iyẹnrẹ Esiri ri Luk 1:53

Ọ vwẹ emu kẹ otu rẹ owẹvwe hwe; edafe na ọ djẹ ayen kpo vẹ abọ ofefe.

Iyẹnrẹ Esiri ri Luk 6:21

Ebruba kẹ ovwan rẹ owẹvwe hwe vwẹ asakiephana, kidie evun cha vọn ovwan. Ebruba kẹ ovwan re viẹ vwẹ asakiephana, kidie ovwan cha hwẹ.

Iyẹnrẹ Esiri ri Luk 6:25

Ekan kẹ ovwan, rẹ evun vọnre vwẹ asakiephana, kidie owẹvwe che hwe ovwan. Ekan kẹ ovwan, re hwẹ vwẹ asakiephana, kidie ovwan cha viẹ muomahọ.

Iyẹnrẹ Esiri ri Jọn 4:14

ẹkẹvuọvo kohwo kohwo rọ da ame re me cha vwọ kẹ na urhuru rẹ ame gbi che hwe ọfa-a; ame re me cha vwọ kẹ na ko che hirhe phihọ ogbugbu rẹ ame ro duvwẹ cha re te arhọ ro vwo oba-a.

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

Iyẹnrẹ Esiri ri Jọn 7:37

Vwẹ ẹdẹ rọ ka oba vwẹ orẹ na, ẹdẹ rode na, Jesu de mudia o de ghwoghwo, Ohwo rẹ urhuru rẹ ame hwe, e jo bru uvwe rhe rhe da.

Ẹvwọphia 7:16

Owẹvwe gbi hwe ayen ọfa-a, eyẹ urhuru rẹ ame gbi hwe ayen ọfa-a; uvo gbi mu ayen ọfa-a, eyẹ oheri gbi heri ayen ọfa-a.